Yehova Imana yararemye abamarayika amamiliyoni imbere y’uko arema abantu. (Yobu 38:4, 7) Abo bamarayika ni ibiremwa bitaboneka bikorera Imana, kandi rimwe na rimwe Imana yarabatuma gukingira abasavyi bayo bo kw’isi no kubayobora. (Zaburi 91:10, 11) Muri kino gihe, abamarayika bariko barafasha abantu kwungukira ku nkuru nziza abayoboke ba Yezu bariko bamamaza.—Soma Ivyahishuwe 14:6, 7.

Twoba dukwiye gusenga abamarayika kugira badufashe? Oya. Imana ni yo yonyene dukwiye gusenga. (Ivyahishuwe 19:10) Kubera ko abamarayika bakorera Imana, bakora ivyo Imana ibategetse ntibakora ivyo bategetswe n’abantu. Ku bw’ivyo rero, dutegerezwa kwama dusenga Imana yonyene mw’izina rya Yezu.—Soma Zaburi 103:20, 21; Matayo 26:53 26:53.

Cokimwe n’abantu, abamarayika na bo nyene baremanywe ubushobozi bwo kwihitiramwo. Barashobora rero guhitamwo iciza canke ikibi. Ikibabaje, hari abamarayika benshi bagararije Imana. (2 Petero 2:4) Shetani ni we yatanguye, mu nyuma abandi barakurikira baca baba amadayimoni. Haraheze imyaka Shetani n’amadayimoni yiwe birukanywe mw’ijuru, batabwa kw’isi.—Soma Ivyahishuwe 12:7-9.

Ubukozi bw’ikibi bwongerekanye cane kuva mu 1914 ni icerekana yuko Imana vuba igiye kuboha Shetani n’amadayimoni yiwe. Imana izoca ituma isi isubira kuba Iparadizo.—Soma Ivyahishuwe 12:12; 21:3, 4.