Salamo 12:1-8
-
E tia Iehova a ohipa ˈtu ai
-
Mea viivii ore te mau parau a te Atua (6)
-
Na te aratai o te feia himene. Faatanohia i nia i te Seminita.* Salamo a Davida.
12 A faaora mai ia ˈu, e Iehova, aita faahou hoi te taata taiva ore.Aita faahou e feia haapao maitai i rotopu i te huitaata.
2 Te haavare ra ratou te tahi i te tahi.Te faatietie ra ratou e to ratou vaha* e te paraparau ra ratou ma te aau haavarevare.*+
3 E faaore Iehova i te mau vaha faatietie atoaE te arero o te faahiti ra i te parau faateniteni,+
4 Te feia e parau ra: “E upootia tatou i to tatou arero.
E faaohipa tatou i to tatou vaha mai ta tatou e hinaaro.O vai to tatou fatu?”+
5 “No te mea te haavîhia ra te feia e ahoaho ra,No te mea te autâ ra te feia veve,+E tia vau a ohipa ˈtu ai,” te parau mai ra Iehova.
“E faaora vau ia ratou i te rima o te feia e vahavaha ra ia ratou.”
6 Mea viivii ore te mau parau a Iehova.+E au te reira i te ario i haamaitaihia i roto i te hoê umu araea,* e hitu taime i te tamâraahia.
7 E tiai oe ia ratou, e Iehova.+E paruru oe ia ratou tataitahi i teie uˈi e a muri noa ˈtu.
8 Te hahaere nei te feia ino ma te fifi ore,Te turai ra hoi te mau tamaiti a te taata nei ia rave i te mea faufau.+
Nota i raro i te api
^ Heb: “paraparau ra ratou e te utu mǎrû.”
^ Heb: “i te hoê aau e te hoê aau.”
^ Huri-atoa-hia “hoê umu tuuhia i raro.”
