Numeri 7:1-89

  • Ntsembe zomwe adapereka pa mwambo wofungulira chihema (1-89)

7  Pantsiku yomwe Mose adamaliza kukonza chihema, adachidzodza nkuchichenesa,* pabodzi na vipangizo vake vose, guwa yantsembe na vombo vake vose. Padamaliza kudzodza na kuchenesa vinthu vimwivi, 2  atsogoleri wa Izirayeli omwe ni atsogoleri wa nyumba za azibereki wawo, adapereka vopereka vawo. Atsogoleri wa madzinza mwawa, omwe ambanyang’anira wanthu omwe adawerengewa wale, 3  adabweresa vopereka vawo pamaso pa Yahova. Vopereka mwivo venze ngolo 6 zofunga padzulu na ng’ombe zimuna 12. Atsogoleri awiri adapereka ngolo ibodzi, ndipo mtsogoleri aliyese adapereka ng’ombe imuna ibodzi. Vopereka mwivo adafika navo pachihema. 4  Yahova adauza Mose kuti: 5  “Utambire vinthu mwivi kwa iwo kuti viphatisiriwe basa pa utumiki wa pachihema chogumanako. Uvipereke kwa Alevi ndipo aliyese umupase mobverana na vomwe vikufunika pa basa yake.” 6  Manje Mose adatambira ngolo na ng’ombe mwizo nkuzipereka kwa Alevi. 7  Adapereka ngolo ziwiri na ng’ombe zinayi zimuna kwa wana wa Gerisoni, mobverana na vomwe vimbafunika pa basa yawo. 8  Wana wa Merari adawapasa ngolo zinayi na ng’ombe zimuna 8, mobverana na vomwe vimbafunika pa basa yawo yomwe ambaphata monyang’aniriwa na Itamara, mwana wa wantsembe Aroni. 9  Koma wana wa Kohati alibe kuwapasa vinthu mwivi, ndawa basa yawo yenze utumiki wa pamalo yochena. Iwo ambanyamula vinthu vopatulika pamaphewa yawo. 10  Manje atsogoleri mwawo adapereka vopereka vawo pamwambo wofungulira guwa yantsembe, pantsiku yomwe guwa mwiyo idadzodzewa. Atsogoleri mwawo padabweresa vopereka vawo paguwa yantsembe, 11  Yahova adauza Mose kuti: “Mtsogoleri m’bodzi pantsiku, kwa ntsiku zolondolana, ambapereke vinthu vake kuti viphatisiriwe basa pakufungulira guwa yantsembe.” 12  Yemwe adapereka vopereka vake pantsiku yoyamba wenze Naasoni, mwana wa Aminadabu, wa dzinza ya Yuda. 13  Iye adapereka mbale ikulu ibodzi yasiliva yolemera masekeli* 130, na mbale yonoka ibodzi yasiliva yolemera masekeli 70, mobverana na mpimo wa sekeli ya kumalo yochena.* Mbale ziwiri mwizo zenze zodzala na ufa wonyodoka wothira mafuta, wa ntsembe yambewu. 14  Adapereka pomwe khapu ibodzi* yagolide yolemera masekeli 10, yodzala na vofukiza. 15  Komasoti adapereka ng’ombe imuna ibodzi ing’ono, nkhosa ibodzi imuna na mwana wa nkhosa m’bodzi mwamuna wosapitirira gole ibodzi. Nyama mwizi zenze za ntsembe yoshoka. 16  Adapereka pomwe mbuzi ing’ono ibodzi kuti ikhale ya ntsembe yamachimo. 17  Iye adapereka ng’ombe ziwiri, nkhosa 5 zimuna, mbuzi 5 zimuna na wana 5 wa nkhosa amuna, aliyese wosapitirira gole ibodzi kuti vikhale va ntsembe yambverano. Vimwivi ndivo vomwe Naasoni, mwana wa Aminadabu adapereka. 18  Pantsiku yachiwiri, Netaneli mwana wa Zuwara, mtsogoleri wa dzinza ya Isakara, adapereka vopereka vake. 19  Iye adapereka mbale ikulu ibodzi yasiliva yolemera masekeli 130, na mbale yonoka ibodzi yasiliva yolemera masekeli 70, mobverana na mpimo wa sekeli ya kumalo yochena. Mbale ziwiri zose mwizo zenze zodzala na ufa wonyodoka wothira mafuta, wa ntsembe yambewu. 20  Adapereka pomwe khapu ibodzi yagolide yolemera masekeli 10, yodzala na vofukiza. 21  Komasoti adapereka ng’ombe imuna ibodzi ing’ono, nkhosa ibodzi imuna na mwana wa nkhosa m’bodzi mwamuna wosapitirira gole ibodzi. Nyama mwizi zenze za ntsembe yoshoka. 22  Adapereka pomwe mbuzi ing’ono ibodzi kuti ikhale ntsembe yamachimo. 23  Iye adapereka ng’ombe ziwiri, nkhosa 5 zimuna, mbuzi 5 zimuna na wana wa nkhosa 5 amuna, aliyese wosapitirira gole ibodzi kuti vikhale va ntsembe yambverano. Vimwivi ndivo vomwe Netaneli, mwana wa Zuwara adapereka. 24  Pantsiku yachitatu, Eliyabu mwana wa Heloni, yemwe wenze mtsogoleri wa wana wa Zebuloni, 25  adapereka mbale ibodzi ikulu yasiliva yolemera masekeli 130, na mbale ibodzi yonoka yasiliva yolemera masekeli 70, mobverana na mpimo wa sekeli ya kumalo yochena. Mbale ziwiri mwizo zenze zodzala na ufa wonyodoka wothira mafuta, wa ntsembe yambewu. 26  Adapereka pomwe khapu ibodzi yagolide yolemera masekeli 10, yodzala na vofukiza. 27  Komasoti adapereka ng’ombe ibodzi imuna ing’ono, nkhosa ibodzi imuna na mwana wa nkhosa m’bodzi mwamuna wosapitirira gole ibodzi. Nyama mwizi zenze za ntsembe yoshoka. 28  Adapereka pomwe mbuzi ibodzi ing’ono kuti ikhale ntsembe yamachimo. 29  Iye adapereka ng’ombe ziwiri, nkhosa 5 zimuna, mbuzi 5 zimuna, na wana 5 wa nkhosa amuna, aliyese wosapitirira gole ibodzi kuti vikhale va ntsembe yambverano. Vimwivi ndivo vomwe Eliyabu, mwana wa Heloni adapereka. 30  Pantsiku yachinayi, Elizuri mwana wa Sedeuri, yemwe wenze mtsogoleri wa wana wa Rubeni, 31  adapereka mbale ibodzi ikulu yasiliva yolemera masekeli 130, na mbale ibodzi yonoka yasiliva yolemera masekeli 70, mobverana na mpimo wa sekeli ya kumalo yochena. Mbale ziwiri mwizo zenze zodzala na ufa wonyodoka wothira mafuta, wa ntsembe yambewu. 32  Adapereka pomwe khapu ibodzi yagolide yolemera masekeli 10, yodzala na vofukiza. 33  Komasoti adapereka ng’ombe ibodzi imuna ing’ono, nkhosa ibodzi imuna na mwana wa nkhosa m’bodzi mwamuna wosapitirira gole ibodzi. Nyama zimwizi zenze za ntsembe yoshoka. 34  Adapereka pomwe mbuzi ibodzi ing’ono kuti ikhale ntsembe yamachimo. 35  Iye adapereka ng’ombe ziwiri, nkhosa 5 zimuna, mbuzi 5 zimuna, na wana 5 wa nkhosa amuna, aliyese wosapitirira gole ibodzi kuti vikhale va ntsembe yambverano. Vimwivi ndivo vomwe Elizuri, mwana wa Sedeuri adapereka. 36  Pantsiku yachishanu, Selumiyeli mwana wa Zurisadai, yemwe wenze mtsogoleri wa wana wa Simiyoni, 37  adapereka mbale ibodzi ikulu yasiliva yolemera masekeli 130, na mbale ibodzi yonoka yasiliva yolemera masekeli 70, mobverana na mpimo wa sekeli ya kumalo yochena. Mbale ziwiri mwizo zenze zodzala na ufa wonyodoka wothira mafuta, wa ntsembe yambewu. 38  Adapereka pomwe khapu ibodzi yagolide yolemera masekeli 10, yodzala na vofukiza. 39  Komasoti adapereka ng’ombe ibodzi imuna, nkhosa ibodzi imuna na mwana wa nkhosa m’bodzi mwamuna wosapitirira gole ibodzi. Nyama zimwizi zenze za ntsembe yoshoka. 40  Adapereka pomwe mbuzi ibodzi ing’ono kuti ikhale ya ntsembe yamachimo. 41  Iye adapereka ng’ombe ziwiri, nkhosa 5 zimuna, mbuzi 5 zimuna, na wana 5 wa nkhosa amuna, aliyese wosapitirira gole ibodzi kuti vikhale va ntsembe yambverano. Vimwivi ndivo vomwe Selumiyeli, mwana wa Zurisadai adapereka. 42  Pantsiku yachi 6, Eliyasafu mwana wa Deyueli, yemwe wenze mtsogoleri wa wana wa Gadi, 43  adapereka mbale ibodzi ikulu yasiliva yolemera masekeli 130, na mbale yonoka ibodzi yasiliva yolemera masekeli 70, mobverana na mpimo wa sekeli ya kumalo yochena. Mbale ziwiri mwizo zenze zodzala na ufa wonyodoka wothira mafuta, wa ntsembe yambewu. 44  Adapereka pomwe khapu ibodzi yagolide yolemera masekeli 10, yodzala na vofukiza. 45  Komasoti adapereka ng’ombe ibodzi imuna, nkhosa ibodzi imuna na mwana wa nkhosa m’bodzi mwamuna wosapitirira gole ibodzi. Nyama zimwizi zenze za ntsembe yoshoka. 46  Adapereka pomwe mbuzi ibodzi ing’ono kuti ikhale ntsembe yamachimo. 47  Iye adapereka ng’ombe ziwiri, nkhosa 5 zimuna, mbuzi 5 zimuna, na wana 5 wa nkhosa amuna, aliyese wosapitirira gole ibodzi kuti vikhale va ntsembe yambverano. Vimwivi ndivo vomwe Eliyasafu, mwana wa Deyueli adapereka. 48  Pantsiku yachi 7, Elisama mwana wa Amihudi, yemwe wenze mtsogoleri wa wana wa Efuraimu, 49  adapereka mbale ibodzi ikulu yasiliva yolemera masekeli 130, na mbale ibodzi yonoka yasiliva yolemera masekeli 70, mobverana na mpimo wa sekeli ya kumalo yochena. Mbale ziwiri mwizo zenze zodzala na ufa wonyodoka wothira mafuta, wa ntsembe yambewu. 50  Adapereka pomwe khapu ibodzi yagolide yolemera masekeli 10, yodzala na vofukiza. 51  Komasoti adapereka ng’ombe ibodzi imuna ing’ono, nkhosa ibodzi imuna na mwana wa nkhosa m’bodzi mwamuna wosapitirira gole ibodzi. Nyama zimwizi zenze za ntsembe yoshoka. 52  Adapereka pomwe mbuzi ibodzi ing’ono kuti ikhale ntsembe yamachimo. 53  Iye adapereka ng’ombe ziwiri, nkhosa 5 zimuna, mbuzi 5 zimuna, na wana 5 wa nkhosa amuna, aliyese wosapitirira gole ibodzi kuti vikhale va ntsembe yambverano. Vimwivi ndivo vomwe Elisama, mwana wa Amihudi adapereka. 54  Pantsiku yachi 8, Gamaliyeli mwana wa Pedazuri, yemwe wenze mtsogoleri wa wana wa Manase, 55  adapereka mbale ibodzi ikulu yasiliva yolemera masekeli 130, na mbale ibodzi yonoka yolemera masekeli 70, mobverana na mpimo wa sekeli ya kumalo yochena. Mbale ziwiri mwizo zenze zodzala na ufa wonyodoka wothira mafuta, wa ntsembe yambewu. 56  Adapereka pomwe khapu ibodzi yagolide yolemera masekeli 10, yodzala na vofukiza. 57  Komasoti adapereka ng’ombe ibodzi imuna ing’ono, nkhosa ibodzi imuna na mwana wa nkhosa m’bodzi mwamuna wosapitirira gole ibodzi. Nyama zimwizi zenze za ntsembe yoshoka. 58  Adapereka pomwe mbuzi ibodzi ing’ono kuti ikhale ntsembe yamachimo. 59  Iye adapereka ng’ombe ziwiri, nkhosa 5 zimuna, mbuzi 5 zimuna, na wana 5 wa nkhosa amuna, aliyese wosapitirira gole ibodzi kuti vikhale va ntsembe yambverano. Vimwivi ndivo vomwe Gamaliyeli, mwana wa Pedazuri adapereka. 60  Pantsiku yachi 9, Abidana mwana wa Gidiyoni, yemwe wenze mtsogoleri wa wana wa Benjamim, 61  adapereka mbale ibodzi ikulu yasiliva yolemera masekeli 130, na mbale yonoka ibodzi yasiliva yolemera masekeli 70, mobverana na mpimo wa sekeli ya kumalo yochena. Mbale ziwiri mwizo zenze zodzala na ufa wonyodoka wothira mafuta, wa ntsembe yambewu. 62  Adapereka pomwe khapu ibodzi yagolide yolemera masekeli 10, yodzala na vofukiza. 63  Komasoti adapereka ng’ombe ibodzi imuna ing’ono, nkhosa ibodzi imuna na mwana wa nkhosa m’bodzi mwamuna wosapitirira gole ibodzi. Nyama zimwizi zenze za ntsembe yoshoka. 64  Adapereka pomwe mbuzi ibodzi ing’ono kuti ikhale ntsembe yamachimo. 65  Iye adapereka ng’ombe ziwiri, nkhosa 5 zimuna, mbuzi 5 zimuna, na wana 5 wa nkhosa amuna, aliyese wosapitirira gole ibodzi kuti vikhale va ntsembe yambverano. Vimwivi ndivo vomwe Abidana, mwana wa Gidiyoni adapereka. 66  Pantsiku yachi 10, Ahiyezeri mwana wa Amisadai, yemwe wenze mtsogoleri wa wana wa Dani, 67  adapereka mbale ibodzi ikulu yasiliva yolemera masekeli 130, na mbale ibodzi yonoka yasiliva yolemera masekeli 70, mobverana na mpimo wa sekeli ya kumalo yochena. Mbale ziwiri mwizo zenze zodzala na ufa wonyodoka wothira mafuta, wa ntsembe yambewu. 68  Adapereka pomwe khapu ibodzi yagolide yolemera masekeli 10, yodzala na vofukiza. 69  Komasoti adapereka ng’ombe imuna ibodzi ing’ono, nkhosa ibodzi imuna, na mwana wa nkhosa m’bodzi mwamuna wosapitirira gole ibodzi. Nyama zimwizi zenze za ntsembe yoshoka. 70  Adapereka pomwe mbuzi ibodzi ing’ono kuti ikhale ntsembe yamachimo. 71  Iye adapereka ng’ombe ziwiri, nkhosa 5 zimuna, mbuzi 5 zimuna, na wana 5 wa nkhosa amuna, aliyese wosapitirira gole ibodzi kuti vikhale va ntsembe yambverano. Vimwivi ndivo vomwe Ahiyezeri, mwana wa Amisadai adapereka. 72  Pantsiku yachi 11, Pagiyeli mwana wa Okirani, yemwe wenze mtsogoleri wa wana wa Aseri, 73  adapereka mbale ibodzi ikulu yasiliva yolemera masekeli 130, na mbale ibodzi yonoka yasiliva yolemera masekeli 70, mobverana na mpimo wa sekeli ya kumalo yochena. Mbale ziwiri mwizo zenze zodzala na ufa wonyodoka wothira mafuta, wa ntsembe yambewu. 74  Adapereka pomwe khapu ibodzi yagolide yolemera masekeli 10, yodzala na vofukiza. 75  Komasoti adapereka ng’ombe imuna ibodzi ing’ono, nkhosa ibodzi imuna na mwana wa nkhosa m’bodzi mwamuna wosapitirira gole ibodzi. Nyama zimwizi zenze za ntsembe yoshoka. 76  Adapereka pomwe mbuzi ibodzi ing’ono kuti ikhale ntsembe yamachimo. 77  Iye adapereka ng’ombe ziwiri, nkhosa 5 zimuna, mbuzi 5 zimuna, na wana 5 wa nkhosa amuna, aliyese wosapitirira gole ibodzi kuti vikhale va ntsembe yambverano. Vimwivi ndivo vomwe Pagiyeli, mwana wa Okirani adapereka. 78  Pantsiku yachi 12, Ahira mwana wa Enani, yemwe wenze mtsogoleri wa wana wa Nafitali, 79  adapereka mbale ibodzi ikulu yasiliva yolemera masekeli 130, na mbale ibodzi yonoka yasiliva yolemera masekeli 70, mobverana na mpimo wa sekeli ya kumalo yochena. Mbale ziwiri mwizo zenze zodzala na ufa wonyodoka wothira mafuta, wa ntsembe yambewu. 80  Adapereka pomwe khapu ibodzi yagolide yolemera masekeli 10, yodzala na vofukiza. 81  Komasoti adapereka ng’ombe imuna ibodzi ing’ono, nkhosa ibodzi imuna na mwana wa nkhosa m’bodzi mwamuna wosapitirira gole ibodzi. Nyama zimwizi zenze za ntsembe yoshoka. 82  Adapereka pomwe mbuzi ibodzi ing’ono kuti ikhale ntsembe yamachimo. 83  Iye adapereka ng’ombe ziwiri, nkhosa 5 zimuna, mbuzi 5 zimuna, na wana 5 wa nkhosa amuna, aliyese wosapitirira gole ibodzi kuti vikhale va ntsembe yambverano. Vimwivi ndivo vomwe Ahira, mwana wa Enani adapereka. 84  Pakufungulira guwa yantsembe, pantsiku yomwe guwa mwiyo idadzodzewa, atsogoleri wa Izirayeli adapereka vinthu ivi: Mbale zikuluzikulu zasiliva 12, mbale zonoka zasiliva 12 na makhapu yasiliva 12. 85  Mbale ikulu iriyose yasiliva yenze yolemera masekeli 130, ndipo mbale iriyose yonoka yenze yolemera masekeli 70. Siliva wose wa vombo vose vimwivi wenze wolemera masekeli 2400, mobverana na mpimo wa sekeli ya kumalo yochena. 86  Adapereka pomwe makhapu 12 yagolide yodzala na vofukiza. Khapu iriyose yenze yolemera masekeli 10, mobverana na mpimo wa kumalo yochena. Golide wose wa makhapu yose mwaya wenze wolemera masekeli 120. 87  Nyama zose za ntsembe yoshoka zenzepo ng’ombe 12 zimuna, nkhosa 12 zimuna na wana wa nkhosa 12 amuna, aliyese wosapitirira gole ibodzi. Nyama mwizo adaziperekera kubodzi na ntsembe zake zambewu. Atsogoleri mwawa adapereka pomwe mbuzi zing’onozing’ono 12 za ntsembe yamachimo. 88  Nyama zose za ntsembe yambverano zenzepo ng’ombe 24 zimuna, nkhosa 60 zimuna, mbuzi 60 zimuna na wana wa nkhosa 60 amuna, aliyese wosapitirira gole ibodzi. Vimwivi ndivo vomwe adapereka pamwambo wofungulira guwa yantsembe, patsogolo pakuti yadzodzewa. 89  Nthawe zose Mose akangena muchihema chogumanako kukayankhula na Mulungu, ambabva mawu yankuyankhula naye kuchokera padzulu pa chobwinikirira chomwe chenze padzulu pa likasa ya Umboni, pakati pa akerubi awiri. Mulungu ambayankhula naye mwanjira mwiyi.

Mawu ya m’nyantsi

^ Panango kuti: “kuchipatula.”
^ Sekeli ibodzi yenze yolingana na magrama 11,4. Onani vakumapeto B14.
^ Panango kuti: “mobverana na sekeli yochena.”
^ Panango kuti: “mbale ibodzi ing’ono yonoka.”

Bukhu mweyi niyotetezewa na ufulu wa zamalamulo