Yoshua 23:1-16

  • Maneno ya Yoshua ya kuaga viongozi wa Israeli (1-16)

    • Hakuna neno la Yehova lenye halikutimia (14)

23  Siku nyingi kisha Yehova kupatia Israeli pumuziko+ kutokana na maadui wote wenye waliwazunguka, wakati Yoshua alikuwa amezeeka na alikuwa ameishi miaka mingi,+  Yoshua akaita Israeli wote,+ wazee wao, vichwa vyao, waamuzi wao, na maofisa wao,+ akawaambia: “Nimezeeka; nimeishi miaka mingi.  Na mumeona mambo yote yenye Yehova Mungu wenu alitendea mataifa haya yote kwa ajili yenu, kwa sababu Yehova Mungu wenu alikuwa anawapigania.+  Muangalie, niliwagawia kwa kura+ inchi ya mataifa yenye inabakia na pia inchi ya mataifa yote yenye niliharibu+ ili ikuwe uriti wa makabila yenu,+ kuanzia Yordani mupaka Bahari Kubwa* upande wa mangaribi.*  Na Yehova Mungu wenu ndiye alikuwa anawafukuza watoke mbele yenu,+ na aliwaondoa* kwa ajili yenu, na mulikamata inchi yao, kama vile Yehova Mungu wenu aliwaahidi.+  “Sasa munapaswa kuwa hodari sana ili kufuata na kushika mambo yote yenye kuandikwa katika kitabu cha Sheria+ ya Musa, musiiache hata kidogo kwa kuenda kuume wala kushoto,+  musichangamane hata kidogo na mataifa haya+ yenye yanabakia pamoja na ninyi. Hamupaswe hata kutaja majina ya miungu yao+ wala kuapa kwa miungu hiyo, na hamupaswe hata kidogo kuitumikia wala kuiinamia.+  Lakini munapaswa kushikamana na Yehova Mungu wenu,+ kama vile mumekuwa mukifanya mupaka leo.  Yehova atafukuza mataifa makubwa na yenye nguvu yatoke mbele yenu,+ kwa maana hakuna mutu mwenye ameweza kushindana na ninyi mupaka leo.+ 10  Mutu wenu mumoja tu atafukuza watu elfu moja (1 000),+ kwa sababu Yehova Mungu wenu anawapigania,+ kama vile aliwaahidi.+ 11  Basi muendelee kuwa waangalifu*+ kwa kumupenda Yehova Mungu wenu.+ 12  “Lakini kama munageuka na kushikamana na watu wa mataifa haya yenye yanabakia,+ wenye wangali pamoja na ninyi na kama munafanya maagano ya ndoa+ pamoja* nao na kujiunga nao na wao kujiunga na ninyi, 13  munapaswa kujua kwa uhakika kwamba Yehova Mungu wenu hataendelea kufukuza* mataifa haya kwa ajili yenu.+ Yatakuwa mutego kwenu na kitu cha kunasa na yatakuwa fimbo kwenye mbavu zenu+ na miiba katika macho yenu mupaka wakati mutaangamia musikuwe tena katika inchi hii ya muzuri yenye Yehova Mungu wenu amewapatia. 14  “Sasa muangalie! Ninakaribia kufa,* na munajua muzuri kwa moyo wenu wote na kwa nafsi* yenu yote kwamba hakuna hata neno moja lenye halikutimia kati ya ahadi zote za muzuri zenye Yehova Mungu wenu aliwaahidi. Yote yametimia kwa ajili yenu. Hakuna hata neno moja kati ya maneno hayo lenye halikutimia.+ 15  Lakini kama vile ahadi zote za muzuri zenye Yehova Mungu wenu amewapatia zimetimia kwa ajili yenu,+ ni vile Yehova atawaletea misiba yote yenye aliahidi* na kuwaharibu musikuwe tena katika inchi hii ya muzuri yenye Yehova Mungu wenu amewapatia.+ 16  Kama mutavunja agano la Yehova Mungu wenu lenye aliwaamuru mushike na kama mutaenda na kutumikia miungu mingine na kuiinamia, kasirani ya Yehova itawaka juu yenu+ na mutaangamia haraka musikuwe tena katika inchi ya muzuri yenye amewapatia.”+

Maelezo ya Chini

Ni kusema, Mediterania.
Ao “kuelekea upande jua linashukia.”
Ao “alikamata inchi yao.”
Ao “Basi mulinde nafsi zenu kwa uangalifu.”
Ao “munaoana.”
Ao “kukamata inchi ya.”
Tnn., “Leo ninaenda katika njia ya dunia yote.”
Ao “kila neno la mubaya.”