Jeremias 6:1-30
6 Mga anak ni Benjamin, maggua kamo sa Jerusalem kag magpanago kamo.
Patunuga ninyo ang budyong+ sa Tekoa;+Magdabok kamo sing kalayo bilang sinyales sa Bet-hakerim!
Kay may nagapadulong nga daku nga kalaglagan halin sa aminhan.+
2 Ang anak nga babayi sang Sion daw isa ka matahom kag maayoayo nga babayi.+
3 Magaabot ang mga manugbantay kag ang ila mga panong.
Patindugon nila ang ila mga tolda sa palibot niya.+Ang tagsa sa ila nagapahalab sang iya panong.+
4 “Maghanda kamo sa* pagpakig-away batok sa iya!
Magtindog kamo kag salakayon naton sia sa udtong-adlaw!”
“Makaluluoy kita kay nagatunod na ang adlaw,Kay malapit na magdulom!”
5 “Magtindog kamo, kag salakayon naton sia sa gab-iKag rumpagon naton ang iya mga torre nga may mabakod nga depensa.”+
6 Kay si Jehova sang mga kasuldadusan nagsiling:
“Magpang-utod kamo sing mga kahoy kag maghimo kamo sing bungyod nga talaklasan sa pagsalakay sa Jerusalem.+
Dapat silutan ini nga siudad;Puno ini sing pagpamigos.+
7 Pareho sang bubon nga ginahalinan sang mabugnaw* nga tubig,Ginahalinan sang kalainan ini nga siudad.
Pirme mabatian sa sini nga siudad ang pagpamintas kag pagpanglaglag;+Pirme ko makita sa sini ang balatian kag kalalat-an.
8 Paandam ini sa imo, O Jerusalem, agod indi ako* mangil-ad sa imo;+Agod indi ko ikaw paghimuon nga isa ka duta nga nahapay kag indi na maistaran.”+
9 Nagsiling si Jehova sang mga kasuldadusan:
“Siputon gid nila ang nabilin sa Israel pareho sang nabilin nga mga ubas.
Baliki sila liwat pareho sang isa nga nagapanigpot sang ubas sa mga sanga sini.”
10 “Sin-o ang akon hambalon kag paandaman?
Sin-o ang mamati?
Natakpan ang ila mga dulunggan,* gani indi sila makabati.+
Ginatamay nila ang pulong ni Jehova;+Wala sila mahamuot sa sini.
11 Gani, kaangay ni Jehova, puno ako sing kaakig sa ila.Kag nakapoy na ako sa pagpugong sini.”+
“Ibubo ini nga kaakig sa mga bata sa dalan,+Sa nagatipon nga grupo sang mga pamatan-on nga lalaki.
Bihagon sila, ang bana upod ang iya asawa,Ang may edad na nga mga lalaki kag ang tigulang na gid.*+
12 Ang ila mga balay ihatag sa iban,Pati ang ila mga uma kag ang ila mga asawa.+
Kay untayon ko ang akon kamot batok sa mga pumuluyo sang duta,” siling ni Jehova.
13 “Kay ang tanan nagapangdaya agod makaganar, halin sa pinakakubos tubtob sa pinakadungganon;+Nagapangdaya man ang tagsa ka manalagna kag saserdote.+
14 Ginapaayo nila ang pilas* sang akon katawhan sing hapaw lang, sa pagsiling,‘May paghidait! May paghidait!’
Bisan wala sing paghidait.+
15 Nahuya bala sila sa makangilil-ad nga ginhimo nila?
Wala gid sila mahuya!
Wala gani sila nakahibalo kon ano ang kahuy-anan!+
Gani mapukan sila upod sa mga mapukan.
Masandad sila kon silutan ko na sila,” siling ni Jehova.
16 Nagsiling si Jehova:
“Magtindog kamo sa ginsang-an sang mga dalan kag tan-awa ninyo ini.
Mamangkot kamo kon diin ang dumaan nga mga dalan,Mamangkot kamo kon diin ang maayo nga dalan, kag maglakat kamo sa sini,+Kag makatigayon kamo* sing kasulhayan.”
Apang nagsiling sila: “Indi kami maglakat sa sini.”+
17 “Nagtangdo ako sing mga manugbantay+ nga nagsiling,‘Pamatii ninyo ang tunog sang budyong!’”+
Apang nagsiling sila: “Indi kami mamati.”+
18 “Gani magpamati kamo nga mga pungsod!
Kag hibalua ninyo, kamo nga katawhan,Kon ano ang matabo sa ila.
19 Magpamati kamo tanan nga katawhan sang duta!
Laglagon ko ini nga katawhan+Bangod sang ila mga pahito,Kay wala sila mamati sa akon ginsilingKag ginsikway nila ang akon kasuguan.”*
20 “Ano gid kon nagdala kamo sing olibano halin sa ShebaKag sing mahamot nga kania* halin sa malayo nga lugar?
Indi ko mabaton ang inyo mga dulot nga sinunog,Kag wala ako mahamuot sa inyo mga halad.”+
21 Gani nagsiling si Jehova:
“Mabutang ako sing mga kasandaran para sa sini nga katawhan,Kag masandad sila,Ang mga amay kag ang mga anak,Ang tagsa ka tawo kag ang iya kaupod,Kag malaglag sila tanan.”+
22 Nagsiling si Jehova:
“May katawhan nga nagapadulong halin sa aminhan,Kag may isa ka daku nga pungsod nga pukawon sa pagsalakay halin sa pinakamalayo nga bahin sang duta.+
23 Magauyat sila sing mga pana kag mga bangkaw.
Mapintas sila kag wala sing kaluoy.
Ang ila tingog magadaguhob nga daw dagat,Kag magasakay sila sa mga kabayo.+
Nagahanda sila pareho sang hangaway sa pagsalakay sa imo, O anak nga babayi sang Sion.”
24 Nabalitaan namon ini.
Nagpalangluya ang amon kamot;+Nakabatyag kami sing kahadlok,Sing kasakit nga pareho sang babayi nga manugbata.+
25 Indi kamo maggua sa latagon,Kag indi kamo maglakat sa dalan,Kay may espada ang kaaway;Makahaladlok bisan diin sa palibot.
26 O anak nga babayi sang akon katawhan,Magsuksok ka sing sako+ kag magligid ka sa abo.
Maglalaw ka kag maghilibion+ nga daw namatyan ka sing bugtong nga anak nga lalaki,Kay sa hinali magaabot ang magalaglag sa aton.+
27 “Ginhimo ko ikaw* nga pareho sang isa nga nagapapuro sing metal,Bangod putlion mo ang akon katawhan;Dapat bantayan mo sila kag usisaon ang ila ginahimo.
28 Batinggilan gid sila tanan,+Kag mabinutangbutangon.+
Daw saway sila kag salsalon;Malain sila tanan.
29 Nasunog ang mga tayhop.
Tingga lang ang nagagua sa kalayo.
Wala sing pulos nga nagapadayon sila sa pagpapuro sing metal,+Kay wala mapain ang malain.+
30 Tawgon sila sang katawhan nga ‘sinikway nga pilak,’Kay ginsikway sila ni Jehova.”+
Footnote
^ Sa literal, “Pakabalaana ninyo ang.”
^ Ukon “preska.”
^ Ukon “ang akon kalag.”
^ Sa literal, “Wala matuli ang ila dulunggan.”
^ Sa literal, “ang mga puno sang mga adlaw.”
^ Ukon “bali.”
^ Ukon “ang inyo kalag.”
^ Ukon “instruksion.”
^ Mahamot nga tanom nga indi mapat-od kon ano nga sahi.
^ Si Jeremias.
