Umuna Kadagiti Taga-Corinto 6:1-20

  • Panagdidinnarum dagiti Kristiano (1-8)

  • Dagiti saan a mangtawid iti Pagarian (9-11)

  • Usarenyo ti bagiyo a mangipadayag iti Dios (12-20)

    • “Adaywanyo ti seksual nga immoralidad!” (18)

6  No adda reklamo ti asinoman iti sabali,+ saan ngata nga agbain a mapan iti korte dagiti di nalinteg a tattao imbes a kadagiti nasantuan?  Wenno diyo aya ammo a dagiti nasantuan ti mangukomto iti lubong?+ Ket no dakayo ti mangukomto iti lubong, diyo aya kabaelan nga usigen ti babassit a banag?  Diyo aya ammo a datayto ti mangukom kadagiti anghel?+ Anianto la ketdin iti bambanag a mapaspasamak iti agdama a biag?  No ngarud adda bambanag iti agdama a biag a masapul a mausig,+ dutokanyo aya kas ukom dagiti lallaki a saan a mararaem iti kongregasion?  Agsasaoak tapno agbainkayo koma. Apay, awan kadi ti masirib a lalaki iti tengngayo a makabael a mangukom no tumaud ti problema iti nagbabaetanyo?  Imbes ketdi, idardarumyo ti kabsatyo iti sanguanan dagiti ukom a di manamati!  Kinapudnona, naabakkayon no agdidinnarumkayo. Apay a diyo latta koman baybay-an no adda mangaramid iti dakes kadakayo?+ Apay a diyo latta koman baybay-an a masaurkayo?  Dakayo ketdi ti mangar-aramid iti dakes ken mangsasaur, dagiti pay met ngarud kakabsatyo!  Wenno diyo aya ammo a dagiti di nalinteg a tattao saandanto a tawiden ti Pagarian ti Dios?+ Dikay agpaallilaw.* Dagiti agar-aramid iti seksual nga immoralidad,*+ agdaydayaw iti idolo,+ mannakikamalala,+ lallaki a mangpagusto iti homoseksual nga ar-aramid,+ dagiti lallaki nga agar-aramid iti homoseksualidad,*+ 10  mannanakaw, naagum,+ mammartek,+ manangpadakes,* ken manangkikil saandanto a tawiden ti Pagarian ti Dios.+ 11  Kasta idi ti dadduma kadakayo. Ngem nadalusankayon;+ napagbalinkayon a nasantuan;+ naideklarakayon a nalinteg+ babaen ti nagan ni Apotayo a Jesu-Kristo ken ti espiritu ti Diostayo. 12  Nainkalintegan* ti amin a banag para kaniak, ngem saan nga amin a banag ket makagunggona.+ Nainkalintegan ti amin a banag para kaniak, ngem diak ipalubos a kontrolennak* ti aniaman a banag. 13  Ti taraon ket para iti tian ken ti tian ket para iti taraon, ngem agpada a pukawento dagita ti Dios.+ Ti bagi ket saan a para iti seksual nga immoralidad* no di ket para iti Apo,+ ken ti Apo ket para iti bagi. 14  Ngem ti Dios pinagungarna ti Apo+ ken pagungarennatayto met+ babaen ti pannakabalinna.+ 15  Diyo aya ammo a dagiti bagiyo ket paset ni Kristo?+ No kasta, alaekto kadi dagiti paset ti Kristo sa itiponko iti maysa a balangkantis? Saan a mabalin! 16  Diyo aya ammo nga asinoman a makirelasion iti balangkantis ket maikaykaysa ti bagina kenkuana? Ta imbaga ti Dios: “Ti dua agbalinto a maymaysa a lasag.”+ 17  Ngem ti asinoman a naikaykaysa iti Apo ket naikaykaysa kenkuana iti espiritu.+ 18  Adaywanyo ti seksual nga immoralidad!*+ Tunggal basol a maaramid ti maysa a tao ket adda iti ruar ti bagina, ngem ti agar-aramid iti seksual nga immoralidad ket agbasbasol iti bukodna a bagi.+ 19  Diyo kadi ammo a ti bagiyo ket templo+ ti nasantuan nga espiritu iti unegyo, a naggapu iti Dios?+ Kasta met, saanyo a kukua ti bagbagiyo,+ 20  ta ginatangnakayo ti Dios iti dakkel a gatad.+ Usarenyo ngarud ti bagiyo+ a mangipadayag iti Dios.+

Footnotes

Wenno “agpayaw-awan.”
Kitaem ti Glosario.
Wenno “dagiti lallaki a makiseks iti lallaki.” Lit., “dagiti lallaki a makidenna iti lallaki.”
Wenno “abusado ti panagsasaona.”
Wenno “Maipalubos.”
Wenno “nga iturayannak.”
Iti Griego, por·neiʹa. Kitaem ti Glosario.
Iti Griego, por·neiʹa. Kitaem ti Glosario.