Sekarea 2:1-13

  • Ponatshegelo 3: Monna yo o tshotseng mogala o o lekanyang (1-13)

    • Jerusalema e tshwanetse go lekanngwa (2)

    • Jehofa ‘o tla nna lobota lwa molelo go mo dikologa’ (5)

    • Go kgoma thaka ya leitlho la Modimo (8)

    • Ditšhaba di le dintsi di tla ikgolaganya le Jehofa (11)

2  Ke ne ka leba kwa godimo mme ka bona monna a tshotse mogala o o lekanyang+ ka seatla.  Ka jalo, ke ne ka mmotsa jaana: “O ya kae?” O ne a nkaraba a re: “Ke ya go lekanya Jerusalema, gore ke bone gore e bophara jo bo kana kang le gore e boleele jo bo kana kang.”+  Jaanong moengele yo o neng a bua le nna o ne a tsamaya, mme moengele yo mongwe o ne a tla go mo kgatlhantsha.  Foo o ne a mo raya a re: “Tabogela kwa, mme o reye lekawana lele o re, ‘“E re ka go tla bo go na le batho ba bantsi le diphologolo tse dintsi mo Jerusalema,+ Jerusalema e tla nniwa+ jaaka motse o o se nang dipota.  Mme nna,” go bua Jehofa, “ke tla nna lobota lwa molelo go mo dikologa,+ e bile ke tla tlatsa kgalalelo ya me mo teng ga gagwe.”’”+  “Tlang! Tlang! Tshabang lo tswe kwa lefatsheng la bokone,”+ go bua Jehofa. “Gonne ke lo gasamiseditse gongwe le gongwe,”*+ go bua Jehofa.  “Tla kwano wena Siona! Tshaba, wena yo o nnang le morwadia Babelona.+  Fa Jehofa wa masomosomo a sena go galalediwa, o ne a nthoma kwa ditšhabeng tse di neng di gapa dithoto tsa lona,+ mme o ne a re: ‘Ope fela yo o lo kgomang, o kgoma thaka ya leitlho la me.+  Gonne jaanong ke ba tsholeletsa seatla sa me gore ke ba tlhasele, mme batho ba e neng e le batlhanka ba bone ba tla gapa dithoto tsa bone.’+ Mme eleruri lo tla itse gore Jehofa wa masomosomo o nthomile. 10  “Goa ka boitumelo, wena morwadia Siona;+ gonne ke etla,+ mme ke tla aga mo go wena,”+ go bua Jehofa. 11  “Mo letsatsing leo, ditšhaba di le dintsi di tla ikgolaganya le Jehofa,+ mme ba tla nna batho ba me; ke tla aga mo go wena.” Mme o tla tshwanelwa ke go itse gore Jehofa wa masomosomo o nthomile kwa go wena. 12  Jehofa o tla rua Juda e le boswa jwa gagwe mo nageng e e boitshepo, mme o tla tlhopha Jerusalema gape.+ 13  Didimalang fa pele ga ga Jehofa, lona batho botlhe,* ka gonne o tswa kwa lefelong le a nnang kwa go lone le le boitshepo gore a dire se a se ikaeletseng.

Dintlha Tse di Kwa Tlase

Seheb., “kwa diphefong tse nnê tsa magodimo.”
Seheb., “nama yotlhe.”