Esaia 13:1-22
13 Ena ke kahlolo e tobisitsoeng ho Babilona+ eo Esaia+ mora oa Amoze a e boneng ponong:
2 “Phahamisang letšoao*+ holim’a mafika.
Ba bitseng, fokang matsohoHore ba kene menyako ea bahlomphehi.
3 Ke laetse bao ke ba khethileng.*+
Ke bitsitse masole a ka hore ke ntše bohale ba ka ka ’ona,Masole a ka a thabileng, a motlotlo.
4 Utloang! Ho na le letšoele lithabeng,Ho utloahala lerata la batho ba bangata.
Utloang! Ho na le moferefere oa mebusoLe oa lichaba tse bokaneng.+
Jehova oa mabotho o khobokanya lebotho bakeng sa ntoa.+
5 Jehova o tla le libetsa tsa bohale ba haeHo tsoa naheng e hole,+Pheletsong ea maholimo,Ho tla timetsa lefatše lohle.+
6 Bokollang kaha letsatsi la Jehova le haufi.
Le tla tla joaloka timetso e hlahang ho Ea Matla ’Ohle.+
7 Ke ka lebaka leo matsoho ’ohle a tla tepella’Me motho e mong le e mong a tšohe.*+
8 Batho ba tšohile.+
Ba tsitsipane ebile baa opeloaJoaloka mosali ea bohlokong ba pelehi.
Ba shebana ba tšohile.
Lifahleho tsa bona li hloname.
9 Letsatsi la Jehova lea tla,Le tla ka sehloho, ka khalefo le ka bohale bo tukangE le ho etsa hore naha e be ntho e tšosang+Le ho felisa baetsalibe ba naha eo.
10 Linaleli tsa maholimo le lihlopha tsa tsona*+Li ke ke tsa khanya.
Letsatsi le tla fifala ha le hlaha,Le khoeli e ke ke ea khantša leseli la eona.
11 Ke tla etsa hore lefatše le arabelle bobe ba lona+Le ba khopo ba arabelle sebe sa bona.
Ke tla felisa boikakaso ba ba iketelletsang pele,Ke kokobetse boikhohomoso ba bahatelli.+
12 Ke tla etsa hore motho a sokolehe ho feta khauta e hloekisitsoeng,+Le batho ba sokolehe ho feta khauta ea Ofire.+
13 Ke ka lebaka leo ke tla etsa hore leholimo le thothomele’Me lefatše le tla reketla le tlohe malulong a lona+Ka lebaka la khalefo ea Jehova oa mabotho letsatsing la bohale ba hae bo tukang.
14 Joaloka tšephe e tsongoang le joaloka mohlape oo ho se nang motho ea o bokellang,E mong le e mong o tla khutlela sechabeng sa habo.
E mong le e mong o tla balehela naheng ea habo.+
15 Mang kapa mang ea fumanoang o tla hlajoa,Mang kapa mang ea tšoaroang o tla bolaoa ka sabole.+
16 Bana ba bona ba tla robokelloa ka pel’a mahlo a bona.+
Thepa e ka matlung a bona e tla nkoa ka mahahapaLe basali ba bona ba tla betoa.
17 Ke ba tlisetsa Bamede,+Ba sa tsotelleng bohlokoa ba sileveraLe ba sa khahloeng ke khauta.
18 Liqha tsa bona li tla robakanya bahlankana.+
Ba ke ke ba hauhela banaKapa ba ba utloela bohloko.
19 Babilona, e ntle ka ho fetisisa har’a mebuso,*+Ke botle le khanya ea Bakalde.*+
E tla tšoana le Sodoma le Gomora ha Molimo a ne a li felisa.+
20 E ke ke ea hlola e e-ba le baahiEbile ha ho na moloko o sa tla lula moo.+
Moarabia a ke ke a hloma tente ea hae mooLe balisa ba ke ke ba bothisa mehlape ea bona moo.
21 Liphoofolo tsa lehoatata li tla robala teng.
Matlo a tla tlala liphooko.
Limpshe li tla lula teng,+Lipoli tse hlaha* li tlola-tlole teng.
22 Liphoofolo li tla lla* li le litoreng tsa eona,Liphokojoe li hlabe moolo li le matlong a eona a borena a matle.
Nako ea eona e haufi ’me matsatsi a eona a ke ke a eketsoa.”+
Linaletsana
^ Kapa: “palo.”
^ Ka Seheberu: “ba halalelitsoeng ba ka.”
^ Ka Seheberu: “Pelo ea motho e mong le e mong e tla qhibiliha ke letsoalo.”
^ Ka Seheberu: “tsa linaleli tsa Kesile.” Mohlomong mona ho buuoa ka sehlopha sa linaleli se bitsoang Makolobe le tse ling tse se pota-potileng.
^ Ke batho ba neng ba lula Babilonia.
^ Kapa: “mokhabiso oa mebuso.”
^ Kapa mohlomong: “bademona ba nang le sebopeho sa poli.”
^ Mona ho buuoa ka ha li hlaba moolo.
