Inyishu z’ibibazo bishingiye kuri Bibiliya
Urupfu rwa Yezu rudufitiye akamaro akahe?
Igihe Imana yarema abantu ba mbere, yipfuza ko babaho ibihe bidahera kw’isi ata kurwara canke gupfa. Ariko umugabo wa mbere Adamu yaragambarariye Umuremyi, aba atakaje akaryo ko kubaho ibihe bidahera. Kubera ko dukomoka kuri Adamu, yaraturaze urupfu. (Abaroma 5:8, 12; 6:23) Imana y’ukuri Yehova yararungitse Umwana wayo Yezu kw’isi kugira ngo adupfire, maze agarukane ico Adamu yatakaje.
Yezu yapfuye kugira ngo abantu bashobore kubaho ibihe bidahera. Wibaza ko ubuzima budahera kw’isi buzoba bumeze gute?
Urupfu rwa Yezu rutuma dushobora guharirwa ibicumuro vyacu no kubaho ibihe vyose. Bibiliya iratwereka ukuntu ubuzima buzoba bumeze kw’isi tutagisaza, tutakirwara canke ngo dupfe.
Dukwiye kwibuka gute urupfu rwa Yezu?
Ku mugoroba buca Yezu apfa, yarabwiye abayoboke biwe ngo bazokwibuke urupfu rwiwe mu kugira ibirori bisanzwe. Kwibuka urupfu rwa Yezu muri ubwo buryo buri mwaka, biraduha akaryo ko kuzirikana ku rukundo Yezu na Yehova bafitiye abantu.
Raba kandi
IBITWEREKEYE
Icibutso c’urupfu rwa Yezu
Ivyabona vya Yehova baragutumiye ku Cibutso c’urupfu rwa Yezu kizohimbazwa ku wa 12 Ndamukiza 2025.
INYISHU Z’IBIBAZO BISHINGIYE KURI BIBILIYA
Kubera iki Yezu yapfuye?
Abantu benshi barazi ko Yezu yapfuye kugira turonke ubuzima. Ariko neza na neza urupfu rwiwe rutumariye iki?
INYISHU Z’IBIBAZO BISHINGIYE KURI BIBILIYA
Yezu adukiza gute?
Kubera iki dukeneye ko Yezu adutakambira? Kwizera Yezu vyonyene vyoba bihagije kugira dukizwe?
