Yoeli 3:1-21
3 “Kwa maana tazama! katika siku hizo na wakati huo,Nitakapowarudisha mateka wa Yuda na Yerusalemu,+
2 Nitakusanya pia mataifa yoteNa kuyaleta chini kwenye Bonde la* Yehoshafati.*
Na humo nitawahukumu+Kwa ajili ya watu wangu na urithi wangu Israeli,Kwa maana waliwatawanya miongoni mwa mataifa,Nao waligawana nchi yangu miongoni mwao.+
3 Nao waligawana watu wangu kwa kura;+Walimuuza mvulana ili wamlipe kahabaNa kumuuza msichana ili wanunue divai wanywe.
4 Pia, kwa nini mnanitendea hivi,Enyi watu wa Tiro na Sidoni na maeneo yote ya Ufilisti?
Je, mnanilipiza kisasi kwa sababu ya jambo fulani?
Ikiwa mnanilipiza kisasi,Nitawalipiza kisasi haraka, naam, upesi.*+
5 Kwa sababu mmechukua fedha na dhahabu yangu,+Nanyi mmepeleka hazina zangu bora kabisa kwenye mahekalu yenu;
6 Na watu wa Yuda na Yerusalemu mmewauza kwa Wagiriki,+Mkawaondoa na kuwapeleka mbali na eneo lao;
7 Tazameni, nitawachochea watoke mahali mlipowauza,+Nami nitawalipiza kisasi.*
8 Nitawauza wana wenu na mabinti wenu kwa watu wa Yuda,+Nao watawauza kwa wanaume wa Sheba, kwa taifa lililo mbali sana;Kwa maana Yehova mwenyewe amesema hilo.
9 Tangazeni hili miongoni mwa mataifa:+
‘Jitayarisheni kwa ajili ya* vita! Wachocheeni wanaume hodari!
Wanajeshi wote na wakaribie, acheni wapige mwendo!+
10 Yafueni majembe yenu yawe mapanga na miundu yenu iwe mikuki.
Aliye dhaifu na aseme: “Nina nguvu.”
11 Njooni msaidie, enyi mataifa yote jirani, kusanyikeni pamoja!’”+
Ee Yehova, wateremshe mahali hapo wenye nguvu* wako.
12 “Mataifa na yachochewe na kuja kwenye Bonde la* Yehoshafati;Kwa maana nitaketi huko ili kuyahukumu mataifa yote jirani.+
13 Tieni mundu, kwa maana mavuno yamekomaa.
Teremkeni na kuyakanyaga, kwa maana shinikizo la divai limejaa.+
Mitungi inafurika, kwa sababu uovu wao ni mwingi.
14 Umati, umati umo katika bonde la* uamuzi,Kwa maana siku ya Yehova iko karibu katika bonde la* uamuzi.+
15 Jua na mwezi vitakuwa giza,Na nyota zitapoteza mwangaza wake.
16 Na Yehova atanguruma kutoka Sayuni,Atapaza sauti yake kutoka Yerusalemu.
Na mbingu na dunia zitatikisika;Lakini Yehova atakuwa kimbilio kwa watu wake,+Ngome kwa watu wa Israeli.
17 Nanyi mtalazimika kujua kwamba mimi ni Yehova Mungu wenu, ninayekaa Sayuni, mlima wangu mtakatifu.+
Yerusalemu litakuwa mahali patakatifu,+Na wageni hawatapita tena humo.+
18 Siku hiyo milima itadondosha divai tamu,+Vilima vitatiririka maziwa,Na vijito vyote vya Yuda vitatiririka maji.
Kutoka katika nyumba ya Yehova kijito kitatiririka,+Nacho kitanywesha Bonde la* Miti ya Mishita.
19 Lakini Misri itakuwa ukiwa,+Na Edomu itakuwa nyika iliyo ukiwa,+Kwa sababu ya ukatili waliowatendea watu wa Yuda,+Katika nchi yao walimwaga damu isiyo na hatia.+
20 Lakini Yuda itakaliwa daima,Na Yerusalemu kizazi baada ya kizazi.+
21 Damu yao niliyoiona kuwa na hatia nitaiona kuwa isiyo na hatia;+Na Yehova atakaa Sayuni.”+
Maelezo ya Chini
^ Au “Nchi Tambarare ya Chini ya.”
^ Maana yake “Yehova Ni Mwamuzi.”
^ Tnn., “Nitaleta kisasi haraka, upesi juu ya vichwa vyenu.”
^ Tnn., “Nitaleta kisasi juu ya vichwa vyenu.”
^ Tnn., “Takaseni.”
^ Au “mashujaa.”
^ Au “Nchi Tambarare ya Chini ya.”
^ Au “nchi tambarare ya chini ya.”
^ Au “nchi tambarare ya chini ya.”
^ Au “Nchi Tambarare ya Chini ya.”
