Job 33:1-33
33 “Rekọ obọnana, Job, ivie gaviezọ kẹ eme mẹ;Gaviezọ kẹ oware kpobi nọ mẹ te ta.
2 Ivie, rri! Me re rovie unu mẹ hrọ;Mẹ rẹ rọ ẹrọo mẹ ta ẹme hrọ.*
3 Eme mẹ i ti dhesẹ nọ udu mẹ u kiete,+Yọ igbenu mẹ e te ta uzẹme oware nọ mẹ riẹ.
4 Ọghẹnẹ ọ rehọ ẹzi riẹ ma omẹ,+Ẹwẹ Erumeru na ọ kẹ omẹ uzuazọ.+
5 Kpahe ẹme kẹ omẹ otẹrọnọ who wo ẹme jọ nọ whọ rẹ sae ta;Gu ẹkẹ unu ra ze evaọ iraro mẹ; ruẹrẹ oma ra kpahe.
6 Rri! Mẹ avọ owhẹ epọvo na evaọ aro Ọghẹnẹ uzẹme na;Ọviẹ a rọ ma omẹ re.+
7 Fikiere jọ ozọ mẹ u mu owhẹ vievie he,Jọ erri ẹme mẹ ọ ga hrọ kẹ owhẹ hẹ.
8 Rekọ whọ ta eware jọ nọ me yo,Ẹhẹ, me je yo eme nana eyeyo, inọ
9 ‘Mẹ rrọ fuafo, ababọ uzioraha;+Abọ mẹ ọ rrọ fuafo, ababọ oruthọ.+
10 Rekọ Ọghẹnẹ ọ ruẹ eware nọ ọ be rọ fiki rai wọso omẹ;Ọ rehọ omẹ fihọ ọwegrẹ riẹ.+
11 Ọ kare awọ mẹ fihọ ewẹ-ekpala ekarọ;*Ọ be kiẹ otọ idhere mẹ kpobi.’+
12 Rekọ eme nana nọ whọ ta na i kiehọ họ, fikiere mẹ te kpahe ẹme fihọ ae kẹ owhẹ:
Ọghẹnẹ ọ rro vi ohwo-akpọ thethabọ.+
13 Fikieme whọ be rọ fo ẹe?+
Kọ fikinọ ọ be kpọ owhẹ unu hu?+
14 Keme Ọghẹnẹ ọ rẹ ta ẹme ẹsiẹvo jẹ ta orọ avọ isiava,Rekọ ohwo ọvo ọ rẹ gaviezọ họ,
15 Evaọ ewezẹ, eruẹaruẹ aso na,+Nọ ahwo a tẹ wezẹ diwi noNọ a tẹ be wezẹ evaọ ehwa rai.
16 Kẹsena o ve rovie ezọ rai+O ve ru re ithubro riẹ i te ai udu,*
17 Re o si ovao ohwo no uzioraha+Jẹ thọ ohwo no omoya.+
18 Ọghẹnẹ o re siwi uzuazọ* riẹ no ọgọdọ,*+O re siwi uzuazọ riẹ no uwhu ọgbọdọ.*
19 Edada nọ ohwo o re wo evaọ ehwa riẹ yọ ọwhọkuo reYọ edada nọ o re wo evaọ igbenwa riẹ kẹse kẹse e rẹ whọku ei,
20 Te epanọ ebrẹdi i re ro tu ei* oma,Nọ ọ* rẹ rọ tubẹ siọ emamọ emu dede.+
21 A gbẹ be ruẹ uwo-oma riẹ hẹ,Igbenwa riẹ nọ i siomano vẹre e tẹ bẹre oma via.*
22 Uzuazọ* riẹ u si kẹle ọgọdọ;*Uzuazọ riẹ u si kẹle enọ e rẹ wha uwhu ze.
23 Otẹrọnọ ọwhovuẹ* jọ ọ rrọ kẹe,Amiunugu ọvo evaọ usu odu ahwo,Nọ ọ rẹ vuẹ ohwo-akpọ oware nọ u kiete,
24 Kẹsena Ọghẹnẹ o te rri rie aro jẹ ta nọ,‘Vu ei wa re ọ siọ obọ ọgọdọ* ba ẹnya!+
Mẹ ruẹ ẹtanigbo no!+
25 Jọ uwo-oma riẹ o bọbọ* vi oke uzoge riẹ;+Jọ o zihe kpohọ oke ẹgba uzoge riẹ.’+
26 Ọ te lẹ Ọghẹnẹ,+ ọnọ ọ te jẹe rehọ,Yọ ọ te ruẹ ovao Riẹ avọ ubo oghọghọ,O ti ru ohwo-akpọ wariẹ wo ẹrẹreokie Riẹ.
27 Ohwo yena o ti whowho* kẹ ahwo-akpọ, inọ‘Mẹ raha uzi no+ jẹ vẹ uzẹme tu,Rekọ a ru omẹ epanọ u fo nọ a re ru omẹ hẹ.*
28 O siwi uzuazọ* mẹ re mẹ siọ ọgọdọ* ba ẹruọ,+Yọ uzuazọ mẹ o te ruẹ elo.’
29 Evaọ uzẹme, Ọghẹnẹ o re ru eware nana kpobiIsiava, isiasa, rọkẹ ohwo,
30 Re o zihe uzuazọ* riẹ no obọ ọgọdọ* ze,Re ọ ruẹse reawere elo uzuazọ.+
31 Gaviezọ ziezi, Job! Gaviezọ kẹ omẹ!
Fọ ọvo, re mẹ ruabọhọ ẹmeọta.
32 Otẹrọnọ who wo oware jọ nọ whọ gwọlọ ta, tae kẹ omẹ.
Ta ẹme, keme mẹ gwọlọ dhesẹ nọ who ru thọ họ.
33 Otẹrọnọ who wo oware ovo nọ whọ rẹ ta ha, gaviezọ kẹ omẹ;Fọ ọvo, me ti wuhrẹ owhẹ areghẹ.”
Eme-Obotọ
^ Evaọ Hibru, “Ẹrọo mẹ kugbe ehru obeva unu mẹ ọ te ta ẹme hrọ.”
^ Hayo “Ọ vẹ whobọhọ ithubro riẹ.”
^ Hayo “uki.”
^ Hayo “okwakwa enwoma (ose).”
^ Evaọ Hibru, “uzuazọ riẹ.”
^ Hayo “e tẹ tehe via.”
^ Hayo “uki.”
^ Hayo “ukọ-odhiwu.”
^ Hayo “uki.”
^ Hayo “o kpokpọ.”
^ Evaọ Hibru, “ọ te so ile.”
^ Hayo o sae jọ nọ, “Yọ o kẹ omẹ erere he.”
^ Hayo “uki.”
^ Hayo “uki.”
