Sekarea 9:1-17

  • Modimo o atlhola ditšhaba tse di mo tikologong (1-8)

  • Kgosi ya Siona e a tla (9, 10)

    • Kgosi e e boikokobetso e palame tonki (9)

  • Batho ba ga Jehofa ba tla gololwa (11-17)

9  Molaetsa wa botlhokwa: “Molaetsa wa ga Jehofa o o atlholang lefatshe la Haderake,Mme o itebagantse le* Damaseko,+Gonne leitlho la ga Jehofa le mo bathong+Le mo ditsong tsotlhe tsa Iseraele,   E bile o atlhola le Hamathe,+ e e bapileng le ene,*Gape o atlhola le Ture+ le Sidona,+ ka gonne ba botlhale thata.+   Ture o ne a ikagela lobota gore a itshireletse.* O ne a kokoanya selefera jaaka loroleLe gauta jaaka seretse se se mo mebileng.+   Jehofa o tla tsaya dithoto tsa gagwe,E bile o tla latlhela masole a gagwe mo teng ga lewatle;*+Mme o tla lailwa ke molelo.+   Ashekelona o tla bona seo a bo a boifa;Gasa o tla tshwenyega thata,Ekerone le ene o tla tshwenyega ka gonne se a beileng tsholofelo ya gagwe mo go sone se tlhabisitswe ditlhong. Kgosi e tla nyelela mo Gasa,Mme Ashekelona ga a kitla a nniwa.+   Morwa yo o tshotsweng kwa ntle ga lenyalo o tla nna mo Ashedoda,Mme ke tla fedisa boikgogomoso jwa Mofilisitia.+   Ke tla ntsha dilo tse di nang le madi mo molomong wa gagweLe dilo tse di ferosang sebete mo gare ga meno a gagwe,Mme o tla tlogelelwa Modimo wa rona;E bile o tla nna jaaka kgosana* mo Juda,+Mme Ekerone ene o tla nna jaaka Mojebuse.+   Ke tla kampa fa pele ga ntlo ya me gore ke e dise,+Gore go se ka ga nna le ope yo o tsenang le yo o tswang;Mme ga go na mookamedi* ope yo o tla e ralalang gape,+Ka gonne jaanong ke e* bone ka matlho a me.   Itumele thata, wena morwadia Siona. Goa o itumelele phenyo, wena morwadia Jerusalema. Kgosi ya gago e tla kwa go wena.+ E tshiamo, e tlisa poloko,*E boikokobetso+ e bile e palame tonki,E palame tonkana,* ngwana wa tonki e namagadi.+ 10  Ke tla fedisa kara ya ntwa mo EferaimeLe pitse mo Jerusalema. Bora jwa tlhabano bo tla fedisiwa. Mme o tla itsise kagiso mo ditšhabeng;+O tla busa go tswa kwa lewatleng le lengwe go ya kwa go le lengweLe go tswa kwa Nokeng* go ya kwa dikhutlong tsa lefatshe.+ 11  Mme wena mosadi, ke tla ntsha magolegwa a gago mo khuting e e se nang metsi+Ka madi a kgolagano ya gago. 12  Boelang kwa kagong e e thata lona magolegwa a a nang le tsholofelo.+ Gompieno ke a go bolelela,‘Ke tla go naya karolo ya gago e menagane gabedi.+ 13  Gonne ke tla oba* Juda jaaka bora jwa me. Ke tla tsaya Eferaime jaaka motswi wa bora jono,E bile wena Siona, ke tla kurusa bomorwaoGore ba tlhasele bomorwa Gerika,E bile ke tla dira gore o nne jaaka tšhaka ya motlhabani.’ 14  Jehofa o tla bonwa a le kwa godimo ga bone,E bile motswi wa gagwe o tla tswa jaaka legadima. Morena Molaodimogolo Jehofa o tla letsa lonaka,+E bile o tla tsamaya ka diphefo tsa matsubutsubu tsa borwa. 15  Jehofa wa masomosomo o tla ba femela,E bile ba tla kometsa maje a motsekedi ba bo ba a fenya.+ Ba tla nwa ba bo ba tsosa modumo jaaka e kete ba tagilwe ke beine;Mme ba tla tshwana le sekotlele se se tletseng beine,Ba tla tlala jaaka dikhona tsa sebeso.+ 16  Mo letsatsing leo, Jehofa, Modimo wa bone o tla ba sireletsaJaaka modisa a sireletsa dinku tsa gagwe;+Gonne ba tla bo ba tshwana le maje a a tlhwatlhwakgolo a serwalo sa segosi a a tsabakelang mo mmung wa gagwe.+ 17  Gonne ruri molemo wa gagwe o mogolo,+E bile bontle jwa gagwe bo bogolo eleruri! Dijo tsa ditlhaka di tla dira gore makawana a nne le maatla,Mme beine e ntšha e tla dira gore makgarebane a nne matlhagatlhaga.”+

Dintlha Tse di Kwa Tlase

Seheb., “Mme lefelo la one la bonno ke.”
Gongwe go tewa lefatshe la Haderake kgotsa Damaseko.
Kgotsa “kago ya phemelo.”
Kgotsa gongwe “mo lewatleng.”
Kgosana eno e ne e le kgosana ya lotso.
Kgotsa “mogateledi.”
Go lebega go tewa pogisego ya batho ba gagwe.
Kgotsa “mme e fentse; mme e bolokilwe.”
Kgotsa “tonki e tonanyana.”
Go tewa Euferatese.
Seheb., “gata.”