Sekarea 3:1-10
3 Mme o ne a mpontsha Joshua+ moperesiti yo mogolo a eme fa pele ga moengele wa ga Jehofa, mme Satane+ o ne a eme ka fa seatleng sa gagwe sa moja gore a ganetsane le ene.
2 Foo moengele wa ga Jehofa o ne a raya Satane a re: “A Jehofa a go kgaleme wena Satane,+ ruri a Jehofa yo o tlhophileng Jerusalema,+ a go kgaleme! A Joshua ga se kota e e tukang e e swatotsweng mo molelong?”
3 Jaanong Joshua o ne a apere diaparo tse di leswe mme a eme fa pele ga moengele yoo.
4 Moengele yoo o ne a raya ba ba emeng fa pele ga gagwe a re, “Mo apoleng diaparo tse di leswe.” Go tswa foo, o ne a mo raya a re, “Bona, ke ntshitse molato wa gago mo go wena, mme o tla apesiwa diaparo tse dintle.”*+
5 Ka jalo, ke ne ka re: “A a rwesiwe tuku e e kgethegileng e e phepa.”+ Mme ba ne ba mo rwesa tuku e e kgethegileng e e phepa ba bo ba mo apesa diaparo; mme moengele wa ga Jehofa o ne a eme foo.
6 Go tswa foo, moengele wa ga Jehofa o ne a raya Joshua a re:
7 “Jehofa wa masomosomo a re, ‘Fa e le gore o tla tsamaya mo ditseleng tsa me e bile o tla diragatsa maikarabelo a ke go a neileng, foo o tla nna moatlhodi mo ntlong ya me+ e bile o tla tlhokomela* malwapa a me; mme ke tla dira gore o tsene ka kgololesego mo go ba ba emeng fano.’
8 “‘Tsweetswee, reetsa wena Joshua Moperesiti yo Mogolo, wena le baperesiti ba gago ba ba nnang fa pele ga gago, ka gonne banna bano ke sesupo; ke tlisa motlhanka wa me+ e leng Letlhogela!+
9 Bona leje le ke le beileng fa pele ga ga Joshua! Mo lejeng leno go na le matlho a le supa; jaanong ke gaba mokwalo mo go lone,’ go bua Jehofa wa masomosomo, ‘mme ke tla tlosa molato wa lefatshe leo mo letsatsing le le lengwe.’+
10 “Jehofa wa masomosomo a re, ‘Mo letsatsing leo, mongwe le mongwe wa lona o tla laletsa moagelani wa gagwe gore a tle go nna le ene ka fa tlase ga setlhare sa gagwe sa morara* le ka fa tlase ga setlhare sa gagwe sa mofeige.’”+
Dintlha Tse di Kwa Tlase
^ Kgotsa “diaparo tse ditelele tse di kgethegileng.”
^ Kgotsa “ikarabelela ka; disa.”
^ Kgotsa “diterebe; moretlwa.”
