Salamo 140:1-13
Na te aratai o te feia himene. Salamo a Davida.
140 E Iehova, a faaora ia ˈu i te feia ino ra,A paruru ia ˈu i te feia haavî ra,+
2 Te feia o te opua ra i te ohipa ino i roto i to ratou aau+A faatupu atu ai i te tamaˈi i te roaraa o te mahana.
3 Te faaoi ra ratou i to ratou arero mai to te ophi,+E taero ophi to roto i to ratou vaha.+ (Sela)
4 E Iehova, a paruru ia ˈu i te rima o te feia ino.+A faaora ia ˈu i te feia haavî ra,Te feia o te opua ra i te faaturori ia ˈu.
5 Te huna ra te feia teoteo i te tahi marei no ˈu.I te taura, te hohora ra ratou i te hoê upeˈa i te pae purumu.+
Te tuu ra ratou i te marei no ˈu.+ (Sela)
6 Te parau nei au ia Iehova: “O oe to ˈu Atua.
E Iehova, a faaroo mai i ta ˈu mau aniraa i te tauturu.”+
7 E te Arii hau ê e Fatu ra o Iehova, to ˈu Faaora puai,E paruru oe i to ˈu upoo i te mahana o te tamaˈi.+
8 E Iehova, eiaha e farii i te hinaaro o te feia ino.
Eiaha e vaiiho ia manuïa ta ratou mau opuaraa, ia ore ratou ia faateiteihia.+ (Sela)
9 Te upoo o te feia e haaati ra ia ˈu,Ia tapoˈihia ïa i te ino i parauhia e to ratou mau vaha.+
10 Ia topa mai te arahu ama i nia ia ratou.+
Ia hurihia ratou i roto i te auahi,I roto i te mau apoo hohonu,*+ eiaha ratou ia tia faahou mai.
11 Eiaha ia itea mai i te taata pari haavare te vahi no ˈna i te fenua nei.+
Ia tapapa e ia tairi te ino i te feia haavî.
12 Ua ite au e e paruru Iehova i te feia haihaiA haava ˈtu ai i te feia veve ma te parau-tia.+
13 E arue mau â te feia parau-tia i to iˈoa.E parahi te feia afaro i mua ia oe.+
Nota i raro i te api
^ Aore ra “i te mau apoo pape.”
