Job 6:1-30
6 Job ọ tẹ kpahe nọ:
2 “Dodokọ a rẹ wawọ idhọvẹ mẹ+ kpobiRe a fi ei họ iskeli kugbe uye mẹ!
3 E gbẹdẹ vi uwẹkpẹ abade.
Oyejabọ nọ eme mẹ e rọ rrọ eme izuehọ* na.+
4 Ese Erumeru na e sa omẹ no,Yọ ẹzi* mẹ ọ be da obi rai;+Eware imuozọ nọ i bi no obọ Ọghẹnẹ ze i dhe uhie họ bi bru omẹ ze.
5 Kọ eketekete ẹwọ+ o re bo nọ ọ tẹ be ruẹ ẹbe re,Hayo kọ eruẹ o re bo nọ o te wo emu nọ ọ rẹ re?
6 Kọ a rẹ re emu nọ o wo awere he ababọ uwhei,Hayo kọ awere jọ ọ rrọ ame ure malo?
7 Mẹ* rẹ rọ obọ te eware itieye na ha.
E wọhọ enua evaọ emu mẹ.
8 Dodokọ a re ru ayare mẹ kẹ omẹRe Ọghẹnẹ o ru ẹgwọlọ mẹ kẹ omẹ!
9 Koyehọ, re Ọghẹnẹ o kpe omẹ no,Re ọ rriẹ obọ riẹ ro kpe omẹ no!+
10 Makọ oyena dede o te wha omosasọ se omẹ;Me ve ti duola oghọghọ dede nọ edada mẹ i bi serihọ họ,Keme mẹ siọ eme Ọrẹri na ha.+
11 Kọ ẹgba jọ ọ gbẹ rrọ omẹ oma nọ mẹ rẹ rọ hẹrẹ?+
Kọ eme ọ rrọ obaro hẹrẹ omẹ nọ mẹ rẹ gbẹ rọ jọ uzuazọ?*
12 Kọ ẹgba mẹ ọ wọhọ utho?
Hayo kọ ekọpa a ro ru uwo-oma mẹ?
13 Kọ edhere jọ ọ riẹ nọ me re ro ru oware jọ kẹ omamẹNọ a mi omẹ eware kpobi nọ me bi ro yeri akpọ no na?
14 Ohwo kpobi nọ ọ be siọ uyoyou nọ o rẹ hiẹ hẹ ba edhesẹ kẹ ọrivẹ riẹ+Ọ be dhozọ Erumeru na ha.+
15 Eviẹhọ e da inievo mẹ oma fia+ wọhọ uto nọ ame ọ rẹ jọ evaọ ezi ekpahe,*Wọhọ ame ito nọ e rẹ kpọ no nọ ezi ekpahe* ọ tẹ vrẹ no.
16 Ekpalekpa-ame i ru rai fihọ viẹviẹ,Yọ ekpalekpa-ame nọ e be ghra i dhere eva rai.
17 Rekọ oke u ti te nọ ame ọ rẹ rọ kpọ no ai no, e vẹ ya fia;Nọ ẹrrorro ọ tẹ ze no, e vẹ kpọ muotọ.
18 I re su kpohọ ofẹ ọfa;I re su kpobọ udhude na, e vẹ kpọ.
19 Ahwo Tima avọ ekamẹle rai+ a be gwọlọ ae;Ahwo nọ a bi kpohọ erẹ nọ a no obọ Shiba ze*+ a be hẹrẹ ae.
20 Oma o vo rai fikinọ a rẹroso ae;Nọ a te etẹe a ruẹ ame he.
21 Ere wha rrọ kẹ omẹ;+Wha ruẹ uye ogaga nọ o rrọ omẹ oma, ozọ u te mu owhai.+
22 Kọ mẹ ta nọ, ‘Wha kẹ omẹ oware jọ,’
Hayo yare nọ wha jọ efe rai kẹ omẹ okẹ?
23 Kọ mẹ yare nọ a thọ omẹ no obọ ọwegrẹHayo inọ a siwi* omẹ no obọ enọ i bi kienyẹ omẹ?
24 Ta ẹme kẹ omẹ,* me ti fibo;+Fiobọhọ kẹ omẹ vuhu ethobọ mẹ mu.
25 Eme uzẹme* e rẹ da ha!+
Rekọ erere vẹ ọ rrọ ọwhọkuo rai?+
26 Kọ wha be gwọlọ oria nọ mẹ jọ ta thọ re wha whọku omẹ,Eme ohwo nọ uye o be bẹ,+ nọ ofou o re fou kufiẹ?
27 Koyehọ wha te ma ẹta fiki ọmọ nọ o wo ọsẹgboni hi re,+Wha vẹ te jẹ zẹ* ogbẹnyusu obọrai!+
28 Fikiere wha kuomarẹriẹ re wha rri omẹ,Keme mẹ te ta ọrue kẹ owhai hi.
29 Ivie wha wariẹ roro onana, wha mu omẹ brukpe he,Ẹhẹ wha wariẹ roro iei, keme ẹrẹreokie mẹ ọ gbẹ rrọ kothi.
30 Kọ ẹrọo mẹ ọ be ta eme iyoma?
Kọ ẹrọo mẹ o gbe vuhumu nọ oware jọ o thọ?
Eme-Obotọ
^ Hayo “ogbẹta, eme nọ a roro te he.”
^ Hayo “nọ me re ro ru re mẹ tọ.”
^ Hayo “ezi iso.”
^ Hayo “ezi iso.”
^ Hayo “Utu ahwo Sebia nọ i bi kpohọ erẹ.”
^ Evaọ Hibru, “ta.”
^ Hayo “Wuhrẹ omẹ.”
^ Hayo “Eme iwoma.”
^ Hayo “rọ oware nwene.”
