Jeremias 45:1-5
-
Ang mensahe ni Jehova kay Baruc (1-5)
45 Amo ini ang ginsiling ni Jeremias kay Baruc+ nga anak ni Neria sang ginsulat niya sa isa ka libro ining mensahe nga gindikta sa iya ni Jeremias+ sang ikap-at nga tuig sang paghari sa Juda ni Jehoiakim+ nga anak ni Josias:
2 “Baruc, amo ini ang ginasiling ni Jehova nga Dios sang Israel tuhoy sa imo,
3 ‘Nagsiling ka: “Makaluluoy ako, kay gindugangan ni Jehova sing kasubo ang akon kasakit! Ginakapoy na ako sa akon pagpanghayhay kag wala ako sing kapahuwayan.”’
4 “Amo ini ang isiling mo sa iya, ‘Amo ini ang ginasiling ni Jehova: “Gub-on ko ang akon gintukod, kag gabuton ko ang akon gintanom, ining bug-os nga duta.+
5 Apang nagapangita* ka sing dalagku nga mga butang para sa imo kaugalingon. Indi ka na magpangita sina.”’
“‘Kay laglagon ko ang tanan nga tawo,’*+ siling ni Jehova, ‘apang ihatag ko ang imo kabuhi* subong inagaw*+ bisan diin ka makadto.’”
