Salamo 31:1-24
Na te aratai o te feia himene. Salamo a Davida.
31 Ua haapu vau ia oe ra e Iehova.+
Eiaha roa vau ia haama.+
A faaora ia ˈu no to parau-tia.+
2 A fariu mai i to tariˈa* ia ˈu nei.
A haere oioi mai e faaora ia ˈu.+
Ia riro oe ei pare no ˈu i nia i te mouˈa,Ei pare etaeta no te faaora ia ˈu.+
3 O oe hoi to ˈu mato e to ˈu pare.+No to iˈoa,+ e aratai oe ia ˈu e e faaite mai oe i te eˈa ia haere.+
4 E faaora oe ia ˈu i te upeˈa tei tuuhia no ˈu ma te huna,+O oe hoi to ˈu pare.+
5 Te tuu atu nei au i to ˈu ora* i roto i to rima.+
Ua hoo mai oe ia ˈu, e Iehova te Atua parau mau.*+
6 Mea hae na ˈu i te feia haamori idolo faufaa ore.Area o vau, te tiaturi nei au ia Iehova.
7 E oaoa rahi to ˈu i to here taiva ore,Ua ite hoi oe i to ˈu ati.+Ua ite oe i to ˈu ahoaho rahi.
8 Aita oe i tuu ia ˈu i te enemi ra,Te faatia nei râ oe ia ˈu i te hoê vahi papu.*
9 A faaite mai i to farii maitai e Iehova, tei roto hoi au i te ati.
Ua haaparuparu te ahoaho i to ˈu mata+ e to ˈu tino taatoa.+
10 Te potohia ra to ˈu ora no te oto+E to ˈu mau matahiti no te autâ.+
Te pau ra to ˈu puai no ta ˈu hara.Te paruparu noa ˈtu ra to ˈu mau ivi.+
11 Te vahavahahia ra vau e to ˈu mau enemi atoa,+To ˈu iho â râ taata tupu.
Te riaria ra te feia ta ˈu i matau ia ˈu.Ia ite ratou ia ˈu i te vahi taata, e horo ratou.+
12 Te morohi nei au i roto i to ratou feruriraa,* mai te mea ra e ua pohe au.E au vau i te hoê farii parari.
13 Ua faaroo vau e rave rahi parau faaino.Te haaati ra te mǎtaˈu ia ˈu.+
Te haaputuputu ra ratouA opua ˈtu ai i te taparahi pohe ia ˈu.+
14 Te tiaturi nei râ vau ia oe e Iehova.+
Te parau ra vau: “O oe to ˈu Atua.”+
15 Tei roto i to rima to ˈu mau mahana.*
A faaora ia ˈu i te rima o to ˈu mau enemi e te feia e hamani ino ra ia ˈu.+
16 A faaanaana i to aro i nia i to tavini.+
A faaora ia ˈu i to here taiva ore.
17 E Iehova, eiaha vau ia haama ia tiaoro vau ia oe.+
Ia haama te feia ino.+Ia haamamûhia ratou i roto i te Apoo.*+
18 Ia haamamûhia te vaha haavare,+Te vaha e paraparau ra no nia i te taata parau-tia ma te teoteo, te faateitei e te vahavaha.
19 Auê te rahi o to maitai!+
Ua faaherehere oe i te reira no te feia e mǎtaˈu ra ia oe,+E ua faaite oe i te reira i mua i te taata atoa, no te feia e imi ra i te haapuraa ia oe ra.+
20 I to oe ra vahi moˈe,E tapuni oe ia ratou+ i te mau opuaraa a te taata nei.I raro aˈe i to tamaru,E tapuni oe ia ratou i te mau opuaraa ino.*+
21 Ia aruehia Iehova,Ua faaite mai hoi oia ma te ravea faahiahia i to ˈna here taiva ore+ i roto i te hoê oire haaatihia.+
22 O vau râ, ua riaria vau e ua parau:
“E pohe au i mua ia oe.”+
Ua faaroo râ oe i ta ˈu mau taparuraa i te tauturu i to ˈu tiaororaa ia oe.+
23 A here ia Iehova, outou paatoa o tei ore i taiva ia ˈna!+
E paruru Iehova i te feia haapao maitai,+E faautua rahi râ oia i te feia e faaite i te teoteo.+
24 Ia itoito outou e ia puai to outou aau,+Outou paatoa o te tiai ra ia Iehova.+
