Job 32:1-22
32 Fikiere ezae esa nana a gbẹ lahiẹ oma kpahe ẹme kẹ Job hu, keme u mu rie ẹro nọ o kiẹrẹe.*+
2 Rekọ eva e tẹ dha Elaihu ọmọzae Berakẹl ohwo Buz+ nọ o no unuwou Ram ze gaga. Ofu o mu rie gaga kẹ Job keme ọ be gwọlọ dhesẹ omariẹ* fihọ ọnọ o kiẹrẹe viukpọ Ọghẹnẹ.+
3 Eva e tẹ jẹ dhae gaga kpahe egbẹnyusu esa Job keme a be ruẹ ẹme kpahe he, yọ a dhesẹ Ọghẹnẹ fihọ ohwo omuomu.+
4 Elaihu ọ jẹ hẹrẹ re ọ kpahe ẹme kẹ Job, keme a kpako vi ei.+
5 Nọ Elaihu ọ ruẹ nọ ezae esa na a wo ẹme ọvo nọ a rẹ kpahe he, ofu o te mu ei.
6 Fikiere Elaihu ọmọzae Berakẹl ohwo Buz na o te mu ẹme họ ẹta, inọ:
“Ọmaha mẹ rrọ*Yọ whai ezae nana wha kpako no.+
Fikioye mẹ rọ kẹ owhai adhẹẹ be gba omamẹ,+Me yiwi vuẹ owhai oware nọ mẹ riẹ vievie he.
7 Mẹ jọ eva mẹ ta nọ, ‘Jọ enọ e kpako no* e ta ẹme,Jọ enọ e rria ikpe buobu no a ta eme areghẹ via.’
8 Rekọ ẹzi nọ ọ rrọ ahwo oma,Ẹwẹ Erumeru na, oye o rẹ kẹ ahwo otoriẹ.+
9 Orọnikọ ikpe* ibuobu ọvo i re ru ohwo wo areghẹ hẹ,Yọ orọnikọ ezae nọ e kpako no ọvo a rẹ riẹ oware nọ u kiehọ họ.+
10 Fikioye mẹ rọ ta nọ, ‘Wha gaviezọ kẹ omẹ,Re mẹ jẹ vuẹ owhai oware nọ mẹ riẹ.’
11 Rri! Mẹ jẹ hẹrẹ re me yo eme rai;Mẹ ruabọhọ jẹ gaviezọ nọ wha be ta oghẹrẹ nọ wha roro na+Nọ wha be gwọlọ oware nọ wha rẹ ta na.+
12 Mẹ gaviezọ ziezi kẹ owhai,Rekọ whai ọvuọvo ọ sae ta oware nọ u dhesẹ nọ Job o ru thọ họ*Hayo kpahe emamọ ẹme ọvo fihọ eme riẹ hẹ.
13 Fikiere wha du ta ha inọ, ‘Ma wo areghẹ no;Ọghẹnẹ họ ọnọ o dhesẹ nọ ọ riẹ ru hu, orọnikọ ohwo-akpọ họ.’
14 Orọnikọ mẹ ọ ta ẹme riẹ kẹ hẹ,Fikiere mẹ te rọ eme rai na kpahe fihọ ẹme riẹ hẹ.
15 Akpọ o gbe rai unu, a gbe wo ẹme ọfa nọ a rẹ kpahe he;A gbe wo oware ovo nọ a rẹ ta ha.
16 Mẹ hẹrẹ e rai, rekọ a gbẹ ta ẹme ọvo ho;A dikihẹ etẹe ọvo, ababọ ẹme ọfa nọ a kpahe.
17 Fikiere mẹ omamẹ mẹ te kpahe ẹme;Mẹ omamẹ mẹ te ta oware nọ mẹ riẹ,
18 Keme eme e vọ omẹ eva;Ẹzi nọ ọ rrọ omẹ oma o be wọ omẹ re mẹ ta ẹme.
19 Obeva mẹ o wọhọ enwaene nọ o wo oria nọ ofu o bi ro noi hi,Wọhọ oviẹ-udi okpokpọ nọ o be te sa bẹre no.+
20 Jomẹ ta ẹme re oma o ruẹse fọ omẹ!
Me ti rovie igbenu mẹ re mẹ kpahe ẹme.
21 Me ti rri ohwo ọvo ovao ho;+Yọ me ti jiri ohwo-akpọ ọvuọvo ujiro igbenu hu,*
22 Keme mẹ riẹ oghẹrẹ nọ a re jiri ujiro igbenu hu;Me te ru ere, Ọnọ ọ ma omẹ o re kpe omẹ no ababọ oke oraha.
