Salamo 49:1-20
Na te aratai o te feia himene. Salamo a te mau tamaiti a Kora.+
49 A faaroo mai, e te mau nunaa e.
A fariu mai i to outou tariˈa, e to te ao taatoa nei,*
2 Te feia haihai mai te feia mana,*Te feia moni mai te feia veve.
3 E faaite to ˈu vaha i te parau paari,E e faaite te manaˈoraa o to ˈu aau+ i te maramarama.
4 E fariu vau i to ˈu tariˈa i te tahi parau paari.E faataa vau i ta ˈu piri ma te kinura.
5 Eaha vau e mǎtaˈu ai i te tau ati,+Ia haaatihia vau e te ino o* te feia e hinaaro ra ia hiˈa vau?
6 Te feia o te tiaturi ra i ta ratou faufaa+E o te faatietie ra no nia i ta ratou mau taoˈa rahi,+
7 Aita hoê o ratou e nehenehe e hoo mai i te hoê taeaeAore ra e hopoi i te Atua ra i te hoê hoo no ˈna,+
8 (Mea moni roa hoi te ora o te hoê taata ia hoo mai,Eita roa ˈtu e pee ia ratou).
9 A ora ˈtu ai oia e a muri noa ˈtu, a ore atu ai e ite i te apoo.*+
10 Te ite ra oia e e pohe atoa te taata paari.E pohe te maamaa e te feia haroˈaroˈa ore,+E e vaiiho ratou i ta ratou faufaa na vetahi ê.+
11 Te hinaaro nei ratou ia vai noa to ratou fare e a muri noa ˈtu,To ratou mau fare ie mai tera uˈi i tera uˈi.
Ua topa ratou i to ratou mau tâpû fenua i to ratou iho iˈoa.
12 Eita râ te taata, noa ˈtu mea faaturahia oia, e vai noa mai.+Aita oia i hau aˈe i te mau animara e pohe ra.+
13 Tera te hopea o te feia maamaa+E o te feia e pee ra ia ratou, o te au i ta ratou mau parau faufaa ore. (Sela)
14 E tuuhia ratou i te Apoo* ra, mai te mau mamoe.
Na te pohe e tiai ia ratou.E faatere te feia afaro ia ratou+ i te poipoi.
E moˈe roa to ratou parau.+E ere te aorai o te riro ei nohoraa no ratou,+ o te Apoo*+ râ.
15 E hoo mai râ te Atua ia ˈu i te mana* o te Apoo,*+E tapea mai hoi oia ia ˈu. (Sela)
16 Eiaha e mǎtaˈu no te mea te rahi noa ˈtu ra te taoˈa a te hoê taata,No te mea te unauna noa ˈtu ra to ˈna fare,
17 Ia pohe hoi oia, eita ta ˈna e nehenehe e hopoi i te tahi mea na muri ia ˈna,+Eita to ˈna unauna e pou i raro na muri ia ˈna.+
18 Te haapopou noa ra hoi oia ia ˈna iho i te roaraa o to ˈna oraraa.+
(E aruehia oe ia manuïa oe.)+
19 E apiti atoa râ oia i te uˈi o to ˈna mau tupuna.
Eita roa ˈtu ratou e ite faahou i te maramarama.
20 Te taata o te ore e taa ra i te reira, noa ˈtu mea faaturahia oia,+Aita oia i hau aˈe i te mau animara e pohe ra.
Nota i raro i te api
^ Heb: “Te mau tamaiti a te huitaata mai te mau tamaiti a te taata nei.”
^ Heb: “hara a.”
^ Aore ra “apoo hunaraa.”
^ Heb: “rima.”
