Kwenda na mambu ke na kati

Kwenda na tansi ya malongi

 NGIUFULA 6

Inki Mambu Biblia Tubaka na Ntwala Sambu na Mesia?

MBIKUDULU

“Nge, O Betelemi Efrata, . . . muntu yina ta vanda mfumu na Izraele sambu na mono ta basika na nge.”

Mika 5:2

KULUNGANA

“Ntangu Yezu butukaka na Betelemi ya Yudea na bilumbu ya ntotila Erode, bantu ya ke zabisaka makwisa na nsadisa ya bambwetete katukaka na Esti mpi kwisaka na Yeruzalemi.”

Matayo 2:1

MBIKUDULU

“Bo ke kabula bilele na mono bo na bo, mpi bo ke budila bilele na mono zeke.”

Nkunga 22:18

KULUNGANA

“Ntangu basoda tulaka Yezu na zulu ya nti, bo bakaka bilele na yandi ya zulu mpi kabulaka yo na bitini iya. . . . Kansi, lele yina ya kati vandaka ve ya kutunga, yo vandaka kaka lele mosi katuka na zulu tii na nsi. Yo yina bo tubaka bo na bo nde: ‘Beto pasula yo ve, kansi beto budila yo zeke sambu na kuzaba kana yo ta vanda ya nani.’”

Yoane 19:23, 24

 MBIKUDULU

“Yandi ke tanina mikwa na yandi yonso; bo me buka ve ata mukwa na yandi mosi.”

Nkunga 34:20

KULUNGANA

“Ntangu bo kumaka na Yezu, bo monaka nde yandi fwaka dezia, yo yina bo bukaka ve ­makulu na yandi.”

Yoane 19:33

MBIKUDULU

“Bo tobulaka yandi sambu na mbi na beto.”

Yezaya 53:5

KULUNGANA

“Soda mosi tobulaka yandi mpanzi ti dikonga, mpi na mbala mosi menga ti masa basikaka.”

Yoane 19:34

MBIKUDULU

“Bo pesaka mono lufutu na mono, mbongo 30 ya bibende.”

Zekaria 11:12, 13

KULUNGANA

“Ebuna, mosi na kati ya bantumwa 12, yina bo vandaka kubinga Yudasi Iskariote, kwendaka na bamfumu ya banganga-nzambi mpi tubaka nde: ‘Inki beno ta pesa mono sambu mono tekila beno yandi?’ Bo silaka na kupesa yandi mbongo 30 ya bibende.”

Matayo 26:14, 15; 27:5