Yobi 16:1-22
16 Yobi vutulaka nde:
2 “Mono me waka mambu mingi ya mutindu yai.
Na kisika ya kulembika, beno yonso ke pesa mpasi mingi kuluta!+
3 Keti bangogo ya kukonda mfunu* ke vandaka ti nsuka?
Inki ke pusa nge na kuvutula mutindu yai?
4 Mono lenda tuba mpi bonso beno.
Kana beno vandaka na kisika na mono,*Mono zolaka kutuba sambu na kundimisa beno nde beno kele ti foti,Mpi mono zolaka kunikisa ntu sambu na kuseka beno.+
5 Kansi, ata mpidina, mono ta pesa beno kikesa ti bangogo ya munoko na mono,Mpi mambu ya ke lembikaka yina ke basika na munoko na mono ta lembika.+
6 Kana mono tuba, mpasi na mono ke mana ve,+Ebuna kana mono bikisa kutuba, keti mpasi na mono ta mana?
7 Kansi ntangu yai, yandi me lembisa mono;+Yandi me fwa bantu yonso ya nzo na mono.*
8 Nge mpi me kanga mono, ebuna yo me kuma kimbangi;Yo yina kukonda na mono ya mingi ke telama mpi ke ta kimbangi na ntwala na mono.
9 Makasi na yandi me pasula mono bitini-bitini, mpi yandi ke bumbila mono kimbeni.+
Yandi ke kwetisila mono meno na yandi.
Mbeni na mono ke tala mono na disu ya mbi.+
10 Bo me kangudila mono munoko na bo nene,+Mpi bo me bula matama na mono na kuvweza yonso,Bo me vukana mingi sambu na kunwanisa mono.+
11 Nzambi me pesa mono na maboko ya baleke ya babakala,Mpi yandi me losa mono na maboko ya bantu ya mbi.+
12 Mono vandaka ve na mpasi, kansi yandi panzaka mono;+Yandi simbaka mono na nima ya nkingu mpi bedisaka mono;Ebuna yandi tedimisaka mono bonso kima yina yandi ke kana kuta.
13 Bantu na yandi ya ke sadilaka munduki ya tolo-tolo me ziunga mono;+Yandi ke tobula bapiku na mono+ mpi ke wa ve mawa;Yandi ke tiamuna ndulu na mono na ntoto.
14 Yandi ke tobula-tobula mono mbala na mbala bonso kibaka;Yandi ke kwisila mono ntinu bonso soda.
15 Mono me tunga saki sambu na kufika mpusu na mono,+Mpi mono me zika nkembo* na mono na mfututu.+
16 Luse na mono me kuma mbwaki sambu na kudila,+Mpi mpimpa ya ngolo* kele na bikobo ya meso na mono,
17 Ata maboko na mono me sala mbi ve,Mpi kisambu na mono kele bunkete.
18 O ntoto, kufika ve menga na mono!+
Mpi bika nde bidilu na mono kusuka ve!
19 Ata ntangu yai, mbangi na mono kele na zulu;Muntu yina lenda ta kimbangi sambu na mono kele na zulu.
20 Banduku na mono ke vweza mono,+Sambu meso na mono ke basisila Nzambi mansanga.*+
21 Bika nde muntu mosi kuzenga makambu na kati ya muntu ti Nzambi,Mutindu muntu ke zengaka makambu na kati ya muntu mosi ti nkweno na yandi.+
22 Sambu bamvula yina ke kwisa kele fioti,Mono ta kwenda na nzila yina bo ke vutukaka diaka ve.+
