Levitiku 12:1-8
-
U wanger iyol sha shighe u mar (1-8)
12 Yehova shi ôr kwagh a Mose, a kaa ér:
2 “Kaa Mbaiserael wer, ‘Aluer kwase wa iyav* mar wan u nomso yô, nana kera lu wang ga zan zan ayange ataankarahar, vough er ka nan lu wang ga shighe u nan dugh won la nahan.+
3 Sha iyange i sha anigheni la yô, i tsôngo un.+
4 Nana za hemen u wanger iyol i nan sha ci u awambe la, zan zan ayange 33. Nana de benden ma icighankwagh ave ga, shi nana de nyer ken icighanjiir ga zan zan ayange a nan a wanger iyol la aa kar been.
5 “‘Aluer ka wan u kwase nan mar yô, nana kera lu wang ga zan zan ayange 14, vough er ka nan lu shighe u nan dugh won la nahan. Nana za hemen u wanger iyol i nan zan zan ayange 66 sha ci u awambe la.
6 Zum u ayange a nan a wanger iyol sha ci u wan u nomso shin wan u kwase la aa bee yô, nana va a gumiyôngo u a hembe inyom ga yô, sha ci u nagh ku nanden,+ shi nana va a ikyungugh ki ki lu a tsa kpishi ga yô, shin atii, sha ci u nagh ku isholibo. Nana va a mi hen pristi hen hunda u tenti u kohol ker la.
7 Una va a mi sha ishigh ki Yehova, una va na iwom sha ci u nan, nahan nana hingir wang sha ci u awambe a nan a a haa la. Ka tindi u sha kwagh u kwase u nan mar wan u nomso shin u kwase je ne.
8 Kpa aluer nan fatyô u van a iyôngo ga yô, nana va a mbaatii uhar, shin mkungum ma kiriki mhar,+ môm sha ci u nagh ku nanden, ugen la di sha ci u nagh ku isholibo. Pristi una na iwom sha ci u nan, nahan nana hingir wang.’”
Ngeren mba shin kpe
^ Shin “jile iyol.”
