Hiziqeeli 48:1-35
48 “Aliyye qaccenni kayse noohu gaꞌre gaꞌrete suꞌmi konneeti: Daani qeechi Hetilooni doogo amade Lebohamaati* geeshsha, hattono aliyye widoonni Demaasqote dannira Hamaati mule noote Hatsaari-enaani geeshsha iillanno; qoleno soojjaati qasiꞌronni galchimi qasiꞌro geeshsha iillanno.
2 Aseeri qeechi Daani baattonni aane no; qoleno soojjaati qasiꞌronni galchimi qasiꞌro geeshsha iillanno.
3 Niftaaleemi qeechi Aseeri baattonni aane no; qoleno soojjaati qasiꞌronni galchimi qasiꞌro geeshsha iillanno.
4 Minaase qeechi Niftaaleemi baattonni aane no; qoleno soojjaati qasiꞌronni galchimi qasiꞌro geeshsha iillanno.
5 Efireemi qeechi Minaase baattonni aane no; qoleno soojjaati qasiꞌronni galchimi qasiꞌro geeshsha iillanno.
6 Roobeeli qeechi Efireemi baattonni aane no; qoleno soojjaati qasiꞌronni galchimi qasiꞌro geeshsha iillanno.
7 Yihudu qeechi Roobeeli baattonni aane no; qoleno soojjaati qasiꞌronni galchimi qasiꞌro geeshsha iillanno.
8 Yihudu dannira, soojjaati qasiꞌronni galchimi qasiꞌro geeshsha, fushshaate assitine uytinara baddinanni baatto godowa 25,000 cigile* ikkitona; seendilleno soojjaati qasiꞌronni galchimi qasiꞌro geeshsha wole gaꞌrera uynoonni qeechi ledo taalo ikkitona. Qullaawu mini hattee baattora mereeroho heeꞌranno.
9 “Yihowara fushshaate assitine baddinanni baatto seendille 25,000 cigile, godowa kayinni 10,000 cigile ikkitanno.
10 Tini baatto kakkalaanote qullaawa qeecha assine uynannite. Aliyye widoonni 25,000 cigile, galchimaanni 10,000, soojjaatoonni 10,000, hattono wodiidoonni 25,000 ikkitanno. Yihowahu qullaawu mini tenne baattora mereeroho heeꞌranno.
11 Tenne baatto Saadooqi ooso ikkitinorira, qullaawa kakkalaanora uynanni; insa ane albaanni noonsa qeecha wonshitinoreeti; qoleno Israeelenna Leewaawootu anewiinni xeertidhu woyte insa dixeertidhino.
12 Insa Leewaawootu baatto mule, lowo geeshsha qullaawa assine bandoonni fushshaati giddonni qeecha adhitanno.
13 “Kakkalaanote baattora qoteho, Leewaawootu seendille 25,000 cigilenna godowa 10,000 ikkanno qeecha adhitanno. (Xaphoomunni seendille 25,000, godowa 10,000 ikkitanno.)
14 Wole baalantenni doorantinoti tini baatto Yihowara qullaawa ikkitino daafira, ise aaninni murte hira, soorriꞌra woy woleho sayse aa dihasiissannonsa.
15 “Godowa 5,000 cigilenna seendille 25,000 cigile ikkitannoti gattino baatto, qullaawa ikkinokkihu katamu loosira yaano mine miꞌnatenna saadate hayissora ikkitanno. Katamu hattee baattora mereeroho heeꞌranno.
16 Katamu bikka kageeshshiho: Aliyye qasiꞌrora 4,500 cigile, wodiidi qasiꞌrora 4,500, soojjaati qasiꞌrora 4,500, hattono galchimi qasiꞌrora 4,500 ikkanno.
17 Katamunniti hayissote baatto aliyye widoonni 250 cigile, wodiidoonni 250, soojjaatonni 250, hattono galchimaanni 250 ikkitanno.
18 “Gattino baatto seendille qullaawu qeechi ledo taalo ikkitanno; soojjaatoonni 10,000 cigile, galchimaannino 10,000 ikkitanno. Tini baatto qullaawu qeechi ledo taalote; isewiinni haaꞌnanni laalchi katamaho soqqantannorira sagale ikkanno.
19 Baalante Israeelete gaꞌre giddonni fulte katamaho soqqantannori tenne baatto loossanno.
20 “Fushshaate assine bandoonni baatto shoolenka raga 25,000 cigile ikkitanno. Tenne baatto katamaho uynoonni baattora qoteho qullaawa fushshaate assitine badde.
21 “Qullaawu qeechi widoonninna katamu baatto qotira gattino baatto roorrichunnita ikkitanno. Tini baatto fushshaate assine bandoonni baattora soojjaatoonninna galchimaanni noohu 25,000 cigile ikkanno danni qotira heedhanno. Qooxeessaho noo gaꞌre qeechi ledo danna xaaddanno; tini baatto roorrichunnita ikkitanno. Qullaawu qeechinna qullaawu minihu qullaawu dargi hatte baattora mereeroho heeꞌranno.
22 “Leewaawootu baattonna katamu baatto roorrichu baatto mereero heedhanno. Roorrichu qoqqowi Yihudu danninna Biiniyaami danni mereero ikkanno.
23 “Gattino gaꞌrera uynoonni beehachi aane nooho: Biiniyaami qeechi soojjaati qasiꞌronni galchimi qasiꞌro geeshsha iillanno.
24 Simooni qeechi Biiniyaami baattonni aane no; qoleno soojjaati qasiꞌronni galchimi qasiꞌro geeshsha iillanno.
25 Yisaakoori qeechi Simooni baattonni aane no; qoleno soojjaati qasiꞌronni galchimi qasiꞌro geeshsha iillanno.
26 Zaabilooni qeechi Yisaakoori baattonni aane no; qoleno soojjaati qasiꞌronni galchimi qasiꞌro geeshsha iillanno.
27 Gaadi qeechi Zaabilooni baattonni aane no; qoleno soojjaati qasiꞌronni galchimi qasiꞌro geeshsha iillanno.
28 Gaadi danni widoonni nooti wodiidi qasiꞌro, Tiimaarinni kaꞌe Meribaati-qaadeesi wayibba geeshsha, hakkiinni Moolu Lagichi* geeshshanna Jawu Baari* geeshsha iillitanno.
29 “Israeelete gaꞌrera ragge assitine beekkinanni baatto tenneeti; ise qeechansa ikkitanno,” yaanno Woꞌmunkura Aliidi Mootichi Yihowa.
30 “Katamu xullichuwa kuriiti: Aliyye widoonni noohu 4,500 cigile ikkanno.
31 “Katamu waalchuwa Israeelete gaꞌre suꞌminni woshshinanni. Aliyye widoonni sasu waalchi no; mittu Roobeeli waalchooti, mittu Yihudu waalchooti, mittu Leewi waalchooti.
32 “Soojjaatoonni noohu hojja 4,500 cigile ikkanno; qoleno sasu waalchi no: mittu Yooseefi waalchooti, mittu Biiniyaami waalchooti, mittu qole Daani waalchooti.
33 “Wodiidoonni noohu 4,500 cigile ikkanno; qoleno sase waalcho afiꞌrino: mittu Simooni waalchooti, mittu Yisaakoori waalchooti, mittu qole Zaabilooni waalchooti.
34 “Galchimaanni noohu hojja 4,500 cigile ikkanno; qoleno sase waalcho afiꞌrino: mittu Gaadi waalchooti, mittu Aseeri waalchooti, mittu qole Niftaaleemi waalchooti.
35 “Katamu shoolenka raga xaphoomunni 18,000 cigile ikkanno. Qoleno hakko barrinni kayse katamu suꞌmi “Yihowa Hakko No” yinanniha ikkanno.”
Lekkaalliidi Qaagiishshuwa
^ Woy “Hamaati xullicho.”
^ Tini seeda cigileeti. Guwuursha B14 lai.
^ Gibitsenniho Moola Lagichaati.
^ Kuni Mediteraaniyu Baaraati.
