Levitiku 3:1-17
3 “‘Aluer nan ngu nan ka nagh ku bem,+ man ka ken ibua i nan nan lu dughun nan yô, a lu nom shin a lu ngô kpaa, nana va a ilegh ki ki lu a ihyogholough iyol ga yô, sha ishigh ki Yehova.
2 Nana penda uwegh sha ityough ki nagh ku nan la, nahan i sôngo nagh kura hen hunda u tenti u kohol ker la; upristi, ônov mba Aron, ve mishi awambe la ken ambusu a atse a nanden nagh la cii.
3 Nana pande nagh ku bem kura nana na Yehova nagh ku sha usu a mi:+ ka ahôm+ a a cir myam man ahôm a a kase myam la jimin cii,
4 man ahi a ahar kua ahôm a a cir sha a, a a lu ikyua a iwenge la. Shi nana dugh ishwalegh ki mtema a ahi la imôngo.+
5 Ônov mba Aron ve nande a sha atse la, sha nagh ku nanden ku ku lu sha ikyon i i we ken usu la;+ ka nagh ku i ne Yehova sha usu, ku lu ihyuma i dedoo* yô.+
6 “‘Aluer ka ken iyôngo i nan nan lu dughun nan Yehova nagh ku bem yô, nana va a nom shin ngô u a lu a ihyogholough iyol ga yô.+
7 Aluer ka gumiyôngo nan lu nan nagh ku nan a mi yô, nana va a mi hen ishigh ki Yehova.
8 Nana penda uwegh sha ityough ki nagh ku nan la, nahan i sôngo nagh kura hen hunda u tenti u kohol ker la. Ônov mba Aron ve mishi awambe la ken ambusu a atse a nanden nagh la cii.
9 Nana va a ahôm a nagh ku bem la nana va na Yehova nagh sha usu a mi.+ Nana dugh tsa u lun a ahôm, u u lu ikyua a kuhe u ken ijime la cii, man ahôm a a cir myam man ahôm a a kase myam la jimin cii,
10 man ahi a ahar kua ahôm a a cir sha a, a a lu ikyua a iwenge la. Shi nana dugh ishwalegh ki mtema a ahi la imôngo.+
11 Pristi una nande a sha atse la a lu kwaghyan,* ka nagh ku i ne Yehova sha usu yô.+
12 “‘Aluer ka sha ivo nan lu nan nagh yô, nana va a mi hen ishigh ki Yehova.
13 Nana penda uwegh sha ityough ki nagh ku nan la, nahan i sôngo nagh kura hen hunda u tenti u kohol ker la. Ônov mba Aron ve mishi awambe la ken ambusu a atse a nanden nagh la cii.
14 Kwagh u nana dugh ker a na Yehova nagh ku sha usu a mi yô, ka ahôm a a cir myam man ahôm a a kase myam la jimin cii,+
15 man ahi a ahar kua ahôm a a cir sha a, a a lu ikyua a iwenge la. Shi nana dugh ishwalegh ki mtema a ahi la imôngo.
16 Pristi una nande a sha atse la, a lu kwaghyan,* ka nagh ku i ne sha usu ku lu ihyuma i dedoo* yô. Ahôm cii ka a Yehova.+
17 “‘Ka tindi u tsan gbem sha ikyov ikyov, sha ajiir a ne lu cii: Mayange de ye nen ahôm shin awambe ga.’”+
Ngeren mba shin kpe
^ Shin “ihyuma i doon; ihyuma i kundun iyol.” Zwa Heberu, “ihyuma i nan mmem.”
^ Zwa Heberu, “beredi.” Inja na yô, ka kwar u Aôndo ken nagh ku bem la je la.
^ Zwa Heberu, “beredi.” Inja na yô, ka kwar u Aôndo ken nagh ku bem la je la.
^ Shin “ihyuma i doon; ihyuma i kundun iyol.” Zwa Heberu, “ihyuma i nan mmem.”
