Malaki 4:1-6

  • Kuja kwa Eliya mbele ya siku ya Yehova kufika (1-6)

    • “Jua la haki litaangaza” (2)

4  “Kwa maana angalia! siku inakuja, yenye kuwaka kama tanuru,+ na wale wote wenye kimbelembele na wote wenye kutenda uovu watakuwa kama majani yenye kukauka. Siku hiyo yenye kuja itawameza,” ni vile Yehova wa majeshi anasema, “na haitawaachia muzizi wala tawi.  Lakini ninyi wenye kuheshimia* jina langu, jua la haki litaangaza, litakuwa na uponyeshaji katika miali* yake; na mutaruka-ruka kama vitoto-dume vya ngombe vyenye kunenepa.”  “Na mutakanyangia waovu chini, kwa sababu watakuwa kama mavumbi chini ya vikanyangio vya miguu yenu siku yenye nitatenda,” ni vile Yehova wa majeshi anasema.  “Mukumbuke Sheria ya Musa mutumishi wangu, masharti na hukumu zenye niliamuru kwenye Mulima Horebu ili Israeli wote watii.+  “Angalia! Ninatuma kwenu nabii Eliya+ mbele ya kuja kwa siku kubwa ya Yehova na yenye kuogopesha sana.+  Na atarudisha mioyo ya baba kwa wana,+ na mioyo ya wana kwa baba, ili nisikuje kupiga dunia na kuiharibu.”

Maelezo ya Chini

Tnn., “kuogopa.”
Tnn., “mabawa.”