Uratumiwe
Icibutso c’urupfu rwa Yezu
Ku wa kane, itariki 2 Ndamukiza 2026
Turagutumiye kuri ibi birori bibiri
Insiguro idasanzwe ishingiye kuri Bibiliya
«Ni nde azotuma isi isubira kumera neza?»
Uzohamenyera ivyiza abantu bazokwironkera muri kazoza igihe isi izoba yasubiye kumera neza.
Icibutso c’urupfu rwa Yezu
Muri ivyo birori bihambaye, Ivyabona vya Yehova bazohimbaza Icibutso c’urupfu rwa Yezu nk’uko yabitegetse.—Luka 22:19.
Ibibazo bikunze kubazwa
Ni bande batumiwe?
Abantu bose baratumiwe. Urashobora kuzanana n’umuryango wawe.
Ivyo birori bizomara umwanya ungana gute?
Insiguro idasanzwe ishingiye kuri Bibiliya izomara iminota 30. Hazoca hakurikira ikiganiro gishingiye kuri Bibiliya co guhana ijambo kimara isaha imwe.
Ibirori vy’Icibutso c’urupfu rwa Yezu bizomara nk’isaha imwe.
Ivyo birori bizobera hehe?
Kugira umenye aho bizobera, nuje aho haruguru ahavuga ngo «Nurabe ahazobera Icibutso» canke ahavuga ngo «Nurabe ahazobera insiguro idasanzwe.»
Ninaza muri ivyo birori, noba mbwirizwa kuzogaruka ku makoraniro yanyu canke kwiga Bibiliya?
Oya.
Hoba hari imperezwa zizotozwa?
Oya. Ntitwigera dutoza imperezwa ku makoraniro yacu.—Matayo 10:8.
Umuntu yoza yambaye gute?
Nta mpuzu zigenewe ivyo birori. Naho ari ukwo, Ivyabona vya Yehova baragerageza kwambara mu buryo bwerekana ko bubaha ivyo birori.
Ni ibiki bizoba ku Cibutso?
Muri iryo koraniro, hatangura ururirimbo maze umwe mu Vyabona vya Yehova agasenga. Ni na ko bigenda mu gusozera. Mu bigize ivyo birori, harimwo insiguro yerekana akamaro k’urupfu rwa Yezu, hamwe n’ivyiza biva ku vyo Imana na Kristu badukoreye.
Ushaka kumenya n’ibindi, nurabe ikiganiro kivuga ngo «Kubera iki Ivyabona vya Yehova bibuka urupfu rwa Yezu mu buryo butandukanye n’ayandi madini?»
Tuzohimbaza Icibutso ryari mu myaka iza?
2026: Ku wa kane, itariki 2 Ndamukiza
2027: Ku wa mbere, itariki 22 Ntwarante
2028: Ku wa mungu, itariki 9 Ndamukiza
Kugira umenye n’ibindi, nurabe aya mavidewo:
Nurabe ukuntu tuzohimbaza Icibutso c’urupfu rwa Yezu, hamwe n’ibintu vyiza twiteze muri kazoza kubera Yezu yadupfiriye.
Ushobora kuba umaze kwumva ko Yezu yapfuye kubera ibicumuro vyacu. Mugabo none umuntu umwe ashobora gute gucungura abantu benshi?
Ingene tugira amakoraniro ajanye no gusenga
Nurabe ibibera ku makoraniro.
Nuvome ubu butumire.