Salamo 118:1-29
118 A haamauruuru ia Iehova, mea maitai hoi oia.+E vai â to ˈna here taiva ore e a muri noa ˈtu.
2 Ia parau Iseraela i teie nei:
“E vai â to ˈna here taiva ore e a muri noa ˈtu.”
3 Ia parau to te utuafare o Aarona i teie nei:
“E vai â to ˈna here taiva ore e a muri noa ˈtu.”
4 Ia parau te feia e mǎtaˈu ra ia Iehova i teie nei:
“E vai â to ˈna here taiva ore e a muri noa ˈtu.”
5 Ua tiaoro vau ia Ia* i roto i to ˈu ahoaho.Ua pahono e ua hopoi Ia ia ˈu i te hoê vahi papu.*+
6 Tei pihai iho Iehova ia ˈu, e ore au e mǎtaˈu.+
Eaha hoi ta te taata e nehenehe e rave i nia ia ˈu?+
7 Tei pihai iho Iehova ia ˈu ei tauturu ia ˈu.*+E mataitai au i te feia e hae ra ia ˈu ia hiˈa.+
8 Mea maitai aˈe ia imi i te haapuraa ia Iehova raI te tiaturi i te taata nei.+
9 Mea maitai aˈe ia imi i te haapuraa ia Iehova raI te tiaturi i te huiarii.+
10 Ua haaati mai te mau nunaa atoa ia ˈu,I te iˈoa râ o Iehova,Ua patoi au ia ratou.+
11 Ua haaati ratou ia ˈu, oia mau, ua haaati-roa-hia vau,I te iˈoa râ o Iehova,Ua patoi au ia ratou.
12 Ua haaati ratou ia ˈu mai te manu meri ra,Ua pohe oioi râ ratou mai te hoê auahi i ropu i te raau taratara.
I te iˈoa o Iehova,Ua patoi au ia ratou.+
13 Ua turai-puai-hia vau* ia marua vau,Ua tauturu mai râ Iehova ia ˈu.
14 O Ia to ˈu haapuraa e to ˈu puai,Ua riro oia ei faaoraraa no ˈu.+
15 Tei roto i te mau fare ie o te feia parau-tiaTe reo oaoa e o te faaoraraa.*
Te faaite ra te rima atau o Iehova i to ˈna mana.+
16 Te maraa ra te rima atau o Iehova.Te faaite ra te rima atau o Iehova i to ˈna mana.+
17 E ore au e pohe, e ora mau â vau,No te faaite i te mau ohipa a Ia.+
18 Ua aˈo-etaeta-hia mai au e Ia,+Aita râ oia i tuu ia ˈu i te pohe ra.+
19 A iriti i te mau uputa o te parau-tia no ˈu,+E tomo atu vau na reira a arue atu ai ia Ia.
20 Teie te uputa a Iehova.
E tomo te taata parau-tia na reira.+
21 E arue au ia oe, ua pahono mai hoi oe ia ˈu+E ua riro oe ei faaoraraa no ˈu.
22 Te ofai ta te feia patu fare i faarue,Ua riro mai ïa ei ofai tihi.*+
23 No ǒ mai te reira ia Iehova ra,+Mea faahiahia roa no tatou.+
24 O te mahana teie ta Iehova i haamau.E oaoa tatou e e oaoa roa i taua mahana ra.
25 E Iehova, a faaora na ia matou, te taparu atu nei matou!
E Iehova, a horoa mai na i te upootiaraa!
26 E haamaitaihia tei haere mai ma te iˈoa o Iehova.+Te haamaitai nei matou ia outou mai te fare mai o Iehova.
27 O Iehova te Atua.Na ˈna e horoa i te maramarama ia tatou.+
A apiti mai i te oroa ma te amaa i roto i te rima,+E tae roa ˈtu i te mau tara o te fata.+
28 O oe to ˈu Atua, e e arue au ia oe.To ˈu Atua, e faateitei au ia oe.+
29 A haamauruuru ia Iehova,+ mea maitai hoi oia.E vai â to ˈna here taiva ore e a muri noa ˈtu.+
Nota i raro i te api
^ E haapotoraa “Ia” o te iˈoa Iehova.
^ Aore ra “vahi ateatea.”
^ Huri-atoa-hia “e te feia e tauturu mai ra ia ˈu.”
^ Huri-atoa-hia “Ua turai puai oe ia ˈu.”
^ Aore ra “upootiaraa.”
^ Heb: “ei tupuai o te poro fare.”
