Mǐ gosín akɔ vovo lɛ́ mɛ, bo gosín fí vovo lɛ́. É ɖo mɔ̌ có, mǐ ɖo bǔ, bo ɖo nǔ ɖokpó lɛ́ gbé nya wɛ. Nǔ e nɔ myá nukún nú mǐ hú nǔ lɛ́ bǐ é wɛ nyí ɖɔ mǐ ná kpa susu nú Jexóva Mawu. É wɛ dá nǔ lɛ́ bǐ, bo lɛ́ ná Biblu ɔ mǐ. Mǐ nɔ wa nǔ e wú mǐ kpé é bǐ dó xwedó afɔdomɛ Jezu Klísu tɔn, bɔ mǐ nɔ lɛ́ gó ɖɔ è nɔ ylɔ́ mǐ ɖɔ klisánwun. Mǐ mɛ ɖokpó ɖokpó nɔ zán hwenu dó d’alɔ gbɛtɔ́ lɛ́ hwɛhwɛ, bónú yě ná kplɔ́n nǔ dó Biblu kpó Axɔ́súɖuto Mawu tɔn kpó wú. Ðó mǐ nɔ ɖe kúnnu, alǒ nɔ ɖɔ xó dó Jexóva Mawu kpó Axɔ́súɖuto tɔn kpó wú wútu ɔ, è tuun mǐ ɖɔ mǐ nyí Kúnnuɖetɔ́ Jexóva tɔn lɛ́.

Kíjé nǔ e ɖo tɛn Ɛntɛnɛ́ti tɔn mǐtɔn jí lɛ́ é kpɔ́n. Xa Biblu ɖo Ɛntɛnɛ́ti jí. Kplɔ́n nǔ gěgé dó mɛ alɔkpa e mǐ nyí é kpó nǔ e mǐ ɖi nǔ ná lɛ́ é kpó wú.