Ya Kwanza kwa Timoteo 3:1-16

  • Sifa za kustahili kuwa mwangalizi (1-7)

  • Sifa za kustahili kuwa mutumishi wa huduma (8-13)

  • Siri takatifu ya ushikamanifu kwa Mungu (14-16)

3  Neno hili ni lenye kutegemeka: Kama mwanaume anajikaza ili akuwe mwangalizi,+ anatamani kazi ya muzuri.  Basi, mwangalizi anapaswa kuwa bila lawama, bwana wa bibi mumoja, mwenye kiasi katika tabia zake, mwenye akili ya muzuri,*+ mwenye utaratibu, mwenye kukaribisha wageni,+ mwenye uwezo wa kufundisha,+  hapaswe kuwa mulevi,+ wala mutu wa jeuri,* lakini akuwe mwenye usawaziko,+ hapaswe kuwa mugomvi,+ wala mutu mwenye kupenda feza,+  akuwe mwanaume mwenye kusimamia* muzuri nyumba yake mwenyewe, mwenye watoto watiifu na wenye kuchukua mambo kwa uzito+  (kwa maana kama mutu hajue namna ya kusimamia* nyumba yake mwenyewe, atatunza* namna gani kutaniko la Mungu?),  hapaswe kuwa muamini mupya,+ ili asijivune kwa kiburi na kuhukumiwa kama vile Ibilisi alihukumiwa.  Zaidi ya hayo, anapaswa pia kuwa na ushuhuda muzuri* kutoka kwa watu wa inje,+ ili asiangukie katika lawama* na katika mutego wa Ibilisi.  Vilevile watumishi wa huduma wanapaswa kuchukua mambo kwa uzito, wasikuwe na ndimi mbili,* wasikuwe wenye kunywa divai nyingi, wasikuwe na pupa ya faida yenye haiko ya haki,+  wakuwe wenye kushika siri takatifu ya imani kwa zamiri safi.+ 10  Pia, wanapaswa kujaribiwa kwanza ili kujua kama wanafaa;* kisha watumike wakiwa watumishi, kwa kuwa hawana shitaka.+ 11  Vilevile wanamuke wanapaswa kuchukua mambo kwa uzito, wasikuwe wachongezi,+ wakuwe na kiasi katika tabia zao, na waaminifu katika mambo yote.+ 12  Mutumishi wa huduma anapaswa kuwa bwana wa bibi mumoja, na mwenye kusimamia muzuri watoto wake na nyumba yake mwenyewe. 13  Kwa maana wanaume wenye kutumikia muzuri wanajipatia wenyewe sifa ya muzuri na uhuru mwingi wa kusema katika imani yenye kuwa katika Kristo Yesu. 14  Ninakuandikia mambo haya, hata kama ninatumaini kuja kwako hivi karibuni, 15  lakini nikichelewa, ujue namna unapaswa kujiendesha katika nyumba ya Mungu,+ ambayo ni kutaniko la Mungu mwenye kuishi, nguzo na tegemezo la ile kweli. 16  Kwa kweli, siri takatifu ya huu ushikamanifu kwa Mungu ni kubwa kabisa: ‘Alifunuliwa katika mwili,+ alitangazwa katika roho kuwa mwenye haki,+ aliwatokea malaika,+ alihubiriwa kati ya mataifa,+ aliaminiwa katika ulimwengu,+ alipokewa juu katika utukufu.’

Maelezo ya Chini

Ao “uwezo wa kuchukua maamuzi ya muzuri; busara.”
Ao “mutu mwenye anapiga watu.”
Ao “kuongoza.”
Ao “kuongoza.”
Ao “atahangaikia.”
Ao “mwenye sifa ya muzuri.”
Ao “ili asipate haya.”
Ao “wasikuwe wadanganyifu katika maneno.”
Ao “wajaribiwe ili kujua kama wanastahili.”