MOON-Y KOƐƐGÃ SÕMA
D na n pʋɩya seb-vãoog n bool nebã tɩ b wa d rasem a tãab tigis-kãsengã
Yʋʋmd fãa, d gũuda tigis-kãsengã ne d sũur fãa, n na n kelg sõss la d paam bũmb toor-toor sẽn na n keng d tẽebã. Yɩl tɩ neb a taab me bãng a Zeova sõmblmã, d na n pʋɩɩ seb-vãad n bool-ba. (Yɩɩn. 34:9) Tiging fãa pʋgẽ, kãsem-dãmbã na n wilga b sẽn na n pʋɩ seb-vãadã to-to tɩ ta b koe-moonegã zĩig fãa.
D SẼN TOG N BÃNGE
-
Tigis-kãsengã daare
-
Seb-vãadã pʋɩɩb sẽn na n sɩng wakat ninga
-
Koe-moonegã tigissã sẽn na n yɩ zĩig ninga
-
Mam sẽn dat n modg n maane
-
Mam sẽn dat n bool b rãmba
D SẼN TÕE N YEELE
Y sã n pʋʋs kɛlgdã n sa, y tõe n yeela woto:
“Dũniyã gill zugu, d pʋɩta seb-vãad n boond nebã tɩ b wa tigis-kãsenga. A daarã, wakatã, la sẽn na n yɩ zĩig ningã bee seb-vãoogã zugu. Y sã n modg n wa d sũur na n yɩɩ noogo.”
D SÕNG SẼN DAT-B N BÃNG N PAASÃ
Yaa sɩd tɩ d rat n boola neb wʋsg tɩ b wa tigis-kãsengã, la d segd n bao n sõnga neb nins sẽn dat n wʋm koɛɛgã n paasã.
Wɩkɛn-dãmbã, y tõe n naaga periodik-rãmb ne seb-vãadã n kõ nebã.
