Hiziqeeli 2:1-10

  • Hiziqeeli masaalaancho assine sonki (1-10)

    • “Macciishshiturono gibburono” (5)

    • Wiꞌlishsha borreessinoonni xaaxo leellinshisi (9, 10)

2  Hakkiinni isi togo yiie: “Manchi beetto,* kuleemmoheri noona gotti yite uurri.” 2  Isi coyshiishieta, ayyaanu giddoꞌyara eꞌꞌe hasaawisanni nooehu yaannore macciishsha dandeemmo gede, kae uurreemmo gede assie. 3  Hakkiinni isi togo yiie: “Manchi beetto, anera finqilinohuwa finqilu Israeelete manniwa soyemmohe. Insanna annuwansa techo barri geeshsha ane aana cubbo loosa diagurtino. 4  Mokkookkootunna wodana dillaabbino oosowa soyemmohena, marte insa togo yii: ‘Woꞌmunkura Aliidi Mootichi Yihowa togo yaanno.’ 5  Insa finqila mine ikkitino daafira, macciishshiturono gibburono, mereeronsa masaalaanchu noota addinta affanno. 6  “Ati kayinni manchi beetto, utunna kokkoꞌlu doyisseennahe noottoha,* hattono iddu mereero heeꞌrattoha ikkirono, insa waajjitooti; coydhannoreno waajjitooti. Insa finqila mine ikkitino daafira, coydhannore waajjitooti; albansa laꞌeno massooti. 7  Insa finqila manna ikkitino daafira, macciishshiturono gibburono qaaleꞌya kulinsa. 8  “Ati kayinni manchi beetto, kuleemmohere macciishshi. Konni finqilu manni gede finqiltooti. Afoo faꞌnite eemmohere iti.” 9  Laummo woyte, anewa higge diriirtino anga afummo; hatte angarano borreessinoonni xaaxo noota laummo.* 10  Isi hattee xaaxo albaꞌyaanni fanita, albaannino badheennino borreessinoonni borro no. Ise aana wiꞌlishsha,* dadillenna didatto borreessinoonni.

Lekkaalliidi Qaagiishshuwa

^ “Manchi beetto” yitanno yaatto Hiziqeeli maxaafira 93 baycho no; kuri giddo umihu konneeti.
^ “Mannu mokkookkanna qasanno coy gedeeha ikkirono” yaano ikkara dandaanno.
^ Woy “maxaafu xaaxo.”
^ Woy “wiꞌlinanni kiirranni kiiro.”

Tenne borrota koppete qoosso