Esaia 52:1-15
52 Tsoha, tsoha, u ikapese matla,+ uena Sione!+
Apara liaparo tsa hao tse ntle,+ uena Jerusalema, motse o halalelang!
Ea sa bollang le ea sa hloekang ha ba sa tla hlola ba kena ho uena.+
2 Itlhohlore lerole, ema ’me u lule setulong, uena Jerusalema.
Fasolla liketane tse molaleng oa hao, uena morali oa Sione oa motšoaruoa.+
3 Jehova o re:
“Le rekisitsoe mahala+’Me le tla lokolloa ntle ho tefo.”+
4 Jehova ’Musi oa Lintho Tsohle o re:
“Qalong batho ba ka ba ile ba theohela Egepeta ho ea lula teng e le balichaba+Eaba Asiria e ba hatella ntle ho lebaka.”
5 Jehova o re: “Joale, ke lokela ho etsa’ng moo?”
Jehova o boetse o re: “Sechaba sa ka se nkiloe feela.
Ba se busang ba ntse ba ithorisa ka tlholo,+Lebitso la ka lea telloa kamehla, letsatsi lohle.+
6 Ka lebaka leo, sechaba sa ka se tla tseba lebitso la ka.+
Ka lebaka lona leo, ba tla tseba letsatsing leo hore ke ’na ea buang.
Ke ’na ea buang!”
7 A matle hakaakang lithabeng maoto a ea tlisang litaba tse monate,+Ea phatlalatsang khotso,+Ea tlisang litaba tse monate tsa ho hong ho molemo,Ea phatlalatsang poloko,Ea reng ho Sione: “Molimo oa hao ke Morena.”+
8 Mamela! Balebeli ba hao ba phahamisa mantsoe.
Ba hoeletsa ba thabile ba le ’mohoHobane ba tla bona ka mahlo ha Jehova a khutlisa Sione.
9 Nyakallang, hoeletsang ka thabo le le ’moho, lona libaka tse ripitliloeng tsa Jerusalema+Hobane Jehova o tšelisitse batho ba hae.+ O lopolotse Jerusalema.+
10 Jehova o entse hore lichaba tsohle li bone matla a hae a halalelang.+
Batho bohle ba lefatšeng ba tla bona hore na Molimo oa rona o entse’ng ho pholosa* batho ba hae.+
11 Lona ba jarang lijana tsa ntlo ea Jehova,+Tlohang, tlohang, tsoang moo,+ le se ke la tšoara letho le sa hloekang.+
Tsoang har’a eona,+ le ipoloke le hloekile.
12 Le ke ke la tsoa le tšohileKapa la tlameha ho balehaKaha Jehova o tla tsamaea ka pel’a lona,+Molimo oa Iseraele e tla ba molebeli oa lona ea ka morao.+
13 Mohlanka oa ka+ o tla etsa lintho ka temoho.
O tla behoa maemong a phahameng,A phahamisoe ’me a hlomphuoe haholo.+
14 Feela joalokaha ho ne ho e-na le ba bangata ba neng ba mo shebile ba maketseHobane o ne a senyehile sebopeho ho feta mang kapa mangLe botle ba hae bo senyehile ho feta ba batho,
15 Ka tsela e tšoanang o tla makatsa lichaba tse ngata.+
Marena a tla koala melomo* ka pel’a hae,+A tla bona lintho tseo a sa li bolelloang’Me a tla nahana ka lintho tseo a sa kang a li utloa.+
