Numeri 34:1-29
34 Yahova adayankhula pomwe na Mose kuti:
2 “Upereke malangizo aya kwa Aizirayeli: ‘Aya ni malire ya dziko ya Kanani, dziko yomwe nidzakupaseni kuti ikhale yanu.
3 Malire ya dziko yanu mbali yaku sul* yadzayambire kuchipululu cha Zini, malire na Edomu. Malire yanu yaku sul,* mbali yakumachibese, yadzayambire komwe Nyanja Yamunyu* idamalira.
4 Malire mwayo yadzakhone nkukapita ku sul* kwa ntunthu wa Akirabimu kuyendera ku Zini, nkukhonera ku sul* kwa Kadesi-barinea. Patsogolo pake yadzakhonere ku Hazara-adara nkukafika ku Azimoni.
5 Manje kuchokera ku Azimoni, malire mwayo yakayendere cha kuchigwa cha Iguputo mpakana kukamalira ku Nyanja Ikulu.*
6 Malire yanu ya kumbali yakumaulo yakakhale gombe ya Nyanja Ikulu.* Yamwaya yakakhale malire yanu ya mbali yakumaulo.
7 Malire yanu yaku norte* yakayende tene: Mukanembe malire mwayo kuchokera ku Nyanja Ikulu mpakana kuphiri ya Hora.
8 Kuchokera kuphiri ya Hora, mukanembe malire mwayo mpakana kukafika ku Lebo-hamati,* ndipo malire mwayo yakamalire ku Zedadi.
9 Malire mwayo yakafike ku Zifironi, mpakana yakamalire ku Hazara-enani. Malire yanu ya mbali yaku norte* yakakhale mwaya.
10 Manje mukanembe malire yanu yakumachibese kuyambira ku Hazara-enani mpakana ku Sefamu.
11 Malire mwayo yakapolike kuchokera ku Sefamu kuyendera cha ku Ribila, kumachibese kwa Aini. Yakapolike basi mpakana yakapitirire malo yopolika yakumachibese kwa Nyanja ya Kinereti.*
12 Malire mwayo yakapolike basi mpakana kukamadzi ka Yorodano, ndipo yakamalire ku Nyanja Yamunyu. Imwiyi ndiyo yati idzakhale dziko yanu na malire yake yozungulira.’”
13 Manje Mose adauza Aizirayeli kuti: “Imwiyi ni dziko yomwe igawiwe kwa imwepo pakuphatisa basa maere kuti ikhale yanu. Idzagawiwe kwa imwepo mobverana na vomwe Yahova adalamula kuti iperekewe kwa madzinza 9 na hafu.
14 Dzinza ya Rubeni pakutewedza mabanja ya azibereki wawo, dzinza ya Gadi pakutewedza mabanja ya azibereki wawo komasoti hafu ya dzinza ya Manase, adatambira kale malo yawo.
15 Madzinza yawiri mwayo na hafu yadatambira kale malo yawo kudera yakumachibese kwa Yorodano, monyang’anana na Yeriko.
16 “Yahova adapitiriza kuyankhula na Mose kuti:
17 “Amuna omwe akakugawireni malo kuti yakhale yanu, madzina yawo ni aya: Wantsembe Eleazara na Yoswa mwana wa Nuni.
18 Mutenge mtsogoleri m’bodzi pa dzinza iriyose kuti akathandize kugawa malo mwayo kuti yakhale yanu.
19 Amuna mwawo madzina yawo ni aya: Pa dzinza ya Yuda, Kalebe mwana wa Yefune,
20 pa dzinza ya Simioni, Semuyeli mwana wa Amihudi,
21 pa dzinza ya Benjamim, Elidadi mwana wa Kisiloni,
22 pa dzinza ya wana wa Dani, mtsogoleri Buki mwana wa Yogili,
23 pa wana wa Yosefe ku dzinza ya wana wa Manase, mtsogoleri Hanieli mwana wa Efodi,
24 pa dzinza ya wana wa Efuraimu, mtsogoleri Kemuyeli mwana wa Sipitana,
25 pa dzinza ya wana wa Zebuloni, mtsogoleri Elizafana mwana wa Paranaki,
26 pa dzinza ya wana wa Isakara, mtsogoleri Palitiyeli mwana wa Azani,
27 pa dzinza ya wana wa Aseri, mtsogoleri Ahihudi mwana wa Selomi,
28 ndipo pa dzinza ya wana wa Nafitali, mtsogoleri Pedaheli mwana wa Amihudi.”
29 Amwawa ni amuna omwe Yahova adawalamula kuti akagawe malo kwa Aizirayeli mudziko ya Kanani.
Mawu ya m’nyantsi
^ Panango kuti: “kum’mwera.”
^ Panango kuti: “kum’mwera.”
^ Imwiyi ni Nyanja Yakufa.
^ Panango kuti: “kum’mwera.”
^ Panango kuti: “kum’mwera.”
^ Imwiyi ni Nyanja Ikulu ya Mediterrâneo.
^ Imwiyi ni Nyanja Ikulu ya Mediterrâneo.
^ Panango kuti: “kumpoto.”
^ Panango kuti: “pongenera ku Hamati.”
^ Panango kuti: “kumpoto.”
^ Imwiyi ni nyanja ya Genesareti, panango kuti Nyanja ya Galireya.
