Job 21:1-34
21 Job ọ tẹ kpahe ẹme nọ:
2 “Wha gaviezọ ziezi kẹ ẹme mẹ;Jọ onana o jọ omosasọ nọ wha rẹ kẹ omẹ.
3 Wha thihakọ kẹ omẹ nọ mẹ be te ta ẹme na;Mẹ tẹ ta no, wha sae rọ omẹ jijehwẹ.+
4 Kọ ohwo-akpọ me bi gu kẹ?
O hae jọ ere, kọ mẹ* hae te sai wo odiri te enẹ?
5 Wha tẹrovi omẹ re wha ruẹ eware nọ i ti gbe owhai unu;Wha rọ obọ ruru unu rai.
6 Me te roro kpahe iẹe, o rẹ kẹ omẹ uye,Oma mẹ kpobi u ve bi nuhu zighi zighi.
7 Fikieme ahwo omuomu a be rọ rria tọ,+Nọ a be rọ who, je fe?*+
8 Emọ rai e rẹ jọ kugbe ai ẹsikpobi,A rẹ tọ te epanọ a rẹ rọ ruẹ emọ-emọ rai.
9 Iwou rai i wo omofọwẹ, a be dhozọ ovuovo ho,+Yọ Ọghẹnẹ ọ rẹ rọ ọkpọ riẹ fa ae he.
10 Iruẹ rai i bi yẹ ababọ ẹbẹbẹ;Iruẹ eyae rai i bi yẹ ababọ eva nọ i bi no ai.
11 Emezae rai e rẹ dhẹ ruọ otafe wọhọ uthuru erao,Yọ emọ rai a re duola kpenẹ avọ enẹ.
12 A rẹ so ile avọ ojẹjẹ gbe akpata nọ a bi kporoJẹ ghọghọ nọ a te yo edo urete.*+
13 A be reakpọ kuoma evaọ edẹ uzuazọ rai kpobiA ve kpobọ Uki* tou.*
14 Rekọ a rẹ ta kẹ Ọghẹnẹ uzẹme na nọ, ‘Kẹ omai uvẹ!
Ma gwọlọ riẹ idhere ra vievie he.+
15 Ono họ Erumeru na, nọ ma jẹ gọe?+
Erere vẹ o ti te omai nọ ma tẹ riẹe?’+
16 Rekọ mẹ riẹ nọ a wo ogaga ọvuọvo kpahe efe rai hi.+
Me wo oghẹrẹ iroro* nọ ahwo omuomu a wo na vievie he.+
17 Brẹse ukpẹ ahwo omuomu u fu no?+
Brẹse okpẹtu o be hai te ai?
Brẹse Ọghẹnẹ ọ rọ ofu riẹ raha ae no?
18 Kọ a re zihe ruọ orara nọ ofou ọ rẹ wọ vrẹJẹ wọhọ ohọrọ nọ ofou ọwhibo o re fou vrẹ?
19 Ọghẹnẹ ọ te rawo uye nọ u re te ohwo hẹrẹ emọ obọriẹ.
Rekọ, jọ Ọghẹnẹ ọ hwosa kẹe re ọ riẹ oware nọ o ru.+
20 Jọ ibiaro obọriẹ e ruẹ ọraha nọ o bi tei,Jọ ọyomariẹ ọvo ọ da ofu Erumeru na.+
21 Kọ eme u te rie te oware nọ o via evaọ uwou riẹ nọ ọ tẹ nyavrẹ* noNọ a te bru unu emerae uzuazọ riẹ kpẹre?*+
22 Kọ ohwo jọ ọ sai wuhrẹ Ọghẹnẹ eriariẹ,*+Kpakiyọ Ọye họ ọnọ o bi guẹdhọ enọ e tubẹ mai kpehru?+
23 Ohwo jọ ọ sai whu nọ ẹgba riẹ kpobi ọ gbẹ riẹe oma+Nọ o wo idhọvẹ ọvuọvo ho nọ ọ be reakpọ kuoma,+
24 Nọ ikpekpawọ riẹ e rrọ fuẹfu*Yọ igbenwa riẹ e rrọ gaga.*
25 Rekọ omọfa ọ sai whu avọ akọriọ,*Yọ emamọ eware i te rie unu ẹdẹvo ho.
26 Ẹkpẹ* aimava a ti kiẹzẹ,+Yọ ihoi i ti ruru aimava.+
27 Rri! Mẹ riẹ oware nọ wha bi roroTe omaa uyoma nọ wha be jọ eva rai ma kpahe omẹ.*+
28 Keme wha be ta nọ, ‘Uwou okpohwo na ọ rrọ,Kọ uwou-udhu nọ ohwo omuomu na ọ jẹ rria na ọ rrọ?’+
29 Kọ wha re nọ ahwo nọ a bi kpohọ erẹ?
Kọ wha be hae romatotọ roro kpahe eware* nọ a muẹrohọ,
30 Inọ ohwo oyoma o re whu hu evaọ ẹdẹ okpẹtuYọ a re siwi ei evaọ ẹdẹ ofu?
31 Ono ọ te nọe kpahe idhere riẹ,Kọ ono ọ te hwosa oware nọ o ru kẹe?
32 Okenọ a te wọe kpobọ uki,A ti rou uki riẹ.
33 Ikulu ẹkpẹ ukiekpotọ* na e te were iẹe oma,+Yọ ahwo-akpọ kpobi a ti lele iei*+Wọhọ ibuobu nọ e kake rehọ iẹe jọ.
34 Kọ fikieme wha be rọ kẹ omẹ omosasọ nọ u fioka ha?+
Eme eviẹhọ ọvo wha be kpahe!”
Eme-Obotọ
^ Evaọ Hibru, “ẹzi mẹ ọ.”
^ Hayo “wo ogaga.”
^ Hayo “onwae.”
^ Hayo “evaọ omoke,” koyehọ, uwhu nọ u re siotọ họ nọ o kare edada.
^ Hayo “ohrẹ; omaa oyoma.”
^ Hayo “kpohọ abava.”
^ Hayo “o te whu.”
^ Hayo “wuhrẹ Ọghẹnẹ oware jọ.”
^ Hayo “iwhriwhri.”
^ Evaọ Hibru, “eriare nọ e rrọ ighogho igbenwa riẹ e rrọ vuavo.”
^ Hayo “Ovu.”
^ Hayo o sae jọ nọ, “re wha rọ nwa omẹ oma.”
^ Evaọ Hibru, “eka.”
^ Hayo “uto.”
^ Evaọ Hibru, “Yọ o ti si ahwo-akpọ kpobi lele oma.”
