Salamo 32:1-11
Salamo a Davida. Masekila.*
32 E oaoa te taata tei faaorehia te hapa e tei tapoˈihia* te hara.+
2 E oaoa te taata ta Iehova e ore e haamanaˈo i te hara,+Te taata aita e haavare i roto i to ˈna aau.
3 Ia ˈu i mamû noa, ua ino to ˈu mau ivi no to ˈu uururaa i te mahana taatoa.+
4 Ua riro hoi to rima* i te po e te ao ei mea teimaha i nia ia ˈu.+
Ua pau to ˈu puai mai te pape e mǎrô ra i te âhu o te tau veavea. (Sela)
5 Faˈi atura vau i ta ˈu hara ia oe.Aita vau i huna i ta ˈu hapa.+
Ua parau vau: “E faˈi au i ta ˈu mau hapa ia Iehova.”+
E ua faaore oe i ta ˈu hapa, ta ˈu mau hara.+ (Sela)
6 No reira te feia taiva ore atoa e pure ai ia oe,+E taime â to matou no te faafatata ˈtu ia oe.+
Eita ïa ratou e noaa i te pape pue.
7 E tapuniraa oe no ˈu.E faaora oe ia ˈu i te ahoaho.+
E haaati oe ia ˈu i te umere o te faaoraraa.+ (Sela)
8 “E horoa ˈtu vau na oe i te haroˈaroˈa e e haapii atu vau ia oe i te eˈa ia haere oe.+
E aˈo atu vau ia oe, ei nia to ˈu mata ia oe.+
9 Eiaha e riro mai te puaahorofenua aore ra te pheradi, i te maramarama ore,+No te faaroo ore e titauhia ˈi ia tamauhia ˈtu i te tavahaHou ratou a faafatata mai ai ia oe.”
10 Mea rahi te mauiui o te taata ino.Te taata râ o te tiaturi ia Iehova, te haaatihia ra ïa oia e to ˈna here taiva ore.+
11 A oaoa ia Iehova e ia oaoa roa outou, e te feia parau-tia ra!A umere, outou paatoa e te aau tia.
