Levitiku 7:1-38
7 “‘Ka tindi u sha kwagh u nagh ku iboogh je ne:+ Ka icighankwagh tsung je.
2 Ve sôngon nagh ku iboogh hen ijiir i i sôngon iniav mbi nanden la, i mishi awambe+ a ku ken ambusu a atse a nan nagh la cii.+
3 A na ahôm a ku cii,+ kua tsa u u lu a ahôm la, man ahôm a a cir sha mya la,
4 kua ahi a ahar man ahôm a sha mi, a a lu ikyua a iwenge la. Shi a dugh ishwalegh ki mtema a ahi la imôngo.+
5 Pristi a nande a sha atse, a lu nagh ku i ne Yehova sha usu yô.+ Ka nagh ku iboogh.
6 Hanma nomsoor u nan lu pristi yô nana ya ku,+ i ya hen icighanjiir. Ka icighankwagh tsung.+
7 Tindi u sha kwagh u nagh ku isholibo la ngu kwaghmôm a tindi u sha kwagh u nagh ku iboogh la; nagh kura ku a hingir kwagh u pristi u nan ne iwom sha ku la.+
8 “‘Zum u pristi a ne nagh ku nanden sha ci u or yô, ikyôvor+ ki nagh ku nanden ku i ve a mi hen pristi la kia hingir ki pristi la.
9 “‘Hanma nagh ku sha samuyia ku i kaa sha atse gayô shin tsua gayô shin icenge cii,+ ka ku pristi u a ne ku la. Ku a hingir kwagh na.+
10 Kpa hanma nagh ku sha samuyia ku i nongo mkurem sha mi+ shin ku lu ombor yô,+ ka ku ônov mba Aron cii, a kar kwar a na hanma or kwaghmôm.
11 “‘Gema ka tindi u sha kwagh u nagh ku bem+ ku or a na Yehova je ne:
12 Aluer nan ngu van a ku ka sha u tesen iwuese yô,+ nana va a nagh ku iwuese kura kua ikpenberedi i vingir i i we kwa sha mi ga, i nongo mkurem sha mi yô, man beredi u par par u i we kwa sha mi ga, i shigh mkurem sha mi yô, man ikpenberedi i vingir i i er sha mwem ma kengese, i nongo tsembelee shi i we mkurem sha mi yô.
13 Nana na nagh ku nan kura a ikpenberedi i vingir i i we kwa sha mi yô, man nagh ku iwuese ku iniav mbi nan mbi bem la imôngo.
14 Hanma nagh yô, nana dugh ker môm nana na Yehova, i hingir icuwan ci; a lu kwagh u pristi u a mishi awambe a iniav mbi bem la.+
15 I ya inyam i nagh ku iwuese ku ken iniav mbi nan mbi bem la sha iyange i nan ne la je. Nana de veren i tsaan her ga.+
16 “‘Aluer nagh ku nan lu nan la ka iceghzwa,+ shin ka kwagh u nan lu nan a ishima i nan yô,+ i ya nagh ku nan kura sha iyange i nan ne la, shi aluer kwagh tsa her kpaa, a fatyô u yan un kpernan.
17 Kpa inyam i nagh kura i i tse her ayange atar yô, i nande i sha usu.+
18 Nahan kpa, aluer i ya ma inyam i nagh ku bem kura sha iyange i sha utar yô, a lumun or u nan ve a ku la ga. Ku a lu nan a inja ga; ka kwagh u ndôhôrshima, man or u nan ye i la nana due iyolishô sha isholibo i nan la ga.+
19 Inyam i i bende a kwagh u wang ga yô, i de ye i ga; i nande i. Hanma or u nan lu wang yô nana fatyô u yan inyam i wang.
20 “‘Kpa or u nan lu wang ga man nan ye inyam i nagh ku bem ku ku lu sha ci u Yehova la yô, i wua imbaor la kpee je.*+
21 Aluer or bende a kwagh u a lu wang ga, a lu hôngor u or+ shin a lu inyam i i lu wang ga,+ shin a lu nyityôkwagh i ndôhôrshima i i lu wang ga,+ man nan ya inyam i nagh ku bem ku ku lu sha ci u Yehova la yô, i wua imbaor la kpee je.’”*
22 Yehova shi za hemen u lamen a Mose, a kaa ér:
23 “Kaa Mbaiserael wer, ‘De ye nen ahôm+ a bua shin a iyôngo shin a ivo ga.
24 Ahôm a inyam i kpen shin ahôm a inyam i inyam igen i woo i yô, a fatyô u eren nyityôkwagh igen cii a mi, kpa mayange de ye nen ga.+
25 Gadia or u nan ye ahôm a ilegh ki nan ve a mi u va nan Yehova nagh ku sha usu cii yô, i wua nan kpee je.*
26 “‘De ye nen awambe+ a ma kwagh môm hen ajiir a en a teman la ga, a lu awambe a inyon shin a inyam kpaa ga.
27 Or u nan ye awambe a ma kwagh yô, i wua nan kpee je.’”*+
28 Yehova shi lam a Mose kaa ér:
29 “Kaa Mbaiserael wer, ‘Hanma or u nan lu van a nagh ku bem hen Yehova yô, nana dugh vegher u nagh ku bem kura nana na Yehova.+
30 Nana tôô ahôm man gugu sha ave a nan nana va a mi,+ i lu nagh ku nan Yehova sha usu. Nana cia keen man keen, i lu nagh ku cian+ sha ishigh ki Yehova.
31 Pristi nana nande ahôm la sha atse a nanden nagh la,+ kpa gugu la yô, a lu kwagh u Aron man ônov nav.+
32 “‘Dugh nen namegh ku ken iyan ku iniav yenev mbi bem mbira na nen pristi, i lu icuwan ci.+
33 Namegh ku ken iyan kura ku a lu ci u wan u Aron u nan za ne awambe a iniav mbi bem kua ahôm la.+
34 Gadia m dugh gugu u nagh ku cian kua namegh ku ku lu icuwan ci ken iniav mbi bem mbi Mbaiserael la, m na pristi Aron kua ônov nav, i lu kwagh u Mbaiserael vea eren gbem yô.+
35 “‘Ka kwar u yange i dugh ken iniav mbi i ne Yehova sha usu ér a veren sha ci u upristi, sha ci u Aron man ônov nav, sha iyange i a va na Yehova ve ér ve eren tom u pristi la je la.+
36 Sha iyange i a shighe ve mkurem la, Yehova kaa ér Mbaiserael ve naan ve kwar ne.+ Ka tindi u una lu gbem sha ikyov ve cii yô.’”
37 Ka tindi u sha kwagh u nagh ku nanden+ man nagh ku sha samuyia+ man nagh ku isholibo+ man nagh ku iboogh+ man nagh ku veren or sha tom+ kua nagh ku bem je ne,+
38 vough er Yehova kaa a Mose sha Uwo u Senai,+ sha iyange i na zwa ér Mbaiserael ve vaan a iniav vev hen Yehova ken taaikyôngo u Senai nahan.+
