Salamo 119:1-176
-
A haafaufaa i te parau a te Atua
-
“E nafea te hoê taata apî e ora ˈi i te hoê oraraa viivii ore?” (9)
-
“Mea au roa na ˈu i ta oe mau haamanaˈoraa” (24)
-
“Mea au roa na ˈu i to ture!” (97)
-
“Mea rahi aˈe to ˈu haroˈaroˈa i to to ˈu mau orometua haapii” (99)
-
“E mori to parau no to ˈu nei avae” (105)
-
“E parau mau te taatoaraa o ta oe parau” (160)
-
E hau rahi to te feia mea au na ratou i ta te Atua ture (165)
-
א [Alepha]
119 E oaoa te feia o te haere ma te hapa ore,O te haapao i te ture a Iehova.+
2 E oaoa te feia o te haapao i ta ˈna mau haamanaˈoraa,+O te imi ia ˈna ma to ratou aau atoa.+
3 Eita ratou e rave i te mea tia ore.E haere ratou na to ˈna mau eˈa.+
4 Ua faaue oeIa haapao-maite-hia ta oe mau faaueraa.+
5 E hinaaro rahi to ˈu e mau papu+I te haapaoraa i ta oe mau faatureraa!
6 Eita ïa vau e haama+Ia feruri au i ta oe mau faaueraa atoa.
7 E arue au ia oe ma te aau afaroIa haapii au i ta oe mau haavaraa parau-tia.
8 E haapao vau i ta oe mau faatureraa.
Eiaha roa ˈtu oe e faarue ia ˈu.
ב [Beta]
9 E nafea te hoê taata apî e ora ˈi i te hoê oraraa viivii ore?
E haapao oia i ta oe parau.+
10 Te imi ra vau ia oe ma to ˈu aau atoa.
Eiaha oe e vaiiho ia ˈu ia hahi ê i ta oe mau faaueraa.+
11 Te tapea maite nei au i ta oe parau i roto i to ˈu aau+Ia ore au ia hara ia oe.+
12 Ia aruehia oe, e Iehova,E haapii mai oe ia ˈu i ta oe mau faatureraa.
13 I to ˈu vaha, te faaite nei auI te mau haavaraa atoa ta oe i haava.
14 Te oaoa nei au i ta oe mau haamanaˈoraa+Hau aˈe i te mau taoˈa moni rahi atoa.+
15 E feruriruri* au i ta oe mau faaueraa+A haamau noa ˈtu ai i to ˈu mata i nia i to mau eˈa.+
16 Mea au roa na ˈu i ta oe mau faaueraa.
Eita vau e haamoˈe i ta oe parau.+
ג [Gimela]
17 A hamani maitai mai i to tavini,Ia ora vau a haapao ai i ta oe parau.+
18 A faaaraara i to ˈu mata ia ite maitai auI te mau mea faahiahia i roto i to ture.
19 E taata ê au i teie fenua.+
Eiaha e huna i ta oe mau faaueraa ia ˈu nei.
20 E hinaaro rahi to ˈuI ta oe mau haavaraa i te mau taime atoa.
21 E tamaˈi oe i te feia teoteo,Te feia i faainohia o te fariu ê ra i ta oe mau faaueraa.+
22 A faaatea i te faaoooraa e te vahavaharaa ia ˈu nei,Ua haapao hoi au i ta oe mau haamanaˈoraa.
23 Ia parahi amui atoa te huiarii e ia paraparau ratou no nia ia ˈu,E feruriruri* to tavini i ta oe mau faatureraa.
24 Mea au roa na ˈu i ta oe mau haamanaˈoraa.+Na te reira e aˈo mai ia ˈu.+
ד [Daleta]
25 Te tarava nei au i raro i te repo.+
A faaherehere i to ˈu ora ia au i ta oe parau.+
26 Ua faaite au ia oe i to ˈu mau haerea, e ua pahono oe ia ˈu.A haapii mai ia ˈu i ta oe mau faatureraa.+
27 A tauturu ia ˈu ia taa i te auraa* o ta oe mau faaueraa,Ia nehenehe au e feruriruri* i ta oe mau ohipa faahiahia.+
28 No to ˈu oto, aita to ˈu taoto i topa.
A haapuai ia ˈu ia au i ta oe parau.
29 A faaatea ê atu i te eˈa o te haavare ia ˈu nei,+E a faaite ia ˈu i to farii maitai ma te horoa mai i to ture.
30 Ua maiti au i te eˈa o te haapao maitai.+
No ˈu, mea tia ta oe mau haavaraa.
31 Te ati maite ra vau i ta oe mau haamanaˈoraa.+
E Iehova, eiaha vau ia haama.+
32 E auraro vau i ta oe mau faaueraa,E faarahi hoi oe i to ˈu maramarama.
ה [He]
33 E Iehova, a haapii mai ia ˈu+ i te eˈa o ta oe mau faatureraa,E e haapao vau i te reira e tae noa ˈtu i te hopea.+
34 A horoa mai i te maramarama,Ia haapao vau i to tureE ia auraro vau i te reira ma to ˈu aau atoa.
35 A aratai* ia ˈu na te eˈa o ta oe mau faaueraa,+Mea au roa hoi na ˈu i te reira.
36 A fariu i to ˈu aau i ta oe ra mau haamanaˈoraa,Eiaha i te hinaaro miimii ra.+
37 A fariu ê i to ˈu mata i te mea faufaa ore.+A faaherehere i to ˈu ora i nia i to eˈa.
38 A faatupu i te parau ta oe i fafau* i to tavini,Ia mǎtaˈuhia oe.*
39 A iriti ê i te haama ta ˈu e riaria ra,Mea maitai hoi ta oe mau haavaraa.+
40 A hiˈo na i to ˈu hinaaro i ta oe mau faaueraa.
No to parau-tia, a faaherehere i to ˈu ora.
ו [Vau]
41 Ia tamata vau i to here taiva ore, e Iehova,+Ta oe faaoraraa ia au i ta oe parau fafau.*+
42 E pahono ïa vau i tei faaino mai ia ˈu,Te tiaturi ra hoi au i ta oe parau.
43 Eiaha roa e tatara i te parau mau mai roto mai i to ˈu vaha.Te tiaturi* ra hoi au i ta oe haavaraa.
44 E tamau noa vau i te haapao i to tureE a muri noa ˈtu.+
45 E haere au na te hoê vahi papu,*+Te imi ra hoi au i ta oe mau faaueraa.
46 E faaite au i ta oe mau haamanaˈoraa i mua i te mau arii,E eita vau e haama.+
47 Mea au roa na ˈu i ta oe mau faaueraa,Oia mau, mea au roa na ˈu i te reira.+
48 E faateitei au i to ˈu rima i ta oe ra mau faaueraa, o ta ˈu e au roa,+E e feruriruri* au i ta oe mau faatureraa.+
ז [Zaina]
49 A haamanaˈo i ta oe parau* i to tavini ra,Ta oe i tuu mai no te horoa i te hoê tiaturiraa no ˈu.*
50 O to ˈu tamahanahanaraa teie i roto i to ˈu ati,+I ta oe parau hoi au e ora noa ˈi.
51 Te faaooo rahi ra te feia teoteo ia ˈu,Eita râ vau e fariu ê i ta oe ra ture.+
52 Te haamanaˈo ra vau i ta oe mau haavaraa i tahito ra,+ e Iehova,E ua itea mai ia ˈu te tamahanahanaraa i roto.+
53 E riri rahi to ˈu i te feia inoO tei faarue i to ture.+
54 No ˈu, e au ta oe mau faatureraa i te himeneI te mau vahi atoa e parahi ai au.*
55 Te haamanaˈo ra vau i to iˈoa i te po, e Iehova,+Ia haapao noa vau i to ture.
56 E peu matauhia tera na ˈu,Te haapao ra hoi au i ta oe mau faaueraa.
ח [Heta]
57 O Iehova ta ˈu tuhaa.+Ua euhe au e haapao i ta oe mau parau.+
58 Te taparu nei au ia oe* ma to ˈu aau atoa,+A faaite mai i to farii maitai+ ia au i ta oe parau fafau.*
59 Ua hiˈopoa vau i to ˈu mau haerea,No te faafariu mai i to ˈu avae i ta oe ra mau haamanaˈoraa.+
60 Te haapeepee ra vau, aita vau e haamarirau raI te haapao i ta oe ra mau faaueraa.+
61 Te haaati mai ra te mau taura a te feia ino ia ˈu,Aita râ vau e haamoˈe ra i to ture.+
62 I te tuiraa po, e tia vau i nia no te haamauruuru ia oe+No ta oe mau haavaraa parau-tia.
63 E hoa vau no te taata atoa e mǎtaˈu ra ia oeE te feia e haapao ra i ta oe mau faaueraa.+
64 E Iehova, ua î te fenua nei i to here taiva ore.+A haapii ia ˈu i ta oe mau faatureraa.
ט [Teta]
65 Ua hamani maitai oe i to tavini,Ia au i ta oe parau, e Iehova.
66 A haapii mai ia ˈu i te haroˈaroˈa e te ite,+Te tiaturi ra hoi au i ta oe mau faaueraa.
67 Hou te ati i tairi ai ia ˈu, i hahi ê na vau,*I teie nei râ, te haapao ra vau i ta oe parau.+
68 Mea maitai oe+ e mea maitai ta oe mau ohipa.
A haapii ia ˈu i ta oe mau faatureraa.+
69 Te haavare noa mai ra te feia teoteo ia ˈu,Te haapao nei râ vau i ta oe mau faaueraa ma to ˈu aau atoa.
70 E aau farii ore to ratou,+Mea au roa râ na ˈu i to ture.+
71 Mea maitai e ua roohia vau i te ati,+Ua taa ïa ia ˈu ta oe mau faatureraa.
72 Mea maitai no ˈu te ture ta oe i faaite,+Mea maitai aˈe i na tausani moni ario e te auro.+
י [Ioda]
73 Na to rima i hamani e i tarai ia ˈu.
A horoa mai i te maramarama,Ia haapii au i ta oe mau faaueraa.+
74 Te oaoa ra te feia e mǎtaˈu ra ia oe a ite ai ia ˈu,O ta oe parau hoi to ˈu tiaturiraa.*+
75 Ua ite au, e Iehova, e mea tia ta oe mau haavaraa+E no to haapao maitai i aˈo ai oe ia ˈu.+
76 Ia tamahanahana to here taiva ore+ ia ˈu,Ia au i te parau ta oe i fafau* i to tavini nei.
77 A aroha hamani maitai mai ia ˈu, ia ora noa vau,+Mea au roa hoi na ˈu i to ture.+
78 Ia haama te feia teoteo,Te hamani ino ra hoi ratou ia ˈu, aita e tumu.*
E feruriruri* râ vau i ta oe mau faaueraa.+
79 Ia hoˈi mai te feia e mǎtaˈu ra ia oe ia ˈu nei,Te feia o tei ite i ta oe mau haamanaˈoraa.
80 Ia haapao to ˈu aau i ta oe mau faaueraa ma te hapa ore,+Ia ore au ia haama.+
כ [Kapha]
81 Te tiai ru nei au i ta oe faaoraraa,+O ta oe parau hoi to ˈu tiaturiraa.*
82 Te tiai ru nei to ˈu mata i ta oe parau+A parau ai au: “Afea oe e tamahanahana mai ai ia ˈu?”+
83 E au hoi au i te hoê pute iri animara mǎrô i te au auahi,Aita râ vau e haamoˈe ra i ta oe mau faatureraa.+
84 Ehia mahana e tiai ai to tavini?
Afea oe e faautua ˈi i te feia o te hamani ino ra ia ˈu?+
85 Te ô ra te feia teoteo i te apoo no ˈu,Te feia o te patoi ra i to ture.
86 E nehenehe ta oe mau faaueraa atoa e tiaturihia.
Te hamani ino ra te taata ia ˈu, aita e tumu. A tauturu mai ia ˈu!+
87 Fatata roa ratou i te haamou ia ˈu i te fenua nei,Aita râ vau i faarue i ta oe mau faaueraa.
88 No to here taiva ore, a faaherehere i to ˈu ora,Ia haapao vau i te mau haamanaˈoraa ta oe i faaite.
ל [Lameda]
89 E vai â to parau i te raˈi, e Iehova,E a muri noa ˈtu.+
90 E vai â to haapao maitai e hope noa ˈtu te mau uˈi atoa.+
Ua haamau papu oe i te fenua nei, e te vai noa ra i to ˈna vairaa.+
91 Maoti ta oe mau haavaraa, te vai noa mai ra te reira* e tae roa mai i teie mahana,E tavini anaˈe hoi te reira na oe.
92 Ahani aita vau i au i to ture,Ua pohe ïa vau i roto i to ˈu ati.+
93 E ore roa vau e haamoˈe i ta oe mau faaueraa,Maoti hoi te reira oe i faaherehere ai i to ˈu ora.+
94 No oe au, a faaora ia ˈu,+Te imi nei hoi au i ta oe mau faaueraa.+
95 Te hinaaro ra te feia ino e haamou ia ˈu,Te feruriruri maite nei râ vau i ta oe mau haamanaˈoraa.
96 Mea rahi te mea tia roa ta ˈu i ite,Mea maitai aˈe râ ta oe mau faaueraa i tera mau mea atoa.
מ [Mema]
97 Mea au roa na ˈu i to ture!+
Te feruriruri* ra vau i te reira i te roaraa o te mahana.+
98 I ta oe ra faaueraa, e paari rahi aˈe to ˈu i to to ˈu mau enemi,+Tei pihai iho noa hoi te reira ia ˈu.
99 Mea rahi aˈe to ˈu haroˈaroˈa i to to ˈu mau orometua haapii,+Te feruriruri* ra hoi au i ta oe mau haamanaˈoraa.
100 Mea maramarama aˈe au i te feia ruhiruhia,Te haapao ra hoi au i ta oe mau faaueraa.
101 Eita roa vau e hinaaro e haere na nia i te tahi eˈa ino,+Ei haapaoraa i ta oe parau.
102 Aita vau e faaatea ê ra ia ˈu i ta oe mau haavaraa,Ua haapii mai hoi oe ia ˈu.
103 Mea momona ta oe ra mau parau i roto i to ˈu vaha,Oia mau, mea momona aˈe i te meri i to ˈu nei vaha!+
104 Ua noaa ia ˈu te maramarama i ta oe mau faaueraa.+
No reira, mea hae na ˈu i te mau eˈa hape atoa.+
נ [Nuna]
105 E mori to parau no to ˈu nei avae,E mori turama no to ˈu nei eˈa.+
106 Ua horeo vau, e e faatupu vau i te reira,E haapao i ta oe mau haavaraa parau-tia.
107 E ati rahi mau to ˈu.+
E Iehova, a faaherehere i to ˈu ora ia au i ta oe parau.+
108 E Iehova, ia mauruuru oe ia pûpû vau i te arueraa ia oe.*+A haapii mai ia ˈu i ta oe mau haavaraa.+
109 Mai pohe noa vau,Aita râ to ture i moˈe ia ˈu.+
110 Ua tuu te feia ino i te hoê marei no ˈu,Aita râ vau i fariu ê atu i ta oe mau faaueraa.+
111 E faufaa tamau* ta oe mau haamanaˈoraa no ˈu,Tera hoi te oaoaraa o to ˈu aau.+
112 Ua faaoti au e* auraro i ta oe mau faatureraaI te mau taime atoa e tae noa ˈtu i te hopea.
ס [Sameha]
113 Mea hae na ˈu i te feia aau piti,+Te hinaaro nei râ vau i to ture.+
114 O oe to ˈu haapuraa e ta ˈu paruru,+O ta oe parau hoi to ˈu tiaturiraa.*+
115 Eiaha e faafatata mai ia ˈu, outou te feia ohipa ino,+Ia haapao vau i te mau faaueraa a to ˈu Atua.
116 A turu ia ˈu mai ta oe i fafau,*+Ia ora noa vau.Eiaha to ˈu tiaturiraa ia riro ei haamaraa.+
117 A turu ia ˈu ia ora vau.+E haamau noa ïa vau i to ˈu feruriraa i nia i ta oe mau faatureraa.+
118 E patoi oe i te taata atoa o te fariu ê ra i ta oe mau faatureraa,+E feia haavare hoi ratou e te haavarevare.
119 E faaore oe i te feia ino o te fenua nei mai te mea ra e e ota faufaa ore ratou.+
No reira vau e au roa ˈi i ta oe mau haamanaˈoraa.
120 E rûrû vau no to ˈu mǎtaˈu ia oe.Te riaria ra vau i ta oe mau haavaraa.
ע [Oina]
121 Ua rave au i te mea tia e te tano.
Eiaha e faarue ia ˈu i te feia e hamani ino ra ia ˈu!
122 A haapapu i to tavini e e tauturu oe ia ˈna.Eiaha te feia teoteo ia hamani ino ia ˈu.
123 Ua rohirohi to ˈu mata i te tiairaa i ta oe faaoraraa+E i ta oe parau fafau* tia.+
124 A faaite i to here taiva ore i to tavini,+E a haapii mai ia ˈu i ta oe mau faatureraa.+
125 O to tavini au, a horoa mai i te maramarama,+Ia taa ia ˈu ta oe mau haamanaˈoraa.
126 Ua tae te taime e ohipa ˈi Iehova,+Ua ofatihia hoi to ture.
127 No reira vau e au roa ˈi i ta oe mau faaueraaHau aˈe i te auro, te auro tamâhia atoa ra.+
128 No ˈu, mea tano ïa te mau faaueraa atoa no ǒ mai ia oe ra.+Mea hae na ˈu i te mau eˈa hape atoa.+
פ [Pe]
129 Mea faahiahia ta oe mau haamanaˈoraa.
No reira vau e haapao ai i te reira.
130 E turama mai te faaiteraa o ta oe mau parau,+E noaa te maramarama i te feia o te ere ra i te paari.+
131 Te hamǎmǎ rahi ra vau i to ˈu vaha e te autâ ra,*E hinaaro rahi hoi to ˈu i ta oe mau faaueraa.+
132 A fariu mai ia ˈu nei e a faaite mai i to farii maitai,+Mai ta oe e rave noa ra no* te feia e hinaaro ra i to iˈoa.+
133 I ta oe parau, a aratai maitai mai* i to ˈu taahiraa avae.Eiaha roa te tahi mea ino ia haavî ia ˈu.+
134 A faaora* ia ˈu i te feia hamani ino ra,E e haapao noa vau i ta oe mau faaueraa.
135 Ia anaana to oe hohoˈa mata i nia i to tavini,+E a haapii mai ia ˈu i ta oe faatureraa.
136 Te tahe ra to ˈu roimata,Aita hoi te taata e haapao ra i to ture.+
צ [Sadi]
137 E parau-tia ta oe, e Iehova,+E mea tano ta oe mau haavaraa.+
138 Mea tia te mau haamanaˈoraa ta oe e horoaE e nehenehe iho â e tiaturi.
139 E au to ˈu itoito rahi i te auahi i roto ia ˈu,+Ua haamoˈe hoi to oe ra mau enemi i ta oe mau parau.
140 Mea viivii ore ta oe parau,+E mea au roa na to tavini i te reira.+
141 Te haafaufaa ore e te vahavaha ra vetahi ê ia ˈu,+Aita râ vau i haamoˈe i ta oe mau faaueraa.
142 E parau-tia mure ore ta oe parau-tia,+E e parau mau to ture.+
143 Noa ˈtu ua roohia vau i te ahoaho e te fifi,Mea au noa iho â na ˈu i ta oe mau faaueraa.
144 Mea mure ore te parau-tia o ta oe mau haamanaˈoraa.
A horoa mai i te maramarama,+ ia ora noa vau.
ק [Kopha]
145 Te tiaoro nei au ma to ˈu aau atoa. A pahono ia ˈu, e Iehova.
E haapao vau i ta oe mau faatureraa.
146 Te tiaoro nei au ia oe, a faaora ia ˈu!
E haapao vau i ta oe mau haamanaˈoraa.
147 Aita â i ao atura i to ˈu araraa mai no te ani i te tauturu,+O ta oe parau hoi to ˈu tiaturiraa.*
148 E araara to ˈu mata hou te mau araraa o te po,Ia nehenehe au e feruriruri* i ta oe parau.+
149 No to here taiva ore, a faaroo mai i to ˈu reo.+
E Iehova, a faaherehere i to ˈu ora ia au i ta oe parau-tia.
150 E faafatata mai te feia haerea haama.*Mea atea roa ratou i to ture.
151 Tei pihai iho oe ia ˈu, e Iehova,+E e parau mau ta oe mau faaueraa atoa.+
152 Ua ite ê na vau e ua haamau oe i ta oe mau haamanaˈoraaIa vai te reira e a muri noa ˈtu.+
ר [Resa]
153 A hiˈo mai i to ˈu ati e a faaora ia ˈu,+Aita hoi to ture i moˈe ia ˈu.
154 A paruru e a faaora ia ˈu.+A faaherehere i to ˈu ora ia au i ta oe parau fafau.*
155 Mea atea te faaoraraa i te feia ino,Aita hoi ratou i imi i ta oe mau faatureraa.+
156 E aroha hamani maitai rahi to oe, e Iehova.+
A faaherehere i to ˈu ora ia au i ta oe parau-tia.
157 Mea rahi to ˈu enemi e te feia e hamani ino ra ia ˈu.+Aita râ vau i fariu ê i ta oe mau haamanaˈoraa.
158 Mea faufau na ˈu i te feia haavarevare,Aita hoi ratou e haapao ra i ta oe parau.+
159 Mea au roa na ˈu i ta oe mau faaueraa!
No to here taiva ore, e Iehova, a faaherehere i to ˈu ora.+
160 E parau mau te taatoaraa o ta oe parau,+E e vai â ta oe mau haavaraa parau-tia atoa e a muri noa ˈtu.
ש [Sina]
161 Te hamani ino nei te huiarii ia ˈu,+ aita e tumu,E faatura rahi râ to ˈu i ta oe mau parau.+
162 Te oaoa nei au i ta oe parau,+Mai te hoê taata tei itea mai ia ˈna te taoˈa rahi.
163 Mea hae na ˈu i te haavare, mea riri na ˈu i te reira.+Mea au roa na ˈu i to ture.+
164 Te arue ra vau ia oe e hitu taime i te mahanaNo ta oe mau haavaraa parau-tia.
165 E hau rahi to te feia mea au na ratou i to ture.+Aita e mea e faaturori ia ratou.*
166 Te tiaturi nei au i ta oe mau ohipa faaoraraa, e Iehova,E te haapao ra vau i ta oe mau faaueraa.
167 Te haapao nei au i ta oe mau haamanaˈoraa,E te poihere ra vau i te reira.+
168 Te haapao nei au i ta oe mau faaueraa e haamanaˈoraa,Te ite ra hoi oe i te mau mea atoa ta ˈu e rave ra.+
ת [Tau]
169 Ia tae ta ˈu aniraa i te tauturu ia oe ra, e Iehova.+
I ta oe ra parau, a horoa mai i te maramarama.+
170 Ia tae ta ˈu aniraa i te farii maitai i mua ia oe.
A faaora ia ˈu mai ta oe i fafau.*
171 Ia manii mai te arueraa mai roto mai i to ˈu vaha,+Te haapii mai ra hoi oe ia ˈu i ta oe mau faatureraa.
172 Ia himene to ˈu arero i ta oe ra parau,+E faaueraa tia anaˈe hoi ta oe.
173 Ia ineine to rima i te tauturu ia ˈu,+Ua maiti hoi au i te auraro i ta oe mau faaueraa.+
174 E hinaaro rahi to ˈu i ta oe faaoraraa, e Iehova,E mea au roa na ˈu i to ture.+
175 Ia ora vau no te arue ia oe.+Ia tauturu ta oe mau haavaraa ia ˈu.
176 Te overe haere nei au mai te hoê mamoe o tei moˈe.+ A imi i to tavini,Aita hoi i moˈe ia ˈu ta oe mau faaueraa.+
Nota i raro i te api
^ Aore ra “haapii.”
^ Aore ra “haapii.”
^ Heb: “eˈa.”
^ Aore ra “haapii.”
^ Aore ra “faahaere.”
^ Aore ra “ta oe parau.”
^ Huri-atoa-hia “O tei fafauhia i tei mǎtaˈu ra ia oe.”
^ Aore ra “parau.”
^ Aore ra “tiai.”
^ Aore ra “vahi ateatea.”
^ Aore ra “haapii.”
^ Aore ra “te parau ta oe i fafau.”
^ Aore ra “Te parau i faatiai ai oe ia ˈu.”
^ Aore ra “I te fare e parahi ai au ei taata ê.”
^ Aore ra “Te tamǎrû ra vau i to oe hohoˈa mata.”
^ Aore ra “parau.”
^ Aore ra “i hara na vau ma te manaˈo ore.”
^ Aore ra “Te tiai ra hoi au i ta oe parau.”
^ Aore ra “ta oe i parau.”
^ Huri-atoa-hia “ma te haavare.”
^ Aore ra “haapii.”
^ Aore ra “Te tiai ra hoi au i ta oe parau.”
^ Oia hoi te mau mea atoa ta ˈna i poiete.
^ Aore ra “haapii.”
^ Aore ra “haapii.”
^ Heb: “mauruuru oe i te mau ô horoa noa a to ˈu vaha.”
^ Aore ra “tuhaa mure ore.”
^ Heb: “Ua fariu vau i to ˈu aau no te.”
^ Aore ra “Te tiai ra hoi au i ta oe parau.”
^ Aore ra “ia au i ta oe parau.”
^ Aore ra “parau.”
^ Heb: “paupau ra to ˈu aho.”
^ Heb: “Ia au i ta oe haavaraa i.”
^ Aore ra “a haapapu.”
^ Heb: “hoo mai.”
^ Aore ra “Te tiai ra hoi au i ta oe parau.”
^ Aore ra “haapii.”
^ Aore ra “faufau.”
^ Aore ra “parau.”
^ Aore ra “No ratou, aita e ofai turoriraa.”
^ Aore ra “ia au i ta oe parau.”
