K.A. 4026 gedensaanni

“Hamashshu” Yihowata gashshate qoossonna gashshanno gara hettisi. Yihowa hamashshu yaano Sheexaanu umo cancananno “sircho” abbara qaale ei. (Kalaqama 3:1-5, 15) Ikkollana, Yihowa mannu ooso hamashshu gashshooti hunda heedhe umonsa gashshitanno gede yanna uyinonsa.

1943 K.A.

Yihowa Abirihaamira, daanno yini “sirchi” isi widoonni daannota kulisi.—Kalaqama 22:18.

K.A. 1070 gedensaanni

Yihowa Moote Daawitira, hakkiinnino beettisi Salamoonira daanno yini “sirchi” insa ayiddi widoonni daannota buuxisinsa.—2 Saamueeli 7:12, 16; 1 Mootoolla 9:3-5; Isayyaasi 9:6, 7.

29 M.D.

Yihowa Daawiti zuufaane ragiꞌrannohu daanno yini “sirchi” Yesuusa ikkinota bade kuli.—Galaatiya 3:16; Luqaasi 1:31-33; 3:21, 22.

 33 M.D.

Hamashshu yaano Sheexaanu Yesuusa shiishiishe, daanno yinoonni “sirchi” ginde madiissino. Yihowa Yesuusa reyotenni kayise iima heeshsho uyinosi; qoleno kakkalo assinoteha guuta heeshshosi waaga adhino; tini Addaami sirchi cubbo gatona yaatenna insara hegere heeshsho aate xinta ikkitanno.—Kalaqama 3:15; Soqqamaasinete Looso 2:32-36; 1 Qorontoosi 15:21, 22.

1914 M.D. balla

Yesuusi hamashsho, yaano Sheexaane uullate aana shiima yanna heeꞌrara uullara tugino.—Ajuuja 12:7-9, 12.

Albillitte

Yesuusi Sheexaane 1,000 diro usurihu gedensaanni horonta hunanno; lawishshu yaattonni umosi cancananno. Yihowa hunda uullatenna mannu oosora hedinori woꞌmanno; suꞌmisi minshe nookkiha ikke keeraaꞌmanno; hattono gashshootisi gara ikkinoti leeltanno.—Ajuuja 20:1-3, 10; 21:3, 4.