Yobi 21:1-34

  • Mvutu ya Yobi (1-34)

    • ‘Sambu na nki bantu ya mbi ke tomaka?’ (7-13)

    • Yandi me tungulula mbi ya “bantu yina kwisaka kulembika” yandi (27-34)

21  Yobi vutulaka nde:   “Beno wa mbote-mbote mambu yina mono ke tuba;Bika mambu yai kuvanda mambu ya beno ke tuba sambu na kulembika mono.   Beno kanga ntima na ntangu mono ke tuba;Kana mono me manisa kutuba, beno lenda seka mono na nima.+   Keti mono ke bokutila muntu? Kana yo vandaka mutindu yina, keti mono* zolaka ve kuyambula kukanga ntima?   Beno tala mono mpi beno tala ti kuyituka;Beno tula diboko na munoko na beno.   Kana mono yindula diambu yai, yo ke yangisa mono,Mpi nitu na mono ya mvimba ke tekita.   Sambu na nki bantu ya mbi ke zingaka,+Ke kumaka bambuta, mpi ke kumaka bamvwama?*+   Bana na bo ke vandaka ntangu yonso na ntwala na bo,Mpi bo ke monaka bantekolo na bo.   Banzo na bo ke vandaka na lutaninu, bo ke waka boma ve,+Mpi Nzambi ke pesaka bo ve ndola ti fimbu na yandi. 10  Bangombe na bo ya babakala ke butaka kaka;Bangombe na bo ya bankento ke butaka mpi mavumu na yo ke basikaka ve. 11  Bana na bo ya babakala ke bakaka ntinu na nganda kaka bonso bitwisi,Mpi bana na bo ke pumbuka-pumbukaka. 12  Bo ke yimbaka ti ngoma ya fioti mpi kidareMpi ke sepelaka na makelele ya musembu.+ 13  Bo ke lutisaka bilumbu na bo na kiese,Mpi ke kulumukaka na Maziamu* na ngemba.* 14  Kansi bo ke tubaka na Nzambi ya kieleka nde, ‘Yambula beto! Beto ke zola ve kuzaba banzila na nge.+ 15  Nkwa-Ngolo Yonso kele nani sambu beto sadila yandi?+ Inki beto ta baka kana beto zaba yandi?’+ 16  Kansi mono me zaba nde bo ke yalaka ve kimvwama na bo mosi.+ Bangindu* ya bantu ya mbi kele ntama ti mono.+ 17  Mbala ikwa mwinda ya bantu ya mbi ke fwaka?+ Mbala ikwa mpasi ke bwilaka bo? Mbala ikwa Nzambi ke pesaka bo ndola ya lufwa sambu na makasi na yandi? 18  Keti bo me kumaka bonso matiti na ntwala ya mupepeMpi bonso bampusu yina mupepe ya ngolo ke nataka? 19  Nzambi ta bumba ndola ya muntu sambu na bana na yandi mosi. Kansi bika nde Nzambi kufuta yandi, mpidina yandi ta zaba yo.+ 20  Bika nde meso na yandi mosi kumona mutindu yandi ke beba,Mpi bika nde yandi vanda muntu yina ke nwa makasi ya Nkwa-Ngolo Yonso.+ 21  Sambu na nki yandi ke kudibanza sambu na mambu yina ta kumina nzo na yandi na nima na yandiKana ntalu ya bangonda na yandi kukuma nkufi?*+ 22  Keti muntu lenda longa Nzambi nzayilu,*+Yandi muntu ya ke sambisaka ata bantu ya lukumu mingi?+ 23  Muntu mosi ke fwa na ntangu yandi kele na ngolo na yandi yonso+Na ntangu yandi ke kudiyangisa ve ata fioti mpi kele na ngemba kibeni,+ 24  Na ntangu bambendi na yandi me fuluka ti mafutaMpi mikwa na yandi kele ngolo.* 25  Kansi muntu ya nkaka ke fwa ti mpasi ya ngolo,*Yandi me bikaka ve kumeka bima ya mbote. 26  Bo ta lala kumosi na mfututu,+Mpi mikuni ta fika bo zole.+ 27  Tala! Mono ke zaba mbote-mbote mambu ya beno ke yindulaMpi mambu ya beno ke kana sambu na kusala mono mbi.*+ 28  Sambu beno ke tuba nde, ‘Wapi nzo ya muntu ya lukumu,Mpi wapi tenta yina muntu ya mbi zingaka?’+ 29  Keti beno me yulaka ve bantu ya ke salaka nzietelo? Keti beno ke longukaka ve na dikebi yonso mambu ya bo ke monaka,* 30  Nde muntu ya mbi ke fwaka ve na kilumbu ya mpasiMpi ke gulukaka na kilumbu ya makasi? 31  Nani ta nwanisa yandi sambu na nzila na yandi,Mpi nani ta futa yandi sambu na mambu yina yandi me salaka? 32  Ntangu bo ke nata yandi na maziamu,Bo ta langidila maziamu na yandi. 33  Bambuma ya ntoto ya muwanda ta vanda sukadi sambu na yandi,+Mpi bantu yonso ta landa yandi,*+Bonso ntalu ya bantu ya bo lenda tanga ve yina fwaka na ntwala nde yandi fwa. 34  Ebuna sambu na nki kulembika mono na ntangu yo kele mpamba?+ Kima kele ve na bamvutu na beno, kaka luvunu!”

Banoti na nsi ya lutiti

Na kisina, “mpeve na mono.”
To “ngolo.”
To “Sheole,” disongidila, maziamu ya bantu yonso. Tala Bantendula ya Bangogo.
To “na ntangu mosi,” disongidila, lufwa ya nswalu mpi ya kukonda mpasi.
To “Bandongisila; Balukanu.”
To “kuzengana na bandambu zole.”
To “longa Nzambi konso kima yina.”
Na kisina, “nluka ya mikwa na yandi me baka masa.”
To “ti moyo ya ndudi.”
To mbala ya nkaka, “sambu na kusadila mono mambu na nku yonso.”
Na kisina, “bidimbu na bo.”
Na kisina, “Mpi yandi ta benda bambisi yonso na nima na yandi.”