Esaia 24:1-23
24 Jehova o horula naha* ’me o e fetola sebaka se se nang letho.+
Oa e thulamisa*+ ’me o hasanya baahi ba eona.+
2 Batho kaofela ba tla hlaheloa ke ntho e tšoanang:
Sechaba hammoho le moprista,Mohlanka le mong’a hae,Lekhoba le mong’a lona oa mosali,Moreki le morekisi,Motho ea alimang le motho ea alingoang,Motho ea kolotoang le motho ea kolotang.+
3 Naha e tla horuloa e sale e se na letho,E tla tlatlapuoa ho fihlela e se na letho+Hobane Jehova o chulo joalo.
4 Naha e utloile bohloko,*+ e ntse e fela.
Naha e mobu o motle ea pona, e ntse e senyeha.
Bahlomphehi ba naha baa tepella.
5 Naha e silafalitsoe ke baahi ba eona+Kaha ha ba natse melao,+Ba fetotse molao oa tsamaiso,+Ba tlotse selekane sa khale-khale.*+
6 Ke ka lebaka leo thohako e jeleng naha+Le ba ahileng ho eona ba nkoang ba le molato.
Ke ka lebaka leo palo ea baahi ba naha e ntseng e fokotseha.
Ho setse batho ba ’maloa feela.+
7 Veine e ncha ea fofa, sefate sa morara sea pona+Le bohle ba lipelo li nyakaletseng baa feheloa.+
8 ’Mino oa meropa e menyenyane o felile,Lerata la batho ba nyakaletseng le khaolitseLe molumo o monate oa harepa o felile.+
9 Ba noa veine ho se na pina,Joala bo babela ba bo noang.
10 Motse o tlohetsoeng o sentsoe,+Ntlo e ’ngoe le e ’ngoe e koetsoe hore ho se ke ha e-ba le ea ka kenang.
11 Ba llela veine literateng.
Menyaka eohle e felile,Thabo ea naha e felile.+
12 Motse o siiloe e le lithako,Keiti e lihiloe ’me e entsoe qubu ea majoe.+
13 Batho ba ka ba tla ba tjena lefatšeng har’a lichaba:
Ba tla tšoana le mohloaare o salang ha ho hlohloroa sefate+Le morara o salang ka mor’a hore ho kotuloe.+
14 Ba tla phahamisa mantsoe,Ba hoeletse ba thabile.
Ho tloha leoatleng,* ba tla bolela boholo ba Jehova.+
15 Ke ka lebaka leo ba tla tlotlisa Jehova ka bochabela,*+Lihlekehlekeng tsa leoatle ba tlotlise lebitso la Jehova Molimo oa Iseraele.+
16 Re utloa lipina lipheletsong tsa naha:
“Tlotla* e ke e isoe ho Ea Lokileng.”+
Empa ke re: “Ke felile, ke felile!
Ho malimabe ’na! Balotsana ba sebelitse ka bolotsana.
Balotsana ba sebelitse ka bolotsana.”+
17 Tšabo, likoti le lifi li u emetse uena moahi oa naha.+
18 Mang kapa mang ea balehang molumo o tšosang o tla oela ka sekoting’Me mang kapa mang ea nyolohang ka sekoting o tla tšoasoa ke sefi.+
Likhoro tsa moroallo tse holimo li tla buleloaLe metheo ea naha e tla reketla.
19 Naha e phatlohile,Naha e sisintsoe,Naha ea reketla.+
20 Naha e thekesela joaloka motho ea tahiloeng,E ea pele le morao joaloka lephephe ha ho le moea.
E imetsoe ke sebe sa eona+’Me e tla oa hoo e ke keng ea boela ea phahama.
21 Letsatsing leo, Jehova o tla ahlola lebotho le holimoLe marena a lefatše.
22 Ba tla bokelloa ’mohoJoaloka batšoaruoa ba bokeletsoeng ka sekotingEbe ba koalloa teronkong.
Ka mor’a matsatsi a mangata ba tla ahloloa.*
23 Khoeli e tolokileng e tla soaba,Letsatsi le chabileng le tla hlajoa ke lihlong+Hobane Jehova oa mabotho ke Morena+ Thabeng ea Sione+ le Jerusalema.
O khanya ka pel’a banna ba baholo ba batho ba hae.*+
