Salamo 7:1-17
-
E Haava parau-tia o Iehova
-
“A haava ia ˈu e Iehova” (8)
-
Himene otoraa a Davida ta ˈna i himene ia Iehova no nia i te mau parau a Kusa ati Beniamina.
7 E Iehova to ˈu Atua, te haapu nei au ia oe ra.+
A faaora ia ˈu i te feia atoa o te hamani ino ra ia ˈu.+
2 Aita anaˈe, e hahae ratou ia ˈu mai te hahaeraa a te liona,+A hopoi atu ai ia ˈu e aita e taata no te faaora ia ˈu.
3 E Iehova to ˈu Atua, mai te peu ua hape au,Mai te peu ua rave au i te ohipa parau-tia ore,
4 Mai te peu ua hara vau i tei hamani maitai mai ia ˈu,+Aore ra mai te peu ua haru vau i te taoˈa a to ˈu enemi aita e tumu,*
5 Ia aˈuaˈu ïa te hoê enemi ia ˈu e ia noaa vau ia ˈna.Ia taataahi oia i to ˈu ora i raro i te repoE ia mou ia ˈna to ˈu hanahana i raro i te repo. (Sela)
6 A tia i roto i to oe riri, e Iehova,A tia no te patoi i te riri rahi o to ˈu mau enemi.+A tauturu ia ˈu e a faatupu i te parau-tia.+
7 Ia haaati te mau nunaa ia oe,E mai te raˈi mai, e patoi oe ia ratou.
8 E haava Iehova i te mau nunaa.+
A haava ia ˈu e Iehova,E a haamanaˈo e taata parau-tia vau e te hapa ore.+
9 A faaore na i te mau ohipa a te feia ino.
A haamau papu râ i te feia parau-tia,+O oe hoi te Atua parau-tia+ o te hiˈopoa i te aau+ e te mau huru aau hohonu roa ˈˈe.*+
10 O te Atua ta ˈu paruru,+ te Faaora o te feia aau tia.+
11 E Haava parau-tia te Atua,+E te faaite nei te Atua i ta ˈna mau haavaraa i te mau mahana atoa.
12 Ia ore te taata ia tatarahapa,+ e faaoi oia i ta ˈna ˈoˈe,+E huti oia i ta ˈna fana ia ineine te reira.+
13 Te faaineine ra oia i ta ˈna mau mauhaa taparahi.Te faaineine ra oia i ta ˈna mau teˈa auahi.+
14 A hiˈo na i tei hapû i te ino.Te hamani ra oia i te ati e te fanau ra i te haavare.+
15 Te ô ra oia i te hoê apoo a faahohonu maitai ai.O ˈna râ te marua i roto i te apoo ta ˈna i ô.+
16 E hoˈi te ati ta ˈna e faatupu ra i nia i to ˈna iho upoo.+E hoˈi mai to ˈna ino i nia ia ˈna iho.
17 E arue au ia Iehova no ta ˈna parau-tia.+E himene au i te arueraa* i te iˈoa o Iehova+ Tei Teitei Roa ˈˈe.+
Nota i raro i te api
^ Huri-atoa-hia “E ua vaiiho vau ia ora tei patoi mai ia ˈu ma te tumu ore.”
^ Aore ra “o te tamata i te aau e te mape.”
^ Aore ra “hauti au i te upaupa.”