Yobi 18:1-21

  • Kutuba ya zole ya Bildadi (1-21)

    • Yandi ke tubila mambu yina ke kuminaka bansumuki (5-20)

    • Yandi me monisa nde Yobi me zaba ve Nzambi (21)

18  Bildadi+ muntu ya Shua vutulaka nde:   “Tii nki ntangu beno ta yambula kutuba mambu ya mutindu yai? Beno monisa mayele ya kubakisa mambu, ebuna beto lenda tuba.   Sambu na nki nge ke mona beto bonso bambisi+Mpi nge ke mona beto bonso bazoba?*   Ata nge kudizenga* bitini-bitini na makasi na nge,Keti bo ta yambula ntoto sambu na nge,To keti ditadi ta katuka na kisika na yo?   Ya kieleka, nsemo ya bantu ya mbi ta fwa,Mpi ludimi ya tiya na yandi ta pela ve.+   Na tenta na yandi nsemo ta kuma kibeni mpimpa,Mpi mwinda yina kele na zulu na yandi ta fwa.   Bitambi na yandi ya kikesa me kuma ya nkufi,Mpi ndongisila na yandi mosi ta bwisa yandi.+   Sambu makulu na yandi ta nata yandi na bukondi,Mpi yandi ta yungana-yungana mpi ta kota na muyungulu na yo.   Mutambu ta kanga yandi na dikulu;*Mutambu ta kanga yandi.+ 10  Bo me bumba nsinga na ntoto sambu na kukanga yandi,Mpi mutambu kele na nzila na yandi. 11  Boma ya ngolo ke titisa yandi na bandambu yonso+Mpi ke kudikisa yandi. 12  Ngolo na yandi me mana,Mpi mpasi+ ta sala nde yandi tekita.* 13  Bo me dia mpusu na yandi;Maladi ya ke fwaka mingi kuluta* ke dia makulu mpi maboko na yandi. 14  Bo me katula yandi na kingolo-ngolo na lutaninu ya tenta na yandi+Mpi bo me nata yandi na ntotila ya ke pesaka boma.* 15  Banzenza* ta zinga na tenta na yandi;Sufre ta panzana-panzana na nzo na yandi.+ 16  Misisa na yandi ta yuma na nsi na yandi,Mpi balutangu na yandi ta yuma na zulu na yandi. 17  Bo ta yibuka yandi diaka ve na ntoto,Mpi bo ta zaba ve zina na yandi* na bala-bala. 18  Bo ta katula yandi na nsemo mpi ta nata yandi na mpimpaMpi ta kula yandi na ntoto yina ke butaka. 19  Yandi ta vanda ve ti bana mpi bantekolo na kati ya bantu na yandi,Mpi na kisika yina yandi ke zinga,* yandi ta vanda ve ata ti muntu mosi ya ta bikala na luzingu. 20  Ntangu kilumbu na yandi ta kwisa, bantu yina kele na ndambu ya Westi ta wa boma kibeniMpi bantu yina kele na ndambu ya Esti ta tekita na boma. 21  Yai kele mambu ya ke kuminaka batenta ya muntu ya ke salaka mambu ya mbiMpi kisika ya muntu yina me zaba Nzambi ve.”

Banoti na nsi ya lutiti

To mbala ya nkaka, “bantu ya mvindu.”
To “nge zenga moyo na nge.”
Na kisina, “kisingini.”
To “lemba.”
Na kisina, “Mwana ya ntete ya lufwa.”
To “na lufwa mosi ya mbi kibeni.”
Na kisina, “Kima mosi yina kele ve ya yandi.”
Na kisina, “yandi ta vanda ve ti zina.”
To “kisika ya yandi ke zinga sambu na ntangu fioti.”