Numeri 33:1-56
33 Aya ni malo yomwe Aizirayeli ambaima pa ulendo wawo, padabula mudziko ya Iguputo m’magulu yawo* motsogolerewa na Mose komasoti Aroni.
2 Mose ambanemba malo yomwe ambanyamukira ulendo uliwose mobverana na vomwe Yahova adamulamula. Aya ni maulendo yomwe adayenda kuchokera kumalo yanango kukafika kumalo yanango:
3 Adanyamuka ku Ramese m’mwezi woyamba pantsiku yachi 15. Mangwana yake padachita Pasika, Aizirayeli adanyamuka molimba ntima* pamaso pa Aiguputo wose.
4 Panthawe mwiyi nkuti Aiguputo ali pabasa yoikha m’manda wana wose oyamba kubadwa, omwe Yahova adawapha pakati pawo. Yahova wenze adapereka viweruzo pa milungu yawo.
5 Manje Aizirayeli adanyamuka ku Ramese nkukamanga nsasa ku Sukoti.
6 Patsogolo pake adanyamuka ku Sukoti nkukamanga nsasa ku Etamu, pafupi na chipululu.
7 Padanyamuka ku Etamu adabwerera m’mambuyo nkuyenda cha ku Pihahiroti yemwe wenze monyang’anana na Baala-zefoni. Ndipo adakamanga nsasa pafupi na Migidoli.
8 Patsogolo pake adanyamuka ku Pihahiroti nkukapita na panyanja kuyambukira kuchipululu. Adafamba ulendo wa ntsiku zitatu muchipululu cha Etamu nkukamanga nsasa ku Mara.
9 Patsogolo pake adanyamuka ku Mara nkukafika ku Elimu. Ku Elimu muko kwenze ntsantsa 12 za madzi na miti 70 ya kanjedza ndipo adamanga nsasa kumuko.
10 Padachoka ku Elimu adakamanga nsasa pafupi na Nyanja Ifuwira.
11 Padanyamuka ku Nyanja Ifuwira, adakamanga nsasa muchipululu cha Sini.
12 Patsogolo pake adanyamuka muchipululu cha Sini nkukamanga nsasa ku Dofika.
13 Padachoka ku Dofika adakamanga nsasa ku Alusi.
14 Padanyamuka ku Alusi adakamanga nsasa ku Refidimu, komwe kwenze kulibe madzi yakuti wanthu amwe.
15 Patsogolo pake adachoka ku Refidimu nkukamanga nsasa muchipululu cha Sinai.
16 Patsogolo pake adanyamuka muchipululu cha Sinai, nkukamanga nsasa ku Kubiroti-hatava.
17 Padachoka ku Kibiroti-hatava, adakamanga nsasa ku Hazeroti.
18 Patsogolo pake adanyamuka ku Hazeroti nkukamanga nsasa ku Ritima.
19 Padachoka ku Ritima adakamanga nsasa ku Rimoni-perezi.
20 Padanyamuka ku Rimoni-perezi, adakamanga nsasa ku Libina.
21 Patsogolo pake adachoka ku Libina nkukamanga nsasa ku Risa.
22 Padanyamuka ku Risa adakamanga nsasa ku Kehelata.
23 Padachoka ku Kehelata, adakamanga nsasa ku phiri ya Saferi.
24 Patsogolo pake adanyamuka ku phiri ya Saferi nkukamanga nsasa ku Harada.
25 Padachoka ku Harada, adakamanga nsasa ku Makeloti.
26 Padanyamuka ku Makeloti, adakamanga nsasa ku Tahati.
27 Padachoka ku Tahati adakamanga nsasa ku Tera.
28 Patsogolo pake adanyamuka ku Tera nkukamanga nsasa ku Mitika.
29 Patsogolo pake adachoka ku Mitika nkukamanga nsasa ku Hasimona.
30 Padanyamuka ku Hasimona adakamanga nsasa ku Mosera.
31 Patsogolo pake adanyamuka ku Mosera nkukamanga nsasa ku Bene-yaakana.
32 Padachoka ku Bene-yaakana adakamanga nsasa ku Hori-hagidigadi.
33 Padanyamuka ku Hori-hagidigadi adakamanga nsasa ku Yotibata.
34 Patsogolo pake adanyamuka ku Yotibata nkukamanga nsasa ku Abirona.
35 Patsogolo pake adachoka ku Abirona nkukamanga nsasa ku Ezioni-geberi.
36 Padanyamuka ku Ezioni-geberi adakamanga nsasa muchipululu cha Zini, ku Kadesi.
37 Patsogolo pake adanyamuka ku Kadesi, nkukamanga nsasa kuphiri ya Hora, kumalire na dziko ya Edomu.
38 Wantsembe Aroni adakwera m’phiri ya Hora mobverana na vomwe Yahova adalamula, ndipo adamwalira m’phiri mumo mugole yachi 40 m’mwezi wa 5 pantsiku yoyamba ya mwezi muyo kuchokera pomwe Aizirayeli adabula mudziko ya Iguputo.
39 Aroni adamwalira m’phiri ya Hora anamagole 123.
40 Manje mpfumu ya ku Aradi ya Chikanani, yomwe imbakhala ku Negebu mudziko ya Kanani idabva kuti Aizirayeli ankubwera.
41 Paidapita nthawe Aizirayeli adanyamuka kuphiri ya Hora, nkukamanga nsasa ku Tsalimona.
42 Patsogolo pake adachoka ku Tsalimona nkukamanga nsasa ku Punoni.
43 Patsogolo pake adanyamuka ku Punoni nkukamanga nsasa ku Oboti.
44 Padachoka ku Oboti adakamanga nsasa ku Iye-abarimu, kumalire na Mowabu.
45 Patsogolo pake adanyamuka ku Iyimu* nkukamanga nsasa ku Diboni-gadi.
46 Patsogolo pake adanyamuka ku Diboni-gadi, nkukamanga nsasa ku Alimoni-dibilataimu.
47 Patsogolo pake adanyamuka ku Alimoni-dibilataimu, nkukamanga nsasa kumapiri ya Abarimu, pafupi na Nebo.
48 Pakumalizira pake adanyamuka kumapiri ya Abarimu nkukamanga nsasa ku Yeriko, pafupi na kamadzi ka Yorodano, muchipululu cha Mowabu.
49 Adapitiriza kukhala munsasa pafupi na Yorodano, kuyambira ku Beti-yesimoti mpakana ku Abele-sitimu, muchipululu cha Mowabu.
50 Yahova adayankhula na Mose ku Yeriko pafupi na kamadzi ka Yorodano, muchipululu cha Mowabu. Adamuuza kuti:
51 “Yankhula na Aizirayeli, uwauze kuti: ‘Manje muyambuke Yorodano kuti mungene mudziko ya Kanani.
52 Mukathamangise wanthu wose omwe ankukhala mudziko mwiyo, ndipo mukadzonge vifaniziro vawo vose vaminyala na mafano yawo yose yasimbi* komasoti mukagwese malo yawo yose yopatulika.
53 Mukatenge dziko mwiyo kuti mumbakakhalemo, ndawa nidzaiperekedi kwa imwepo kuti ikhale yanu.
54 Mukaphatise basa maere pakugawa dziko mwiyo kwa mabanja yanu kuti ikhale yanu. Banja ya wanthu azinji mukaiingizire malo yawo ndipo banja ya wanthu ang’onong’ono mukaichepesere malo yawo. Banja iriyose mukaipase malo mobverana na komwe maere ya banja mwiyo yagwera. Mukatambire malo kuti yakhale yanu pakutewedza madzinza ya azibereki wanu.
55 Koma peno mukawathamangiselini wanthu omwe ankukhala mudziko mwiyo, wanthu omwe mukawasiye awo adzakhale ninge vitsotso m’maso mwanu, komasoti ninge minga zokulasani m’mbabvu mwanu. Ndipo iwo ambadzakubonereseni mudziko yomwe mumbadzakhale.
56 Vikadzateno, chilango chomwe nimbafuna kupereka kwa wanthu mwawo nidzachipereke kwa imwepo.’”
