Yobi 17:1-16

  • Yobi ke landa kupesa mvutu (1-16)

    • “Bantu ya ke sekaka bantu ya nkaka ke ziunga mono” (2)

    • “Yandi me kumisa mono kima yina bantu ke vweza” (6)

    • “Maziamu ta kuma nzo na mono” (13)

17  “Mabanza na mono ke niokwama, bilumbu na mono me kuma na nsuka;Maziamu ke vingila mono.+   Bantu ya ke sekaka bantu ya nkaka me ziunga mono,+Mpi meso na mono fwete landa kutala* kikalulu na bo ya kukolama.   Pardo, ndima kidimbu na mono mpi bumba yo. Nani diaka ta pesa mono mbote ya maboko mpi ta sala lusilu sambu na mono?+   Sambu nge me bumbila ntima na bo luswasukusu;+Yo yina nge me pesa bo ve lukumu.   Yandi lenda ndima kukabula bima na yandi ti banduku na yandi,Ntangu meso ya bana na yandi mosi me lemba.   Yandi me kumisa mono kima yina bantu ke vweza,*+Na mpila nde mono kumaka muntu yina bo ke losila mate na luse.+   Meso na mono me kuma mpimpa sambu na mpasi,+Mpi maboko na mono yonso ti makulu na mono yonso kele kaka kivudi.   Bantu ya mbote ke tala diambu yai ti kuyituka,Mpi muntu ya me sala mbi ve me kuma kisaka-saka sambu na muntu yina ke kwikilaka ve na Nzambi.*   Muntu ya lunungu ke landa kukangama na nzila na yandi,+Mpi muntu yina kele ti maboko ya bunkete ke kuma kaka ngolo.+ 10  Kansi, beno lenda kwisa beno yonso mpi beno vutukila kutuba mambu na beno,Sambu mono me mona ve ata muntu mosi ya mayele na kati na beno.+ 11  Bilumbu na mono me mana;+Balukanu na mono, banzala ya ntima na mono, me beba.+ 12  Bo ke landa kukumisa kilumbu mpimpa,Mpi ke tuba nde, ‘Nsemo fwete vanda pene-pene sambu mpimpa kele.’ 13  Kana mono vingila, Maziamu* ta kuma nzo na mono;+Mono ta tanda mbeto na mono na mpimpa.+ 14  Mono ta tubila dibulu*+ na ndinga ya ngolo nde, ‘Nge kele tata na mono!’ Mpi na mukuni nde, ‘Mama na mono mpi mpangi na mono ya nkento!’ 15  Ebuna, kivuvu na mono kele na wapi?+ Nani lenda mona kivuvu sambu na mono? 16  Yo* ta kulumuka na bakielo ya banti ya Maziamu*Ntangu beto yonso ta kulumuka kumosi na mfututu.”+

Banoti na nsi ya lutiti

To “fwete vanda kaka na.”
Na kisina, “me kumisa mono kingana; disapu.”
To “sambu na nkolami.”
To “Sheole,” disongidila, maziamu ya bantu yonso. Tala Bantendula ya Bangogo.
To “maziamu.”
Disongidila, kivuvu na mono.
To “Sheole,” disongidila, maziamu ya bantu yonso. Tala Bantendula ya Bangogo.