Yobi 7:1-21

  • Yobi ke landa kupesa mvutu (1-21)

    • Luzingu bonso kisalu ya ngolo (1, 2)

    • “Sambu na nki nge me kumisa mono kima yina nge ke kana kuta?” (20)

7  “Keti luzingu ya muntu na ntoto kele ve bonso kisalu ya ngolo?Mpi keti bilumbu na yandi kele ve bonso bilumbu ya muntu ya kisalu yina ke bakaka lufutu?+   Bonso mpika, yandi kele ti nzala ya ngolo ya kivudi,Mpi bonso muntu ya kisalu yina ke bakaka lufutu, yandi ke vingila lufutu na yandi.+   Na mutindu yina, bo me pesaka mono bangonda ya kukonda mfunuMpi bo me pesaka mono+ bampimpa ya mpasi.   Na ntangu mono ke lala, mono ke yula nde, ‘Inki ntangu mono ta telama?’+ Kansi kana mpimpa ke sukinina, mono ke landa kubaluka-baluka tii kuna ntongo ta tana.   Nsuni na mono me fuluka ti mikuni mpi misopi ya ntoto;+Mpusu na mono me fuluka ti bibala ya mputa mpi tufina.+   Bilumbu na mono ke luta ntinu kibeni kuluta masini ya bo ke tungilaka bilele,+Mpi yo ke suka kukonda kivuvu.+   Yibuka nde luzingu na mono kele mupepe,+Nde meso na mono ta monaka diaka ve kiese* ata fioti.   Meso yina ke mona mono ntangu yai ta mona mono diaka ve;Meso na nge ta sosa mono, kansi mono ta vanda me kwenda.+   Mutindu dituti ke vilaka malembe-malembe mpi ke walukaka,Mutindu mosi mpi muntu yina ke kulumuka na Maziamu* ke vutukaka diaka ve.+ 10  Yandi ta vutuka diaka ve na nzo na yandi,Mpi kisika na yandi ta zaba yandi diaka ve.+ 11  Yo yina, mono ta kanga ve munoko na mono. Mono ta tuba sambu na mpasi ya mono ke wa na ntima* na mono;Mono ta bokuta sambu na mpasi na mono ya ngolo!*+ 12  Keti mono kele nzadi-mungwa to mbisi mosi ya boma ya nzadi-mungwaSambu nge tula muntu na kukengila mono? 13  Kana mono tuba nde, ‘Mbeto na mono ta lembika mono;Mbeto na mono ta lembika mpasi na mono,’ 14  Nge ke pesa mono boma ya ngolo na nzila ya bandosiMpi nge ke titisa mono na nzila ya bambona-meso, 15  Yo yina mono* ke sola nde mpema na mono kukangama,Ee, mono ke sola lufwa na kisika ya nitu na mono yai.*+ 16  Mono ke menga luzingu na mono;+ mono ke zola ve kulanda kuzinga. Yambula mono, sambu bilumbu na mono kele bonso mpema.+ 17  Muntu ya ke fwaka kele inki sambu nge kudibanza sambu na yandiMpi nge tudila yandi dikebi?*+ 18  Sambu na nki nge ke talaka yandi konso sukaMpi ke mekaka yandi konso ntangu?+ 19  Keti nge ta yambula ve kutala monoMpi ta bikila mono ve ntangu yina me fwana sambu na kumina mate?+ 20  Kana mono me sala disumu, inki mutindu mono lenda sala nge mbi, nge Muntu ya ke talaka bantu?+ Sambu na nki nge me kumisa mono kima yina nge ke kana kuta? Keti mono me kuma kizitu sambu na nge? 21  Sambu na nki nge ke lolula ve mbi na monoMpi kifu na mono? Sambu kubika fioti mono ta lala na mfututu,+Nge ta sosa mono, kansi mono ta vanda me kwenda.”

Banoti na nsi ya lutiti

Na kisina, “mambu ya mbote.”
To “Sheole,” disongidila, maziamu ya bantu yonso. Tala Bantendula ya Bangogo.
Na kisina, “mpeve.”
To “mpasi ya ngolo ya moyo na mono!”
To “moyo na mono.”
Na kisina, “ya mikwa na mono.”
Na kisika, “nge tula ntima na nge na yandi.”