Risi sodaasã yikame n tɩ zabd ne Ikrɛn

ÉCOUTER EN

Yʋʋmd 2022 wao-fugd kiuug rasem 24 yibeoogo, Risi sodaasã yikame n tɩ sɩng zabr ne Ikrɛn, baa ne tẽns wʋsg nanambs sẽn da modgd n na n gɩdg rẽ wã. Zab-kãng na n waa ne zu-loe-bʋs dũniyã gill zugu? Zabrã sẽn sɩng tɩ rasem a wãna, a António Guterres sẽn yaa Nasiyõzĩni sekertɛɛr zenerallã yeelame: “D pa tõe n bãng n bilg zab-kãngã sẽn na n wa ne sãoong la namsg ning Erop tẽnsã pʋsẽ, la dũniyã gill zugã ye.”

Sã n yaa ne Biiblã, yel-kãensã võor yaa bõe?

A Zeezi ra pĩnd n togsame tɩ “buud na n yika zabr ne buud a to, tɩ rĩung me yik zabr ne rĩung a to.” (Matiye 24:7) Y sã n dat n bãng tɩ zab-kãensã pidsda goam a Zeezi sẽn da pĩnd n togs tɩ be Biiblã pʋgẽ, bɩ y karem sõsg ning gom-zug sẽn yaa “Quel est le signe des ‘derniers jours?’”
Vẽnegr sebrã gomda zabr yelle, n yetẽ tɩ yaa wa wed-rʋʋd sẽn zao ‘wed-moaag sẽn yaa miuug wa bugum’ zugu, la t’a ‘yiisda laafɩ tẽngã zugu.’ (Vẽnegre 6:4) Y sã n dat n bãng rũndã-rũndã zabã sẽn pidsd bãngr-gom-kãensã to-to wã, bɩ y karem sõsg ning gom-zug sẽn yaa “Les cavaliers de l’Apocalypse : qui sont-ils?”
A Dãniyɛll sebrã ra pĩnd n togsame tɩ zabr n na n zĩnd “rɩtg rĩmã” a ne “goabg rĩma” sʋka. (Dãniyɛll 11:25-45) Y sã n dat n bãng bũmb ning sẽn kɩt tɩ d tõe n yeel tɩ Risi la a poorẽ dãmbã makda goabg rĩmã, bɩ y ges video ning gom-zug sẽn yaa Une prophétie qui s’accomplit : Daniel chapitre 11.
Vẽnegr sebrã le gomda “Wẽnnaam Sẽn-tõe-a-fãa wã ra-kãsengã zabrã” yelle. (Vẽnegre 16:14, 16) Pa na n yɩ tẽn-tẽns sẽn na n zabd taaba, wa sẽn yaa to-to rũndã-rũndã wã ye. Y sã n dat kibay a taab n paas zab-kãng wɛɛngẽ, bɩ y karem sõsg ning gom-zug sẽn yaa “Qu’est-ce que la bataille d’Armaguédon?”

Bõe yĩng tɩ y tõe n saag tɩ manegr n wate?

Biiblã yetame tɩ Wẽnnaam na n kɩtame tɩ “zabã sẽn be dũniyã tɛk fãa wã sɛ.” (Yɩɩn-sõamyã 46:10) Y sã n dat n bãng bũmb a taab Wẽnnaam sẽn pʋlem tɩ na n pids ka la bilfã, bɩ y karem sõsg ning gom-zug sẽn yaa “Une espérance réelle pour des jours meilleurs.”
A Zeezi yeela a karen-biisã tɩ b pʋʋs n kos tɩ Wẽnnaam Rĩungã wa. (Matiye 6:9, 10) Rĩun-kãng yaa goosneema sẽn be saasẽ, sẽn na n kɩt tɩ Wẽnnaam raabã pids dũniyã gill zugu. La Wẽnnaam raab me yaa tɩ laafɩ zĩnd dũniyã zugu. Y sã n dat n bãng Wẽnnaam Rĩungã sẽn tõe n naf-y to-to, bɩ y ges video ning gom-zug sẽn yaa “Wẽnnaam Rĩungã yaa bõe?”

A Zeova Kaset rãmb sõor sẽn yɩɩd bãmb tus 129 n be Ikrɛn. Wa b tẽed-n-taasã sẽn be tẽns a taabã, bãmb me rɩkda a Zeezi togs-n-taare, n pa kẽesd b toog politikã yɛlẽ la zabã pʋsẽ ye. (Zã 18:36) Dũniyã gill zugu, a Zeova Kaset rãmbã ket n moonda ‘Rĩungã koe-noogã,’ n wilgdẽ tɩ yaa Rĩungã bal n na n wa ne ãdem-biisã zu-loeesã tɩɩm, la a kɩt me tɩ zabã sa. (Matiye 24:14) Y sã n dat n bãng Biiblã sẽn yet bũmb ning tɩ wilgd tɩ manegr n watã, bɩ y sõs ne a Zeova Kaset rãmbã.

a Y sã n dat n bãng Biiblã gom-kãngã sẽn pidsd to-to, bɩ y karem sõss nins gom-zug sẽn yaa: “‘Rɩtg rĩmã,’ saabã wakate,” la “Ãnd la ‘rɩtg rĩmã’ rũndã-rũndã?”