XAꞌMO 16
Yaachishanno Coye Dandee Heeꞌrate Kaaꞌlannonkeri Maati?
“Duhakki Yihowa aana tuqqi; isi irkisannohe. Keeraanchu manchi uwara horo wore diaguranno.”
Faarso 55:22
“Jawaatu manchi mixo qinaannosi gede assitanno; muddantannori kayinni buximate ubbanno.”
Lawishsha 21:5
“Ani ledokki noommona waajjitooti. Ani Maganokkiitina yaaddooti. Jawaachisheemmohe; ee, kaaꞌleemmohe; keeraanchimmannite qiniiticho angaꞌyanni seekke amadeemmohe.”
Isayyaasi 41:10
“Kiꞌne giddo yaade dirisi aana mitte cigile lexxa dandaannohu nooni?”
“Gaꞌara umisihu yaachishanno coyi noosina, gaꞌara horonta yaaddinoonte. Mittu mittunku barrira ikkanno geeshshi qarri noosi.”
“Roore hasiisanno coye baddine [affe].”
“Mittu coyirano yaaddinoonte; hatteentenni baalunku coyira huuccattotenninna eeggifatatenni galatu ledo huuccattoꞌne Maganoho shiqishidhe; wodancha baalanta roorannohu Maganu keeri Kiristoosi Yesuusinni wodanaꞌnenna surreꞌne agaranno.”
