Esaia 47:1-15
47 Theoha ’me u lule leroleng,Uena morali oa Babilona oa moroetsana.+
Lula fatše moo ho se nang terone,+Uena morali oa Bakalde.
Ha ho sa tla ba le mohla batho ba reng u khosatsana.
2 Nka leloala la letsoho ’me u sile phofo.
Tlosa lesira la hao.
Hlobola mose oa hao ’me u hlahise litlhafu.
Tšela linoka.
3 Bofeela ba hao bo tla pepesoa.
Lihlong tsa hao li tla bonoa.
Ke tla iphetetsa+ ’me ha ho motho ea tla ntšitisa.*
4 “Lebitso la ea re lopollangKe Jehova oa mabotho,Mohalaleli oa Iseraele.”+
5 Lula moo ka khutso ’me u ee lefifing,Uena morali oa Bakalde.+
Ha ba sa tla hlola ba u bitsa Mofumahali oa Mebuso.*+
6 Ke ile ka halefela batho ba ka,+Ka silafatsa lefa la ka+Eaba ke fana ka bona letsohong la hao.+
Empa ha oa ka oa ba hauhela.+
U behile joko e boima esita le holim’a monna-moholo.+
7 U itse: “Ke tla lula ke le Mofumahali ho ea ho ile.”+
Ha oa ka oa tebisetsa lintho tsena pelong.
Ha oa ka oa nahana ka hore na taba ena e tla qetella joang.
8 Joale mamela, uena ea ratang monyaka,+Ea lulang a sireletsehile, ea reng ka pelong:
“Ntle ho ’na, ha ho e mong.+
Nke ke ka ba mohlolohali,Nke ke ka tseba ho lahleheloa ke bana.”+
9 Empa lintho tsena tse peli li tla u tlela ka tšohanyetso, ka letsatsi le le leng:+
Bohlolohali le ho lahleheloa ke bana.
Li tla u tlela ka matla a maholo+Ka lebaka la* boloi ba hao bo bongata le ho betsa ka mantsoe a boloi a matla.+
10 U ile oa tšepa bokhopo ba hao.
U itse: “Ha ho na ea mponang.”
Bohlale le tsebo ea hao ke tsona tse u khelositseng’Me u re ka pelong: “Ntle ho ’na, ha ho e mong.”
11 Empa u tla oeloa ke tlokotsi.
U ke ke oa khona ho e thiba ka boloi.
U tla oeloa ke tsietsi, u ke ke oa khona ho e qoba.
Ka tšohanyetso timelo eo u sa e tsebeng e tla u oela holimo.+
12 Kahoo, tsoela pele ka mantsoe a hao a boloi le boloi ba hao bo bongata,+Boo esale u sehla ka thata ho bona ho tloha bocheng ba hao.
Mohlomong bo ka u tlisetsa katleho,Mohlomong u ka tšosa batho.
13 U khathalitsoe ke ho batla baeletsi ba bangata.
Ba rapelang maholimo,* ba shebang linaleli,+Ba lepang khoeli le khoeliKa lintho tse tla u tlela,Ba ke ba tle ’me ba u pholose.
14 Bonang! Ba joaloka litlhaka.
Mollo o tla ba chesa.
Ba ke ke ba pholosa bophelo ba bona matleng a lelakabe.
Ona ha se mollo o ka oroang’Me ana ha se mashala a ho iphuthumatsa.
15 Batho ba hao ba tšerehanyang linoha ba tla ba joalo ho uena,Bao u sehlileng le bona ho tloha bocheng ba hao.
Ba tla hlahlathela, e mong le e mong a inkele tsela ea hae.*
Ho ke ke ha e-ba le ea tla u pholosa.+
