XAꞌMO 17
Qullaawu Maxaafi Maatete Kaaꞌlannohu Hiittoonniiti?
MINAANNIRA/ANNAHO
“Hatteente gede, minaannuwu minaamuwansa uminsa bisi gede assite baxa hasiissannonsa. Minaamasi baxanno manchi umosi baxannoho; . . . bisosi itisannonna mararanno ikkinnina bisosi giwannohu mittu manchino dino . . . Kiꞌne giddo mittu mittunku umosi baxannonte gede, minaamasino baxo.”
“Annuwa, oosoꞌne caacceessitinoonte; hatteentenni Yihowa seejjonninna amaalenni lossensa.”
MINAAMARA
“Minaama . . . minaannase lowo geeshsha ayirrisso.”
“Kiꞌne minaamuwu, Mootichu haꞌrunsaano assa hasiissannonsare ikkino daafira minaannuwiꞌnera maahoyye yitine galle.”
OOSOTE
“Ooso, Mootichu fajjo ledo sumuu yaanno garinni anniꞌneranna amaꞌnera hajajamme; korkaatuno tini Maganu albaanni keeraanchimmate. ‘Annakkinna amakki ayirrisi’ yitanno hajajo, togo yitanno hexxo giddo amaddinote umi hajajooti: ‘Kunino seyannohe gedenna dirikki uullate aana seedanno gedeeti.’”
“Kiꞌne ooso, baalunku coyira anniꞌneranna amaꞌnera hajajamme; korkaatuno tini Mooticha hagiirsiissanno.”
