NǓKPLƆNKPLƆN 01
Nɛ̌ Biblu ka Sixu D’alɔ We Gbɔn?
Mǐ mɛ bǐ wɛ nɔ ba na tuùn nǔ gegě dó gbɛ̀, yajiji, kú kpo sɔgudo kpo wu. Mǐ nɔ lɛ́ ɖó hudo alɔdó tɔn bá ɖeɖɛ tagba lɛ, ɖi lee mǐ na mɔ akwɛ e sín hudo mǐ ɖó bo na sú hudo mǐtɔn lɛ sín dò gbɔn é, alǒ lee mǐ na ɖó xwédo awǎjijɛnɔ ɖé gbɔn é. Mɛ gegě mɔ ɖɔ é kún nyí nǔkanbyɔ taji gbɛ̀ mɛ tɔn lɛ kɛɖɛ wɛ Biblu d’alɔ ye bɔ ye mɔ xósin na ó, loɔ, é lɛ́ ɖè wě tawun tawun lɛ xá ye dó gbɛzinzan gbè bǐ gbè tɔn wu. A ka lin ɖɔ Biblu sixu d’alɔ mɛ bǐ à?
1. Nǔkanbyɔ tɛ lɛ mɔ̌ Biblu ka na xósin na?
Biblu na xósin nú nǔkanbyɔ taji elɔ lɛ: Nɛ̌ gbɛ̀ ɔ ka jɔ gbɔn? Etɛwu mǐ ka ɖò gbɛ̀ ɔ mɛ? Etɛwu xomɛvɔnɔ lɛ ka nɔ sè wuvɛ̌? Etɛ ka nɔ jɛ ɖò kú gudo? Mɛ bǐ nɔ ba fífá có, etɛwu ahwan ka tíìn sɔmɔ̌? Etɛ ka na jɛ dó ayikúngban ɔ wu ɖò sɔgudo? Biblu dó wusyɛn lanmɛ nú mǐ ɖɔ mǐ ni ba xósin nú nǔkanbyɔ mɔ̌hun lɛ, bɔ xósin e é na lɛ é ko jɛmɛ nú gbɛtɔ́ livi mɔ̌kpan.
2. Nɛ̌ Biblu ka sixu d’alɔ mǐ, bɔ mǐ na ɖu gbɛzinzan gbè bǐ gbè tɔn mǐtɔn sín vivǐ gbɔn?
Biblu ɖè wě ɖagbe lɛ xá mǐ. Ði kpɔ́ndéwú ɔ, é kplɔ́n xwédo lɛ lee ye na ɖó awǎjijɛ nǔgbo ɔ gbɔn é. É ɖè wě xá mǐ dó lee mǐ na ɖí xwi xá linkpɔ́n gbɔn é, kpo lee mǐ na ɖu azɔ̌ mǐtɔn sín vivǐ gbɔn é kpo wu. A na kplɔ́n nǔ e Biblu kplɔ́n mɛ dó xóta enɛ lɛ wu é, bo na lɛ́ kplɔ́n nǔ d’eji, hwenu e mǐ na ɖò xó ɖɔ ɖó kpɔ́ wɛ dó wema elɔ jí é. A sixu wá mɔ ɖɔ ‘nǔ e è wlán dó Mawuxówema ɔ mɛ ɔ, bǐ nyɔ́.’—2 Timɔtée 3:16.
Wema elɔ ɖyɔ Biblu ɔ ǎ. É nyɔ́ wà ɔ, é dó wusyɛn lanmɛ nú we ɖɔ hwiɖesu ni kíjé Biblu ɔ. Enɛ wu ɔ, mǐ dó wusyɛn lanmɛ nú we ɖɔ a ni xà wemafɔ ɖěɖee è slɛ́ dó nǔkplɔnkplɔn lɛ mɛ lɛ é bo sɔ́ ye sɔ́ jlɛ́ dó nǔ e kplɔ́n wɛ a ɖè lɛ é wu.
BA DÒ NÚ NǓ D’EJI
Kpɔ́n lee Biblu ko d’alɔ gbɛtɔ́ lɛ gbɔn é, lee a sixu ɖu xixa tɔn sín vivǐ gbɔn é, kpo nǔ e wu é nyɔ́ ɖɔ a ni ba alɔdó bo na dó mɔ nukúnnú jɛ mɛ é kpo.
3. Biblu sixu xlɛ́ ali mǐ
Biblu cí zogbɛ́n e ɖiɖɛ̌ tawun é ɖɔhun. É sixu xlɛ́ ali mǐ bɔ mǐ na wá gbeta ɖagbe lɛ kɔn, bo sixu lɛ́ tá weziza dó sɔgudo jí nú mǐ.
Xà Ðɛhan 119:105, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ lɛ jí:
-
Etɛ mɛ e wlán ɖɛhan enɛ é ka lin dó Biblu wu?
-
Etɛ a ka nɔ lin dó Biblu wu?
4. Biblu sixu na xósin nú nǔkanbyɔ mǐtɔn Lɛ
Nawe ɖé wá mɔ ɖɔ Biblu na xósin nú nǔkanbyɔ taji ɖěɖee ɖò ayi mɛ ɖu nú emi wɛ sín xwè mɔ̌kpan ɖíe lɛ é. Xò VIDEO ɔ, enɛ gudo hǔn, mi ɖɔ xó ɖó kpɔ́ dó nǔkanbyɔ e bɔ d’ewu lɛ é jí.
-
Ðò video ɔ mɛ ɔ, nǔ alɔkpa tɛ lɛ nawe enɛ ka kanbyɔ?
-
Nɛ̌ Biblu kplɔnkplɔn ka d’alɔ ɛ gbɔn?
Biblu dó wusyɛn lanmɛ nú mǐ ɖɔ mǐ ni nɔ kan nǔ byɔ. Xà Matie 7:7, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ jí:
-
Nǔkanbyɔ tɛ lɛ a ka ɖó bɔ Biblu sixu na xósin na?
5. A sixu ɖu Biblu xixa sín vivǐ
Mɛ gegě ɖò Biblu xixa sín vivǐ ɖu wɛ, bɔ é nɔ lɛ́ hɛn lè wá nú ye. Xò VIDEO ɔ, enɛ gudo hǔn, mi ɖɔ xó ɖó kpɔ́ dó nǔkanbyɔ e bɔ d’ewu lɛ é jí.
-
Ðò video ɔ mɛ ɔ, nɛ̌ nǔ ka nɔ cí nú mɛ winnyawinnya lɛ dó nǔxixa wu ɖò kpaa mɛ?
-
Ye tlɛ yí wǎn nú nǔxixa ǎ có, etɛwu ye ka yí wǎn nú Biblu xixa?
Biblu xixa sixu kplɔ́n mǐ nǔ e na dó gbɔ nú mǐ, bo lɛ́ na nukúnɖiɖó mǐ é. Xà Hlɔmanu lɛ 15:4, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ jí:
-
Gbɔdónúmɛ kpo nukúnɖiɖó kpo sín akpá e Biblu dó é ka nɔ sɔ́ akpakpa we à?
6. Mɛ ɖevo lɛ sixu d’alɔ mǐ bɔ mǐ na mɔ nukúnnú jɛ Biblu ɔ mɛ
Mɛ gegě mɔ ɖɔ gɔ́ nú Biblu xixa emiɖesunɔ tɔn ɔ, xó ɖɔ d’eji xá mɛ ɖevo lɛ nɔ d’alɔ. Xà Mɛsɛ́dó 8:26-31, enɛ gudo hǔn, mi ɖɔ xó ɖó kpɔ́ dó nǔkanbyɔ elɔ jí:
-
Nɛ̌ mǐ ka sixu mɔ nukúnnú jɛ Biblu ɔ mɛ gbɔn?—Kpɔ́n wemafɔ 30 kpo 31 kpo.
Nya Etiopíinu ɔ ɖó hudo alɔdó tɔn bo na dó mɔ nukúnnú jɛ Mawuxówema ɔ mɛ. Égbé ɔ, mɛ gegě mɔ ɖɔ xó ɖɔ dó Biblu jí xá mɛ ɖevo lɛ nɔ d’alɔ tawun
MƐÐÉ LƐ ÐƆ: “Hwenu hinhɛn gú wɛ Biblu kplɔnkplɔn nyí.”
-
Etɛ hwɛ ka lin? Etɛwu?
ETƐ LƐ A KA KPLƆ́N?
Biblu nɔ ɖè wě xá mɛ dó gbɛzinzan gbè bǐ gbè tɔn wu, nɔ na xósin nú nǔkanbyɔ taji lɛ, nɔ dó gbɔ nú gbɛtɔ́ lɛ bo nɔ lɛ́ na nukúnɖiɖó ye.
Vɔ̌gbɔnji
-
Wěɖexámɛ alɔkpa tɛ lɛ mǐ ka sixu mɔ ɖò Biblu mɛ?
-
Nǔkanbyɔ tɛ lɛ mɔ̌ Biblu ka na xósin na?
-
Etɛ a ka ba na kplɔ́n ɖò Biblu mɛ?
KÍJÉ
Kpɔ́n lee wěɖexámɛ Biblu tɔn lɛ nyɔ́ zán ɖò égbé gbɔn é.
“Nǔkplɔnmɛ Biblu Tɔn Lɛ: Nǔnywɛ Hwebǐnu Tɔn Lɛ” (Atɔxwɛ No. 1 2018)
Kpɔ́n lee Biblu d’alɔ nya e ɖí xwi xá lee nǔ nɔ cí n’i sín vǔhwenu tɔn é ɖé gbɔn é.
Ba dò nú wěɖexámɛ Biblu tɔn ɖěɖee nyɔ́ zán bo kúnkplá gbɛzán xwédo tɔn é.
Mɛ gegě nɔ ɖó linlin agɔ dó mɛ e sín acɛ glɔ́ gbɛ̀ ɔ ɖè tawun é wu. Kpɔ́n lee Biblu kɔ́n sɛ̀ sín linlin enɛ jí gbɔn é.
Xóta élɔ́ lɛ́ lɔ sixú jɛjí nú we
NǓ E MƐ LƐ́ NƆ YÁ WǓ KANBYƆ́ LƐ́ É
Nɛ̌ tuto Biblu kplɔ́nkplɔ́n tɔn e Kúnnuɖetɔ́ Jehovah tɔn lɛ́ nɔ xwlé mɛ é ka nɔ yi gbɔn?
Kpó Biblu kplɔ́nkplɔ́n vɔ̌nu sín tuto e Kúnnuɖetɔ́ Jehovah tɔn lɛ́ nɔ xwlé mɛ é kpó ɔ, a sixú zán lǐlɛ́dógbeɖévomɛ Biblu tɔn ɖěbǔ. A vo bó ná ylɔ́ xwédo towe blěbú alǒ xɔ́ntɔn towe lɛ́ ɖěbǔ bɔ yě ná gɔ́ nú we.
